المساعد الشخصي الرقمي

مشاهدة النسخة كاملة : الاحتراف الداخلي ام الخارجي


Bayren
09-09-2006, 11:42 AM
من غير الممكن ان تشتري ديجيتال ان لم يكن لديك تلفزيزن

او تشتري Cr_w (ناسخة سيديات) ان لم يكن لديك جهاز كومبيوتر

اعتقد انه من الغير المقنع ان تبدأ الأندية(دون تحديد نادي معين) بعقد الصفقات مع اللاعبين الأجانب, دون إعادة الترتيب الداخلي.

الإحتراف يعني الاتقان, و الاتقان هو صيغة مفروضة و مطلوبة عند بدء تحويل الفكرة إلى عمل

الإحتراف يبدأ عندما نهتم بلاعبين القواعد, عندما ندرس إمكانية رفد النادي بالموارد المادية
من المهم أن نحترف كمشجعين, كأعضاء بالمنتدى
الإحتراف يبدأ مني و منك و من الجميع, الموضوع ليس بالسهل فنحن أميل إلى الفضوى و البعثرة .........الخ
اتمنى ان نرى احتراف بمعنى الاحتراف أن أندية محترفة بمعنى الاحتراف, ليس فقط ان نجلب لاعب من العراق او من افريقيا او من اوربا .....الخ

الاحتراف اكبر و اكبر الاحتراف يبدأ منا لأننا عندما نكون محترفين, نفرض على العالم أن يتعاملوا معنا باحتراف.

اتمنى ان نحترف بمعنى الاحتراف و ليس ان نحترف بمعنى الانحراف

Saeed Haddad
09-09-2006, 12:08 PM
أخوي موضوع رائع وكلام ممتاز

أنا برأيي لسا ما وصلنا لـ 30 % من مفهوم الاحتراف ببلدنا

والسبب عقلية الجمهور بالإضافة لبلاوي الاتحاد الرياضي وعصاباته

والإحتراف الداخلي والخارجي بينجحو سوا خطو بخطوة

بس إيمت ...الله أعلم

Bayren
09-09-2006, 03:17 PM
أخوي موضوع رائع وكلام ممتاز
أنا برأيي لسا ما وصلنا لـ 30 % من مفهوم الاحتراف ببلدنا
والسبب عقلية الجمهور بالإضافة لبلاوي الاتحاد الرياضي وعصاباته
والإحتراف الداخلي والخارجي بينجحو سوا خطو بخطوة
بس إيمت ...الله أعلم



كلامك درر مظبوط اسى ما وصلنا انا براي و لا حتى 20 %

نتمنى الازدهار و التقدم للنادينا و لكل الاندية السورية

الآغا
09-09-2006, 04:29 PM
انا معكم تماما بكلامكم وانا مثلا صوتت للاحتراف الخارجي بس اكيد مش متل الاحتراف الخارجي يلي عم نجيبون ... يعني اذا مجرم هربان من البرازيل وبدو يتخبا بيقول انو بيلعب بالطابة وبيخبوه عنا على اساس الاحتراف او اذا جاية من بلاد الجوع وبدو ياكل بيقول انو لااااااعب وعلى الله يجيب جول انديتنا بتدفع مصاري وانديتنا بحاجة احتراف حقيقي خارجي واذا كان غير حقيقي فابناء النادي اولى بهالمصاري شكرا على الموضوع

Mohammad_Sayed
09-09-2006, 04:46 PM
هلق بالنسبة للاحتراف انا برأييي الاحتراف الخارجي ممكن يفيد الدوري السورية اما الاحتراف الداخلي فهو اللي خرب انديتنا ... وخاصة حطين لانو اللاعب صار عم يفكر بجيبتو اكتر من انتمائه للقميص اما الاحتراف الخارجي فممكن نجيب لاعب يفيدنا سنة وممكن اكتر بس ما ممكن يجرح مشاعرنا متل ما عملت بعض اللعيبة الحطينية وانتقلت لانديه اخرى ما كنا منتوقعا بحياتنا انو تروح عليها
الخلاصة الاحتراف بسوريا ما بيظبط بشكل كامل مستحيل ولكن لا بد منو بضمن المعقول يعني لاعب تنين اجانب للنادي اللي بدو منيح
اما 9 لاعبين محليين انتقلو من نادي لنادي تاني والله هاد ما اسمو لا احتراف ولا تطوير... للكرة السورية !!! هاد رايي وشكرا عالموضوع

abu kamal
09-09-2006, 04:51 PM
ياعين ياصافي اسبقتني ع موضوع كنت بدي نزلو الخميس الجاية عن الإحتراف
وما حقق للكرة السورية
مشكور صافي ومبروك الإشراف

Bayren
09-09-2006, 04:57 PM
على راسي ابو كمال و ان شاء الله نكون عن ثقة الشباب فينا

انا حابب تبقى تعالج الموضوع خلينا ندرس الفكرة من اكتر من جهة و النقط يلي ممكن قصر فيا انا انت سلط الضوء عليا و هيك من نكون عطينا الفكرة حقا و التوفيق للجميع

Mohammad_Sayed
09-09-2006, 05:04 PM
طيب انتو برايكن انو الاحتراف الداخلي عمل نتيجة شي؟ ايجابية للنوادي كلا ما بس حطين مع انو حطين يمكن اكتر فريق تضرر من هالقصة

Bayren
09-09-2006, 05:05 PM
هلق بالنسبة للاحتراف انا برأييي الاحتراف الخارجي ممكن يفيد الدوري السورية اما الاحتراف الداخلي فهو اللي خرب انديتنا ... وخاصة حطين لانو اللاعب صار عم يفكر بجيبتو اكتر من انتمائه للقميص




بس فكرة الاحتراف الداخلي بتدعم و بشدة موضوع تخصيص الموارد المالية للاعب المحلي يعني متل الدوري السعودي قبل ما يسمحوا بالاحتراف الخارجي لأنو كل الموارد بتروح للاعب المحلي و بتالي بيتطور و ممكن نساهم بهل الطريقة بتطوير المنتخب

Mohammad_Sayed
09-09-2006, 05:13 PM
أخي بايرن الله يخليك لما يكون فيه موارد مالية مستعد الاتحاد الرياضي يدفعها متل السعودية وقتا منقول انو الاحتراف الداخلي مفيد نحنا عم ندفع للاعب الاجنبي وفيه اندية كمان عم تنكسر قد ما عم تدفعلو ما في سيولة يعني حتى الاحتراف الخارجي سيئ عنوادينا لكن صار لازم ندخل بالاحتراف لا بد منو املا بتطوير الكرة السورية ولو قليلا بس الداخلي انا بايد كلامك بس لو كنا متل السعودية بالرياضة مصاري كب
يعني الخلاصة ما فيك تقارن السعودية فينا نحنا

Bayren
09-09-2006, 05:15 PM
طيب انا بقترح باتغول انك تحكي عن الاحتراف الداخلي و شو النقط يلي ما بتشوفا كويسة بهل النظام


لأنو يلي كنا عايشينو هو زمن هوايه و ليش زمن احتراف داخلي
اهم دوريات العالم كانت تطبق الاحتراف الداخلي

Mohammad_Sayed
09-09-2006, 05:28 PM
أخي بايرن .. تكرم عينك اولا ما فيك تقارن الكرة السورية باالعالمية فالكرة العالمية حاليا حتى عم تصير العربية عم تتحسن الا نحن مكانك راوح وحتى للاسوأ مع انو طبقنا الاحتراف الداخلي والخارجي ؟؟؟
وما من فائدة وهالحكي الو شي 6 سنين يمكن الاحتراف
وتطلع على حطين بالاخص بعد االاحتراف كيف بدا محور تراجع المستوى وانحدار اداء الفريق ودفعنا التمن ...
حتى صرنا نتطلع للاعبين حطينييين كانو بيعشقو القميص صارو عم يفكرو براتبهن وما بيلعبو من قلبن الا اذا الادارة جابتلن لبن العصفور لعندن والا ...
يهدد اللاعب المذكور بالانتقال لفريق اخر متناسيا قميصه متناسيا ناديه الذي ترعرع فيه وكان منذ صغره يهتف بحطينن ويعشق حطين!!!!
والله هزلت يا صديقي مانك شايف انو كل هالشي سببو هو ؟ الاحتراف الداخلي نحنا منطق الكرة السورية اعوج يعني ما فيك تعمر اذا ما في اساسيات صح وما في ماديات وهن اهم نقطتين لنبلش بالاحتراف الداخلي الصحيح ...مشان هيك بقول
الاحتراف الداخلي كان دمار على الكرة السورية وطبعا ما بس هو السبب الوحيد ولكنه من اهم الاسباب لها الشي هاد طبعا رايي اخي بايرن وشكرا الك تقبل تحياتي

Mohammad_Sayed
09-09-2006, 05:29 PM
وهاد كلامي وبالنسبة للاحتراف الداخلي
انظر الى حطين الان ؟!!! بعد الاحتراف الداخلي العظيم

abu kamal
09-09-2006, 05:32 PM
انشالله أبو وليد الغالي
بس أنا للخميس لبلش
لأني ولله هلأ مابقدر
أبداً

Mohammad_Sayed
09-09-2006, 05:35 PM
بعدين اخ بايرن بدك تقنعني ؟؟؟ انو اللاعب بعد ما عم يخرج من ناديه عم يلعب على دمه متل ما كان بيلعب بناديه ؟؟
ليكنا جبنا محترفين السنة الماضية قعدو يتفرجو بلعبتنا مع تشرين ونحنا كلنا عم نتحروق ... لك حتى فول ما عملو يعني الدليل ما كان فيه مشاعر بالملعب لانو ما ناديهن بس نحنا كنا عالمدرجات عم نتحروق عالفاضي !!!!

Bayren
09-09-2006, 05:52 PM
صديقي باتغول:

انا بحترم رايك لأبعد الحدود و اللحمد لله انو في اشخاص اسى غيورة لهل الدرجة متلك, بحيك من كل قلبي

............................ سيدي الكريم لازم نتفق انا و ياك انو الطالب المتفوق بالجامعة الروسيةمثلا هو على الأغلب طالب لا بأس فيه في جامعات أوربا الغريبة العريقة, يعني ما في مجال للمقارنة بينا و بين حدا........................ يا شباب جزر المالديف عم تتطور ونحنا مكانك راوح يا اما عم نمشي متل مشي السلحفاةو الك مني كل الاحترام و التقدير و انا بحب رايك مع انو معاكس لحد كبير لرأي

بس انا كنت يلي عم فكر فيه و يلي بهدف وصلوا انو الشخص لازم يخلص بيعملوا و نحاول نعتمد على أن نضع الأشخاص في الأمكنة التي تناسبهم( ما انو نحط دكتور جراحة عامة رئيس لقسم السكري, هي قصة أب صديقي بعد ما رجع من ألمانيا ما تفكروا أنو عم أمزح) و الاعتماد على ولاد النادي اهم من الاعتماد على الغرباء

و كما قال عليه الصلاة و السلام (( إن الله يحب اذا عمل أحدكم عملاً ان يتقنه))

syriana
09-09-2006, 05:55 PM
عمي باختصار اعتقد ان الاحتراف الاداري هو الاهم وقبل الحديث عن احتراب لاعبين اجانب او محليين..
مشكلتنا في سوريا عدم وجود العقلية المؤسساتية المحترفة في القيادات والادارات ...
للحظة يجب ان يكون فلان رفيق حزبي وليش ما بعرف ليش لو بعمرو ما بيعرف رياضة او اي شي تاني ...

Mohammad_Sayed
09-09-2006, 06:36 PM
اهلا وسهلا فيك بايرن انا كان هون نقطتي ويا ريت تشرحلي وين نقطتك تماما بالاحتراف الداخلي

Bayren
09-09-2006, 06:54 PM
حبيب القلب باتغول:
و الله لهلا التصويت معك, شكلن الشباب مأدين بالرأي:)

انا رأي بصراحة و بكل بساطة أنو يكون الاحتراف مننا من الداخل مني و منك ومن رئيس النادي من المدربين ومن ومن ومن .............هو اكيد شي صعب, يعني أنو نفيئ بكرا انا و ياك نشوف هل الشي, بس لازم يصير هل الشي بالنهاية

كان بفكري انو الأموال يلي بتنصرف على استقدام محترفين من درجة تالتة و رابعة تنصرف على ولاد النادي بدل ما يهجوا لبرا النادي أو تنصرف على المدربين(و ما في شك على أهمية المدرب على تطوير الفريق)
الاحتراف كما بشوفوا هو الالتزام بتشكيلة معينة لمدة زمنية, ما أنو كل سنة نجيب فريق تركيب ألعاب(عم نحكي على الأندية بشكل عام) طبعا مطلوب من الأندية تعمل تجديد بفريقها بكل سنة, بس على أسس مدروسة, نحنا كل سنة اللاعب الفلاني زعل, اللاعب التاني اسى الوا من مقدم عقد سابق, و ............................... و قصص

ليس ما تروح الأموال على ولاد النادي على شباب النادي على دورات للمدربين أنا ما أحلم نكون بايرن حطين مثلا , لا أنا شخص واقعي

بس الاحتراف بالمعنى يلي فهمتوا الأندية هو انحراف, و من السيء إلى الأسوا و متل ما ألت أنت كانت الناتئج ايام زمان أفضل من الآن مع أنو لا كان فيه لا احتراف و لا شي.

الاحتراف ممكن نشوفوا عن شخص فاتح كشك و بيبيع فلافل, و ممكن من لاقيه بمطعم 5 نجوم

على الأقل نحاول نبلش الاحتراف من هل المنتدى, مننا نحنا
و على الله
أبو وليد

أحمد بدر
10-09-2006, 12:49 AM
الاحتراف ..اول شي ليش احنا اعرفنا شو يعني احتراف ..الله الوكيل انو هاد انحراف مو احتراف ...

SAHED
10-09-2006, 01:21 AM
الاحتراف صح بكل اشكاله خارجي داخلي بري بحري جوي بس لما يكون اللاعب مأسس صح اما لما تجيب لاعب بالواسطه وما فهمان شي بالطابه وتبعتو على ايطاليا واسبانيا والبرازيل رح يضل هو هو ما رح يتغير شي غير انو يمكن يتعلم اللغه تبع البلد يلي هو فيه نحنا ما عاد اسسنا لاعبين من الصغر على طريق الصح ولما ما يكون عنا تأسيس صح بعمرو ما حدا رح ياخد حدا من عنا لذلك اسسوا اللاعبين صح بعدين احكو بالاحتراف

Mohammad_Sayed
11-09-2006, 08:45 PM
حبيب القلب باتغول:
و الله لهلا التصويت معك, شكلن الشباب مأدين بالرأي:)
انا رأي بصراحة و بكل بساطة أنو يكون الاحتراف مننا من الداخل مني و منك ومن رئيس النادي من المدربين ومن ومن ومن .............هو اكيد شي صعب, يعني أنو نفيئ بكرا انا و ياك نشوف هل الشي, بس لازم يصير هل الشي بالنهاية
كان بفكري انو الأموال يلي بتنصرف على استقدام محترفين من درجة تالتة و رابعة تنصرف على ولاد النادي بدل ما يهجوا لبرا النادي أو تنصرف على المدربين(و ما في شك على أهمية المدرب على تطوير الفريق)
الاحتراف كما بشوفوا هو الالتزام بتشكيلة معينة لمدة زمنية, ما أنو كل سنة نجيب فريق تركيب ألعاب(عم نحكي على الأندية بشكل عام) طبعا مطلوب من الأندية تعمل تجديد بفريقها بكل سنة, بس على أسس مدروسة, نحنا كل سنة اللاعب الفلاني زعل, اللاعب التاني اسى الوا من مقدم عقد سابق, و ............................... و قصص
ليس ما تروح الأموال على ولاد النادي على شباب النادي على دورات للمدربين أنا ما أحلم نكون بايرن حطين مثلا , لا أنا شخص واقعي
بس الاحتراف بالمعنى يلي فهمتوا الأندية هو انحراف, و من السيء إلى الأسوا و متل ما ألت أنت كانت الناتئج ايام زمان أفضل من الآن مع أنو لا كان فيه لا احتراف و لا شي.
الاحتراف ممكن نشوفوا عن شخص فاتح كشك و بيبيع فلافل, و ممكن من لاقيه بمطعم 5 نجوم
على الأقل نحاول نبلش الاحتراف من هل المنتدى, مننا نحنا
و على الله
أبو وليد
اه اذا انت عم تحكي من هالنقطة فاكيد انا معك فيها لكن صديقي ... انا مع نقطة صرف الاموال لاولاد النادي ما لنشتري لعيبة من غير محافظة يعني بالنهاية
ممكن نبقى عالاحتراف الخارجي بس بنفس الوقت ما ننسى حقوق ولاد النادي ونعرف انو الاجنبي مانو افضل من ابن النادي بشي وولو كان مستواه افضل بشوي