حطينية تطلب المساعدة

[سامية]

يا شباب الموقع انا وعم اقرأ لفت انتباهي كام اسم ما عرفت مين هدول
: الحواش /جمعة عباس/ هدول لاعبين قديمين ام جدد بحطين
أنا بحب اللاعب عارف الاغا كتير كتير كتير لانو بيقولوا عنو كويس و جنتل مان *ويا ريت اعرف اسماء اللاعبين* وشو يبقصدوا لما بيقولوا /اربعة اربعة اتنين/ وتلاتة خمسة اربعة/ وخمسة تلاتة اتنين/
وشـــــــــــــــكرا

[صلاح الدين قواف]

يا شباب الموقع انا وعم اقرأ لفت انتباهي كام اسم ما عرفت مين هدول
: الحواش /جمعة عباس/ هدول لاعبين قديمين ام جدد بحطين
أنا بحب اللعب عارف الاغا كتير كتير كتير لانو بيقولوا عنو كويس و جنتل مان *ويا ريت اعرف اسماء اللاعبين* وشو يبقصدوا لما بيقولوا /اربعة اربعة اتنين/ وتلاتة خمسة اربعة/ وخمسة تلاتة اتنين/
وشـــــــــــــــكرا
أول شي إسمو الهواش مو الحواش ( منيح يلي ماسمعك ) وهاد مدرب الفريق
جمعة عباس : هاد مهاجم عراقي جديد
أما الجنتل مان عارف الأغا فعم يلعب مع الطليعة
وبخصوص 4/4/2 * 3/5/2 فهي خطة لعب الفريق
أما 3/5/4 فما بعرف شو هي يمكن رقم تلفون رئيس النادي;)

[سامية]

شكرا كتير بس ليش عارف خليتو يروح وايمت راح والله حرام
وخطة اللعب 4/4/2/ كيف بدها تصير ليش كام لاعب رقمو اربعة انا بعرف انو ما بصير لاعبين يحملو نفس الرقم مظبوط كلامي اخ صلاح ومرة تانية اسفة كتير بس ما بعرف بكرة القدم وجاية على بالي اتعلمها وخصيصا هي التسللل حلوة كتير والله بحس اللاعب بيزعل وليش ما بيعطي الحكم كرت اصفر اذا لاعب ارتكب خطأ التسللل / بس على فكرة ما بعرف شو هاد التسلل/ بعرف انو خطأ بابا الله يرحمو كان يحب القدم لو عايش كنت سألتو واخواتي صغار لذلك انا اسف اذا اسئلتي كتيرة

[صلاح الدين قواف]

هادول اللاعبين

اللاعبين :

الحراس : عمر عكيل ـ مصطفي سيد احمد ـ عماد عيسى

المدافعين : عمار ياسين ـ شادي زرطيط ـ محمد والي ـ وافي درويش ـ احمد ديب

ـ يحيى قلفاط ـ علي حسونة

خط الوسط : هشام عابدين ـ ياسر عكرة ـ عبد القادر جبيلي ـ أسامة حداد ـ أركان مبيض ـ

محمد فارس ـ نزار الحسين ـ محمد حاج محمد ـ علي طه

المهاجمين : محمد منصور ـ جمعة خضير ـ مروان سيدة ـ علاء ارناؤوط

محمد أبو الريف

[صلاح الدين قواف]

شكرا كتير بس ليش عارف خليتو يروح وايمت راح والله حرام
وخطة اللعب 4/4/2/ كيف بدها تصير ليش كام لاعب رقمو اربعة انا بعرف انو ما بصير لاعبين يحملو نفس الرقم مظبوط كلامي اخ صلاح ومرة تانية اسفة كتير بس ما بعرف بكرة القدم وجاية على بالي اتعلمها وخصيصا هي التسللل حلوة كتير والله بحس اللاعب بيزعل وليش ما بيعطي الحكم كرت اصفر اذا لاعب ارتكب خطأ التسللل / بس على فكرة ما بعرف شو هاد التسلل/ بعرف انو خطأ بابا الله يرحمو كان يحب القدم لو عايش كنت سألتو واخواتي صغار لذلك انا اسف اذا اسئلتي كتيرة

والله عارف راح هو بدو يغير شكل
والخطة 4/4/2 يعني 4 لاعبين دفاع و 4 وسط و 2 هجوم بالإضافة للحارس
أما التسلل فهادي حكايتها حكاية إذا حكامنا لهلأ ما عم يعرفو يطبقوها

[سامية]

شكرا كتير يا ادمي بتذكر بابا الله يرحمو كان يقول شومان وجلباوي او جبلاوي وبيازيد اي بيازيد هاد مشهور مع حطين ام تشرين وين هدول اللاعبين

[صلاح الدين قواف]

شكرا كتير يا ادمي بتذكر بابا الله يرحمو كان يقول شومان وجلباوي او جبلاوي وبيازيد اي بيازيد هاد مشهور مع حطين ام تشرين وين هدول اللاعبين


أول شي الله يرحم الوالد
تاني شي
الشومان كان اااالسنة الماضية يلعب مع جبلة بس هلأ ما عم يلعب مع حدا
والجبلاوي مع عارف بالطليعة
واليازيد باليونان

[سامية]

شكرا الك يا اخ وانا اسفة اذا اخدت من وقتك كلك زوء شكرا كتير اخ صلاح

[صلاح الدين قواف]

أهلا وسهلا

وإنشالله من خلال موقعنا بتتعرف أكتر و أكتر عن كرة القدم وعن لاعبين حطين

[سامية]

ليش كتبتو منقول جنب الموضوع شو يعني

[صلاح الدين قواف]

هو كان محطوط بمنتدى الأخبار وهاد المنتدى مخصص لأخبار حطين فقط
فنقلتو لمنتدى الجمهور وهو المنتدى يلي بيخص المناقشات عن حطين

[سامية]

عنجد خجلانة منكم انا اسفة اذا عم اعمل فوضة عنجد اسفة وسامحني هالمرة اخ صلاح

[صلاح الدين قواف]

والله عادي
لا فوضى ولا شي أي شخص جديد رح يعمل هيك
بالعكس نورت المنتدى أهلا وسهلا فيك وبانتظار مشاركاتك الدائمة

[سامية]

كل زوء اخ صلاح عنجد انا اسفة وتصبح على خير

[صلاح الدين قواف]

و إنت من أهل الخير

[abu kamal]

ياهلا بغضوتنا الجديدة نورتي المنتدى
شو سيس كيفك

[Mohammad_Sayed]

أهلا وسهلا شي حلو كتير نشوف عضوات بالمنتدى .... يا ميت هلا

[سامية]

تسلمو كلكم زوء عنجد

[نوار مالك مجبور]

اهلا وسهلا فيكي اخت سامية نتمنى أن تكوني سعيدة معنا في هذا المنتدى الاخلاقي وانشاء الله نحن هون متل اخواتك/ نوار_ ابو كمال - باتيغول -تووت- صلاح-والكل واذا بدك مساعدة راسلي المدير خالد
أبو النور

[Saeed Haddad]

أهلا وسهلا أخت سامية
وأهلين بكل الحطينيات ...
وهي صلاح قام بالواجب..
ماشاء الله عليه ...دوما بالمكان المناسب;)

[MOHAMMAD ZIDAN]

أهلا وسهلا أخت سامية نورتي المنتدى

بنتشرف أنك تكوني أول عضوة بالمنتدى معنا

وقريبا سنقوم بافتتاح قسم خاص يهتم بالجنس الناعم ومشاكلهم

والى المزيد من التقدم يا حطين

[نوار مالك مجبور]

هاد الكلام الصحيح الله يقويكم
أبو النور

[toot442]

و الله معكون حق!!!! لك اهلى و سهلا بالجمييييييييييييييييييييييع!!!!

:cool: :cool: :D :D

[Mohammad_Sayed]

انشالله ابو كمال للمزيد من التقدم انشلله