المساعد الشخصي الرقمي

مشاهدة النسخة كاملة : موسوعة الأمثال اللاذقانية


الصفحات : [1] 2 3

سامر خالد منى
07-05-2009, 06:51 AM
سنقوم بعمل أرشيفي لحصر أمثال اللاذقية الشعبية من ذاكرتنا وما حفظناه عن آبائنا وأمهاتنا وأجدادنا ومعارفنا، ونحاول تقريبه للغة العربية الفصحى، واستجلاء معناه وفيما يُضرب وقصته إن أمكن.

سامر خالد منى
07-05-2009, 06:52 AM
المثل: (هانت باقي خمسة ووحدة لانت).
الفصيح : (سهل الأمر، بقي خمسة وواحدة لانت).
ويُضرب لمن يصبر على الشيء.
قصته : حدثني أحد الكبار رحمه الله أن قصة المثل في رجلٍ كانت أمه العجوز الأرمل تتكلم كثيراً فتزعجه، فأشار عليه أحدهم أن يخبرها بمجيء زوجٍ لها، ويطلب منها أن تكسر ستة جوزات بفمها الخالي من الأسنان، فجعلت تمصمصها بفمها لتلين فتكسرها وسكتت عنه وسألها بعد شهور عن حالها، فأجابته : (هانت باقي خمسة ووحدة لانت).

محمد عبارة
07-05-2009, 06:57 AM
قيل عن الاشهر

كانون كن ببيتك يا مجنون

شباط لباط ما علي رباط

اذار ابو الزلازل والامطار

تموز بتغلي المي بالكوز

آب اللهاب

ايلول طرفو مبلول

بين تشرين الاول وتشرين التاني صيف تاني

محمد عبارة
07-05-2009, 12:12 PM
وهناك مثل يقول
يخرب بيت هالزمان اللي خلا الحقيرين يركبو فلايك والكويسين يلحئون سباحة
هلئ هوه المثل انا عدلت في شوي
ويرمز على تغير احوال البشر من حال الى حال

أليــ الملــك ــكـس
07-05-2009, 03:09 PM
أمثلة قيمة ..
كانون كن ببيتك يا مجنون .. وهذا كثيراً ما كنت أسمعه من جدتي ..
يعطيكون العافية ..

محمد عبارة
07-05-2009, 03:43 PM
ازا واحد حشري كتير ومعلائو كبير
بيئلولو حمزةئربة
وهادا حمزة ئربة كان انسان فضولي بيتدخل بكلشي
ومرة شاف علئة سكاكين فات فيا ليخلص
اكل ضربة وراح فيا الله يرحمو
ومن يومها صار المرحوم مثال معروف لاهل اللادئية
عن كل واحد حشري

سامر خالد منى
07-05-2009, 03:46 PM
المرحوم (حمزة قربة) كان من خيرة الناس المهذبين كما يروي أبي لي، وروى لي غير أبي، وكان أنيقاً وابن ناس، وجد شجاراً بين شخصين فأراد أن يخلص بينهما فقتل فكان جزاؤه أن صار مثلاً غريباً رغم حسن نيته وطيب فعله، رحمه الله.

وهذا يذكرني بالمتنبي الذي جعل من كافور الأخشيدي (عبداً أسود سيء الخلق) رغم أن التاريخ يشهد له بالعدل والتقوى!!

من جديد الناس تفصِّل ما تشاء كيفما تشاء !!

محمد عبارة
07-05-2009, 03:52 PM
المرحوم (حمزة قربة) كان من خيرة الناس المهذبين كما يروي أبي لي، وروى لي غير أبي، وكان أنيقاً وابن ناس، وجد شجاراً بين شخصين فأراد أن يخلص بينهما فقتل فكان جزاؤه أن صار مثلاً غريباً رغم حسن نيته وطيب فعله، رحمه الله.
وهذا يذكرني بالمتنبي الذي جعل من كافور الأخشيدي (عبداً أسود سيء الخلق) رغم أن التاريخ يشهد له بالعدل والتقوى!!
من جديد الناس تفصِّل ما تشاء كيفما تشاء !!

استاذ سامر انت منارتنا واستاذنا
تقريبا من كام سنة صارت قصة المرحوم حمزة قربة

سامر خالد منى
07-05-2009, 03:59 PM
أعتقد بين الخمسينات والستينات
وربما السبعينات
لا أتذكر بالتحديد

تسلم يا غالي هذا من لطفك وأصلك

ابو طلال الحطيني
07-05-2009, 05:28 PM
يطيك الف عافية استاذ سامر
الكلام عاجز عن التعبير ووصف مجهودك الجبار في توثيق تاريخ مدينتنا من جميع النواحي
شكرا الك استاذنا واطال الله بعمرك

maher4343
07-05-2009, 05:36 PM
الله يقويييييكم ويكون معكم يا رب

سامر خالد منى
07-05-2009, 05:53 PM
يطيك الف عافية استاذ سامر
الكلام عاجز عن التعبير ووصف مجهودك الجبار في توثيق تاريخ مدينتنا من جميع النواحي
شكرا الك استاذنا واطال الله بعمرك


وقريباً هناك دراسة للهجة اللاذقية
معمقة وعلمية
لا كما ينشرها الشباب

تحياتي أبو طلال الغالي

سامر خالد منى
07-05-2009, 05:54 PM
الله يقويييييكم ويكون معكم يا رب


تسلم أخي ماهر

نريد أن تقدح ذهنك معنا وتضيف أمثالاً لاذقانيةً

محمد عبارة
07-05-2009, 06:01 PM
ازا شخص العالم شايفتو وما مسدئا
بيئولو شايفين منو ئبرص
يمكن لئنو كانو اهل اللادئية الئديمين كانو يتخيلو انو
ابعد شي كان ممكن يوصلو ئبرص

احمد غسان منى
07-05-2009, 08:42 PM
شو مفكرني ابن شريتح او ابن هارون او ابن سعادة (كانو من اغنياء البلد واللي بدو يدروش بحالو بيقلو للتاني هالعبارة)

ماشا الله عليها شعرا متل شعر بنت المطرجي (النسوان وقت بيشوفو بنت شعرا حلو بيشبهوها لبنت المطرجي وكانت بنت معروفة بجمال شعرا)

محمد عبارة
08-05-2009, 11:56 AM
ازا واحد صغير وتدخل بشغلات الكبار
كانو يئلولو متل حمصةالكي
ممكن تفسيرا باللغة الفصحة
استاذ سامر

سامر خالد منى
08-05-2009, 02:21 PM
ازا واحد صغير وتدخل بشغلات الكبار
كانو يئلولو متل حمصةالكي
ممكن تفسيرا باللغة الفصحة
استاذ سامر


يعني : مثل المكواية الحامية كحبة الحمص في الماء الذي يغلي

سامر خالد منى
08-05-2009, 02:24 PM
"بلاميدا ما بأه عيدا".

الفصيح : بلاميدا ما عدت أعيدها.

ويُضرب للشيء الذي يجربونه فلا يطيقون تكراره لسوئه.
والبلاميدا نوع من أنواع السمك سيء الطعم عند القلي، فصار عندهم مضرب المثل.

دمشقية العينين
08-05-2009, 04:12 PM
يعطيكن ألف عافية أستاذ سامر على مجهودكم الرائع إنت وعاشق التبليطة ..
والله أمتال كتير منحكيها بالشام .. مافي فرق كبير بيناتهن ..

الملاك الأبيض
08-05-2009, 04:19 PM
الشكر الجزيل للجميع ...

خليتونا نعرف أمثال اللاذقية ... و مدى التشابه بينها و بين الأمثال الدمشقية ...

سامر خالد منى
08-05-2009, 05:00 PM
أتحفونا بأمثال شامية
وسنقيسها بأمثال اللاذقية
وتوجد عندي أمثال كثيرة
وسندرجها بالتدريج

محمد عبارة
09-05-2009, 07:57 AM
وهناك مثل يقول
لو يشوف الجمل حردبتو ليوئاع وتنئرف رئبتو
ويعني لو ينظر الجمل الى سنامه لعوجت رقبته واختل توازنه ووقع ارضا
وتقال للانسان المغرور الذي يرا عيوب الاخرين ولا يرى عيوبه

محمد عبارة
09-05-2009, 04:24 PM
من الامثال اللادئانية المعروفة
مثل يقول
بشو بدي اتزكرك يا سفرجلة كل لئمة بغصة
الكل بيعرف انو السفرجل ناشف جدا ويغصص عند الاكل ووممكن لازم تشرب كاسة مي مع كل لئمة
وهالمثل بينضرب على الاشخاص او الاشياء التي لم ترى منهاالا المعاناة والعذاب

سامر خالد منى
09-05-2009, 07:24 PM
المثل: يا جاية من السفر جيب معك ولو حجر.
الفصيح: يا قادماً من السفر اجلب معك ولو حجراً.
يُضرب: لمن يأتي لزيارتك أو راجعاً من سفره أن يجلب معه هديةً مهما قلت قيمتها.

محمد عبارة
09-05-2009, 09:32 PM
كلمة يا ريت بعمرا ما كانت تعمر بيت
ويعني كلمة ياليت على شيء ذهب لاتفيد بشيء

سامر خالد منى
10-05-2009, 06:19 AM
المثل: لا تقول عنب ليصير بالسلة.
الفصيح: لا تقلْ عنباً ليصبح في السلة.
يُضرب: للتثبت من الخبر والتأكد من صحته وعدم الركون إليه قبل أن يصبح يقيناً.

محمد عبارة
10-05-2009, 09:01 PM
بعد الام حفور وطم
ويعني انه لا يوجدشيئ في الدنيا كلا بعد الام

سامر خالد منى
11-05-2009, 06:58 AM
المثل: قلبنا من الحامض لاوي.
الفصيح: قلبنا من الحامض ملوي.
يُضرب: لذكر الشيء الذي يؤلمك أو يمللك أو يشعرك بأنك لا ترغب بتجربته.

محمد عبارة
11-05-2009, 07:20 AM
حطو على سكة حلب
اي وضعوه على طريق حلب
ويرمز هذا المثل للفضيحة و البهدلة

طائر النورس
11-05-2009, 08:06 PM
اجت الاصايل لتحدي الخنفسة مدت اجرا 0واحد تاني علكة بشعر معتر 0 غيرو جبناك يا أقرع لتونسنا كشفت عن قرعتك وصرت تخوفنا0

محمد عبارة
12-05-2009, 10:06 AM
الولد ولد لو عمر بلد
ويعني انه مهما كان الولد ذكيا وعقله كبيرا يجب ان يتصرف بطريقة الاولاد

سامر خالد منى
12-05-2009, 10:20 AM
المثل: الجمل لو يشوف حردبتوا وقع وانكسرت رقبتوا.
الفصيح: الجمل لو رأى سنامه وقع وانكسرت رقبته.
يُضرب: لمن يتكبر ويغتر بنفسه وهو لاشيء.

محمد عبارة
12-05-2009, 09:12 PM
عزمو الكر عالفي يا عالحطب يا عالمي
ويقال هذا المثل في اعمال السخرة

مصطفى حمزة
13-05-2009, 10:36 AM
يا مئمني عرجال ، يا مئمني المي بالغربال
فصيحه : مَنْ تثق بالرجال ، كمن تضع الماء في الغربال !!

مصطفى حمزة
13-05-2009, 10:41 AM
يا ضوّ وشمعة ، يا إما عل عتم جمعة
فصيحه : إمّا ضوء وشَمعة ، وإماّ عتمة طوال الأسبوع
يُضرب هذا المثل إذا بقي الشخص مدة طويلة لم يزره أحد ، أو جالساً بلا عمل ، ثم فجأة ينهمر عليه الزوار ، أو العمل ، فلا يجد وقتاً للراحة !!

مصطفى حمزة
13-05-2009, 10:43 AM
جيب سيرة الديب ، وحضّر الأضيب
فصيحه : اذكر الذئب وأحضر العصا
يُضرب في حال كان الشخص يذكر شخصاً فإذا به يحضر عند ذكره
وفي مصر ( نجيب سيرة القط يجينا ينطّ )

سامر خالد منى
13-05-2009, 11:58 AM
هذا المثل أبا عقبة على غرار ما اقترحه الشباب:
"جبنا سيرة القط، فإجا ينط"

محمد عبارة
13-05-2009, 12:55 PM
صفي النية ونام بالبرية
اي اجعل نيتك سليمة ونام في العراء

داليا (ص)
14-05-2009, 12:54 PM
هههههههههه والله موضوع روعة وذكرتوني بعمتي بدي حطها حدي وخليها تعطيني بالامثال
على
فكرة عمتي بكون خالها حمزة اربة عمتي اخت ابي من ابو بس .......
يالله رح اتذكر شي متل لابين ما انزل على سوريا عند عمتي اممممممممممم
االقرد بعين امو غزال
وهاد المثل بقولو للولد يلي شايفتو امو ومو مسدئة ههههههههه

داليا (ص)
14-05-2009, 01:00 PM
اي اي اتذكرت مثل كمان
ال يا داخل بين البصلة واشرتها مابنوبك غير ريحتها

محمد عبارة
14-05-2009, 01:12 PM
ئلبي على ولدي انفطر وئلب ولدي عالحجر
ويقال في حال عدم سماع الابن لكلام اهله

داليا (ص)
15-05-2009, 02:17 PM
طب الجرة على تمها بتطلع البنت لا امها
وفي متل كمان بيعجبني
ال خود البنت مجنونة والام عائلة
والولد ان بار تلتينو للخال

سامر خالد منى
15-05-2009, 02:17 PM
المثل : مجنون يحكي ، والعائل يِسمع.
الفصيح : (مجنون يتكلم، وعاقل يسمع).
ويُضرب : المثل لمن لا يعجبنا حديثه .

سامر خالد منى
15-05-2009, 03:12 PM
المثل:قام من تحت الدلف قعد تحت المزريب.
الفصيح : قام من تحت الماء المنسكب بقوة وجلس تحت المزراب.
يُضرب : للذي يقوم بعمل لا يختلف عن سابقه أو لا فائدة منه.

دمشقية العينين
15-05-2009, 04:56 PM
أمثال شامية

للقرعة مشطين وللعمشا مكحلتين

متل بشكير الحمام من ايد لايد

فارة وقعت من السقف قالتلها القطة اسم الله قالتلها اتركني بحالي وانا بألف خير من الله

خنفسة شافت بنتها على الحيط قالتلها تقبريني متل اللولية بخيط

صار للدبانة دكانة وصارت تسكّر على بكير

زبال وشاكل وردة

الجمل لو شاف حردبتو كان وقع وانكسرت رقبتو

لبسو المكنسة بتطلع ست النسا

لابق للشوحة مرجوحة ولابو بريص قبقاب

الله يخليلي ياك يا لساني شلون ما درتك بتندار

عم يتباهى بضفاير بنت خالتو

يا فرعون مين فرعنك؟؟ قلو ما لقيت حدا يردني

حط اصبعتك بعينك متل ما بتوجعك بتوجع غيرك

البرغوت قال للبقة يضرب الشرشوح اذا اترقى

لكتّار الغلبة نص الدنيا الكن قالو النص التاني لميين؟؟

ست وجاريتين على قلي بيضتين

شو ما طبخت العمشا جوزها بيتعشى

ياللي القلم بايدو ما بيكتب حالو من الاشقيا

عم بيرش على الموت سكر

ان بزقنا لفوق على شواربنا وان بزقنا لتحت على دقنا

عاشقك لا تاخديه ومطلقك لا ترديه

بحفر البير بابرتين وبكنس درب الحج بريشتين ولا بعاشر الخاين بكلمتين

للقرد لسه الله بدو يمسخك قال يمكن يساويني غزال

قال عزموا الحمار عالعرس ، يا لزق المي يا لزق الحطب !!

خبزي درة وخبزك درة وعلى شو هالأنبرة ؟؟؟؟؟؟

العنزة الجربانة ما بتشرب إلا من راس النبعة

سامر خالد منى
15-05-2009, 05:03 PM
المثل : العنزة الجربانة ما بتشرب إلا من راس النبعة.
الفصيح : العنزة الجرباء لا تشرب إلا من منبع النبع.
يُضرب: في الشخص الذي لا قيمة له ويزاحم الآخرين فيما ليس له.

الأخت دمشقية كما ترين بعض أمثال الدمشقيين أمثالنا .

دمشقية العينين
15-05-2009, 05:14 PM
المثل : العنزة الجربانة ما بتشرب إلا من راس النبعة.

الفصيح : العنزة الجرباء لا تشرب إلا من منبع النبع.
يُضرب: في الشخص الذي لا قيمة له ويزاحم الآخرين فيما ليس له.


الأخت دمشقية كما ترين بعض أمثال الدمشقيين أمثالنا .


:)

أستاذي .. كلنا أولاد البلد .. فأكيد رح نكون منشبه بعض بكتير شغلات ، وحتى بالأمتال ..

سامر خالد منى
15-05-2009, 05:20 PM
بالفعل
وقد تكون بعض الأمثال قريبة من الدول الأخرى المجاورة لنا

داليا (ص)
16-05-2009, 03:25 PM
ال يا اخد القرد على ماله بروح المال وبيبقى القرد على حاله
وهالمتل كتير متداول باللادئية

محمد عبارة
16-05-2009, 03:32 PM
ئاضي الولاد شنئ حالو
ويقال هذا المثل عندما يكتر صياح الاولاد ومشاكلهم وتاتي للاصلاح بينهم من دون فائدة

منذر عبد الهادي
16-05-2009, 03:32 PM
الولد ولد لا تخبرو ولا تسمع منو عل الحالتين فاضحك
ويقال في حالة التوبيخ عن الإفصاح عن سر ما

سامر خالد منى
17-05-2009, 06:28 AM
المثل: "عطي الخباز خبزه".
الفصيح:أعطِ الخباز خبزه.
يُضرب: لإعطاء الرجل المناسب المكان المناسب.

سامر خالد منى
17-05-2009, 06:35 AM
المثل : اللي مالو قديم ما لو جديد.
الفصيح: الذي ليس له قديم ليس له جديد.
يُضرب: لمن يريد أن يتنكر لماضيه.

عمر عبارة
18-05-2009, 10:48 PM
dgoul alhmam mou mtl grogo

عمر عبارة
18-05-2009, 10:49 PM
al 3asfur bl aed wala 3qra 3l sagara

محمد عبارة
18-05-2009, 11:18 PM
dgoul alhmam mou mtl grogo

زميلنا ابو الليرة الحطيني ئصدو يئول
دخول الحمام ما متل خروجو
وعصفور بالئيد ولا عشرة عالشجرة
معلش عزرو لزميلنا ابو الليرة الحطيني الكي بورد عندو ما بيكتب عربي وحب المنتدى كتير وحابب يشارك معنى
اهلا وسهلا فيك زميلنا ابو الليرة الحطيني منور المنتدى

سامر خالد منى
19-05-2009, 06:20 AM
المثل : قللولوا للكذاب حلوف قال: إجانا الفراج.
الفصيح : قالوا للكذاب : احلف فقال : جاءني الفرج.
يُضرب: فيمن يكذب وعندما يُقال له : احلف، فيُسعد ويستبشر بالخلاص لأنه يحلف كذباً ولا يهمه، ويُستخدم كذلك في خبرٍ ينقله لك شخص ولا تصدقه، فتؤكد عليه فيحلف، وتشعر أنه كاذب.

سامر خالد منى
20-05-2009, 06:36 AM
المثل : مجنون يحكي ، وعائل يِسمع.
الفصيح : (مجنون يتكلم، وعاقل يسمع).
ويُضرب : المثل لمن لا يعجبنا حديثه .

بلال أبو ديب
20-05-2009, 01:32 PM
ومثل يقول اذا احدهم احتار اوعجز(احترنا يا اقرع منين بدنا بوسك)

سامر خالد منى
21-05-2009, 07:02 AM
المثل : طعمي التم بتستحي العين.
الفصيح : أطعمي الفم تخجل العين.
ويُضرب : لمن أراد أن يسكت شخصاً أو يضمنه إلى جانبه فيقوم بإعطائه شيئاً فيسكت عنه.

حطيني مرضان
21-05-2009, 08:47 AM
مشكووور

محمد عبارة
21-05-2009, 10:51 AM
يا آخدين الئرد على مالو بيروح المال وبيضل الئرد على حالو

ويضرب هذا المثل للصحبة او العلاقة التي تبنى على اساس المال

طائر النورس
21-05-2009, 10:48 PM
[quote=دمشقية العينين;420876]أمثال شامية


للقرعة مشطين وللعمشا مكحلتين

متل بشكير الحمام من ايد لايد

فارة وقعت من السقف قالتلها القطة اسم الله قالتلها اتركني بحالي وانا بألف خير من الله

خنفسة شافت بنتها على الحيط قالتلها تقبريني متل اللولية بخيط

صار للدبانة دكانة وصارت تسكّر على بكير

زبال وشاكل وردة

الجمل لو شاف حردبتو كان وقع وانكسرت رقبتو

لبسو المكنسة بتطلع ست النسا

لابق للشوحة مرجوحة ولابو بريص قبقاب

الله يخليلي ياك يا لساني شلون ما درتك بتندار

عم يتباهى بضفاير بنت خالتو

يا فرعون مين فرعنك؟؟ قلو ما لقيت حدا يردني

حط اصبعتك بعينك متل ما بتوجعك بتوجع غيرك

البرغوت قال للبقة يضرب الشرشوح اذا اترقى

لكتّار الغلبة نص الدنيا الكن قالو النص التاني لميين؟؟

ست وجاريتين على قلي بيضتين

شو ما طبخت العمشا جوزها بيتعشى

ياللي القلم بايدو ما بيكتب حالو من الاشقيا

عم بيرش على الموت سكر

ان بزقنا لفوق على شواربنا وان بزقنا لتحت على دقنا

عاشقك لا تاخديه ومطلقك لا ترديه

بحفر البير بابرتين وبكنس درب الحج بريشتين ولا بعاشر الخاين بكلمتين

للقرد لسه الله بدو يمسخك قال يمكن يساويني غزال

قال عزموا الحمار عالعرس ، يا لزق المي يا لزق الحطب !!

خبزي درة وخبزك درة وعلى شو هالأنبرة ؟؟؟؟؟؟
امثال لادءانية مرادفة: 1- عزمو الكر علفي يا علحطب يا عل مي 2-اكتر من الارد مامسخو ربو 3-إجت الأصايل لتحدي الخنفسة مدت إجرا 4-حصاني يالساني كيف مادرتك بندار 5-الهبور شاف الشرشوح الو مرحبا ألضاش 6-الولو للطماع الك تلات ارباع الدنيا الن الربع البائي لمين 7-عزمو ضيعتين على الي بيضتين 8-الولد ولد عمرو ماعمر بلد 9-الكلب خلف جرو طلع انجس من ابو 10-ما مين ماصف صواني صار حلواني 11-خدو البنات من صدور العمات 12-تيتي تيتي متل مارحتي متل ماجيتي 13-شبك رايح جاية متل اللي فا دودة(بتصرف) 14- شبك أعد لاشغله ولاعملة متل العتبه باب البيت 15- هاتو ومدو الي بياكل العصي مامتل الي بيعدو 16- لو منا خير مافاتا الطير 17- بزء البحر 18- زكور الديب وحضر الاضيب 19- خبي حطباتك الكبار جايه بكرا عمك اذار 20- سعد الخبايا بتتفتل الصبايا 21- سعد السعود بتجري الماوية بالعود 22-يا مامنا بالرجال متل المي بالغربال....... وغيرها هنالك الكثير منها يكتب ومنها لايكتب ،غير محتشم ولكن متداول بين اللوادئة

O M A R
22-05-2009, 01:51 AM
كيف بتعرف اللادئاني اذا ....... الاول بيلحئو التاني
وهاد المتل بعبر عن ديقة عين بعض اللوادئة بين بعضون
يعني ازا الواح فتح سبر ماركت بالحارة باتلاقي تاني يوم كل العالم بالحارة فتحو سوبرماركات

سامر خالد منى
23-05-2009, 03:43 PM
للأسف هذه العادة السيئة موجودة وبكثرة

طائر النورس
23-05-2009, 07:36 PM
(نفشو شوف ما أجحشو) للحصول على المبتغى عن طريق المدح المبالغ فيه.

طائر النورس
23-05-2009, 07:40 PM
(منمشي الحيط الحيط ومنئول يارب السترة) لإتقاء الشر

طائر النورس
23-05-2009, 07:45 PM
(خير مامنك ودخانك بيعمي) لمن يزايد بالكلام وفعله شرير .( شفناك فوء وشفناك تحت) تقال لمن يسوف ولا يفعل

طائر النورس
23-05-2009, 07:46 PM
(ياأرض أشتدي ماحدا أدي) تقال للمغرور

طائر النورس
23-05-2009, 07:50 PM
(كلاس مابغبر عطحان) .(عهامان يافرعون).(كل عمرك يازبيبة فيكي.هل العود).

طائر النورس
23-05-2009, 07:53 PM
(أدو أد الفاره وصوتو معبي الحاره) . (الحجر اللي مابيعجبك بفجلك راسك)

طائر النورس
23-05-2009, 07:55 PM
(ياما تحت السواهي دواهي) (ماتخاف الا من المي الهاديه)

محمد عبارة
23-05-2009, 08:03 PM
عرج الجمل من شفتو
وتقال للذي يصطنع الوجع

طائر النورس
23-05-2009, 08:04 PM
(المنحوس منحوس لو علئو بطريئو عشرين فانوس)

طائر النورس
24-05-2009, 01:35 AM
(لحاء البوم بدلك عالخراب ) تقال لمن يتبع طريق رفاق السوء
(إجاك يابلوط مين يعرفك) تقال لمن يمثل ويأتي شخص يكشف حقيقته
(كمل النئل بالزعرور) تقال في جلسة اصدقاء ويأتي شخص عزيز
(مين بيشهد للعروس،الماشطه واما) وهو نفس المثل القائل (وشهد شاهد من اهله)

سامر خالد منى
24-05-2009, 06:10 AM
المثل: هونها بتهون ما في شدة على مخلوق بتدوم.
الفصيح : (هوِّنها تهن، لا توجد مصيبة على مخلوق تدوم)،
ويُضرب : المثل عندما نريد التخفيف عن الآخرين.

سامر خالد منى
24-05-2009, 08:23 AM
المثل: العِشرة ما بتهون إلا على ابن الحرام.
الفصيح : (المعاشرة لا تهون إلا على ابن الحرام).
ويُضرب : المثل للذي يتنكر للآخرين الذين عاش معهم فترةً من الزمن.

محمد عبارة
24-05-2009, 11:10 PM
كومة حجار ولا هالجار
وتقال للجار السيئ

طائر النورس
25-05-2009, 02:05 AM
(كل فوله والها كيالا) (فوله ونأصمت نصين)(كل الطيور غنت ما نائصنا الا ابو الحن)

طائر النورس
25-05-2009, 02:15 AM
(عطي الخبز لخبازو و لو أكلك نصو)
(مامين ماصف صواني صار حلواني)
(كتير الكارات أليل البارات)
(كل عمرو النجار بابو مخلوع)
(المال الداشر بعلم الناس عسرئه)
(مين أمنك لاتخونو ولو كنت خوان)

سامر خالد منى
25-05-2009, 06:15 AM
المثل: يا متلنا تعا لعنا.
الفصيح : (يا مثلنا تعال إلينا).
ويُضرب : المثل للذي نطلبه ليكون معنا وهو من نفس مستوانا، ولإبعاد من يتكبر على الناس.

طائر النورس
25-05-2009, 11:04 AM
ما حدا بئول عن زبتو عكر

طائر النورس
25-05-2009, 11:08 AM
أرضينا بالهم والهم مارضي فينا

طائر النورس
25-05-2009, 11:09 AM
فوء الموته عصة أبر

طائر النورس
25-05-2009, 11:14 AM
يارايح من غير عزيمه بترجع من غير أيمه

طائر النورس
25-05-2009, 11:15 AM
لبس العود... بجود

طائر النورس
25-05-2009, 11:17 AM
مشط الأرعه عطول مكسر

طائر النورس
25-05-2009, 11:20 AM
متل الحمام المأطوعه ميتو والطاسة ضايعه

ياسر صوفي
25-05-2009, 01:45 PM
سمعنا بالحلق بخّشنا دنينا

عمر عبارة
25-05-2009, 02:14 PM
زميلنا ابو الليرة الحطيني ئصدو يئول
دخول الحمام ما متل خروجو
وعصفور بالئيد ولا عشرة عالشجرة
معلش عزرو لزميلنا ابو الليرة الحطيني الكي بورد عندو ما بيكتب عربي وحب المنتدى كتير وحابب يشارك معنى
اهلا وسهلا فيك زميلنا ابو الليرة الحطيني منور المنتدى

تسلم يا عاشق والله انته غير شكل بل فعل عندي مشكله لكي بورد

طائر النورس
25-05-2009, 02:21 PM
(جنازه عامره والميت كلب) تقال لجنازة الاثرياء الذين تكون أعمالهم في الحياة سيئه

طائر النورس
25-05-2009, 02:32 PM
(بحصه بتسند خابه) تقال لزيادة الخير خيرين
(أيد لوحدا مابتسئف) تقال للمساهمة في الأعمال الجماعية
(حظو بإجرهنه ، ومروتو بسنانو) تقال للتنبل المحظوظ في العزائم

طائر النورس
25-05-2009, 02:37 PM
(شوووو لسانك أكلتو الضبعه) تقال للصامت في مجالس السمر

طائر النورس
25-05-2009, 02:39 PM
(سألو البسمار ليش داخل بسرعه؟؟ الن من الضرب اللي عراسي)

طائر النورس
26-05-2009, 04:15 PM
(كل شي بزيد عن حدو بيءلب ضدو) لعدم المبالغه بشئ)
(كل ديك على مزبلتو صياح)
(ما بتشوف النيافة إلا عكل افه)
(أهل الجاروفه معروفه)
(وردة بتخلف شوكة)

سامر خالد منى
27-05-2009, 06:35 AM
المثل: مانو من توبنا .
الفصيح : (ليس من ثوبنا).
ويُضرب : المثل للشيء أو الشخص الذي لا يناسبنا.

طائر النورس
27-05-2009, 05:09 PM
(خود سرارن من طفالن)
(الحجر بمحلو انطار)
(سأل عن الجار قبل الدار)
(كومة حجار ولاهلجار)

طائر النورس
27-05-2009, 05:14 PM
(جارك الاريب أحسن من أخوك البعيد)
(كتر روحاتك عند امك وأبوك بيكرهوك)
(اللي بزيد عن حدو بيءلب ضدو)
(غسل وشك مابتعرف مين ببوسو نضف بيتك مابتعرف مين بدوسو)
(الشبعان مابفت للجوعان)

طائر النورس
27-05-2009, 05:20 PM
(إن جاعت نفسك بأي شي أووتا وساعة البسط لاتفوتا)
(كول اللي بشتهي نفسك ولبوس اللي بليء بين الناس)
( إزا أامت مابتبين وإزا حكت مابتبين)
(سعااا بجنازه ولاتسعاا بجازة)
(ألمراتب نامت والمزابل امت)

طائر النورس
27-05-2009, 05:25 PM
(اللي بياكل عدرسو بينفع نفسو)
(عديم ووئع بسله تين)
(الملدوع من الحليب بينفخ للبن)
(اللي ماداء المغلايه مابيعرف شو الحكايه)
(من برا هلاهالله من جوه يعلم الله)

O M A R
28-05-2009, 02:37 AM
{ال يلي تعبانين بابوكن خدو جدكن ربو}

O M A R
28-05-2009, 02:53 AM
ال ياحماتي كليوم بدي احبل وجيب ام شو التلا حماتا والله يابنتي السهر لعينك وال..... لديلك

طائر النورس
28-05-2009, 01:39 PM
(من برا رخام ومن جوا سخام)
(بدعي على ابني وببغض اللي بئول امين)
(إجا ليكحلا أام عماها)

طائر النورس
28-05-2009, 01:42 PM
(ماعجبنا الكحل نائصنا ندنبو)
(ضرب عصفورين بحجر واحد)
(متل الحيه تحت التبن)

طائر النورس
28-05-2009, 01:44 PM
(متل البرغوت بالدان)
(متل الفطه بسبع رواح)
(مين ماتجوز امي بئلو عمي)

طائر النورس
28-05-2009, 01:47 PM
(ياجاري أنت بحالك وأنا بحالي)
(بوشين ولسينين)
(معاهم معاهم عليهم عليهم)
(ميل حبة العدس لاوش ولا أفا)

طائر النورس
28-05-2009, 01:50 PM
(مافي شجرة عليت ووصلت لربها)
(خود الفال من الطفال)
(اللي بدء الباب بيسمع الجواب)

طائر النورس
28-05-2009, 01:52 PM
(لاتعيب بتبتلي أصل البلا من العيب)
(كل مين بنام على الجنب اللي بريحو)
(الحساب بالدرهم والكرم بالانطار)

طائر النورس
28-05-2009, 01:55 PM
(عاشر الأصيل بتكسب وبتنال وعاشر الخسيس لا مكسب ولا راس مال)
(بعود عن الناس احلالك بينستر عرضك وبيتوفر مالك)

طائر النورس
28-05-2009, 01:57 PM
(جنة بلا ناس مابتنداس)
(خود الاصيل ونام علحصير)
(لاتاخود العلكه من تم أجأم)

طائر النورس
28-05-2009, 02:00 PM
(كول مع ام الولد ولاتماشيا)
(ماباس تما إلا اما)
(راح الغالي لا أسفاه عل رخيص)

سامر خالد منى
29-05-2009, 01:45 PM
ما شاء الله عليك أخي طائر النورس
تتحفنا بأمثال رائعة
كعادتك

سامر خالد منى
29-05-2009, 01:48 PM
المثل:اللي بينصحو متل اللي بيلسعو.
الفصيح : (الذي ينصحه مثل الذي يلسعه)
يُضرب: لا يقبل النصيحة.

سامر خالد منى
29-05-2009, 03:16 PM
المثل: زيوان البلد ولا حنطة جلب.
الفصيح: (جلب: جَلَب – يجلبُ بمعنى يحض).
(ويُضرب المثل كناية عن خير الناس في البلد بدل الغربة).

محمد عبارة
29-05-2009, 04:34 PM
اللي بيتو من ئزاز ما يرمي الناس بالحجارة

ويعني عندما تعيب الناس انظر الى عيوبك اولا

طائر النورس
29-05-2009, 09:15 PM
(أعطو السراير للحراير) اي اعطو اسراركم للاحرار

طائر النورس
29-05-2009, 09:17 PM
(اسال المتكلم ولاتسأل متعلم) بنفس معنى اسأل مجوب ولاتسأل حكيم...

طائر النورس
29-05-2009, 09:19 PM
(ضربة معلم بألف ولو شلفا شلف) بنفس معنى اعطي الخبز لخبازه ولو أكل نصو

طائر النورس
29-05-2009, 09:22 PM
(الدبة بتتعلء من كرعونا) نفس معنى (اللي بياكل عدرسو بينفع نفسو)

طائر النورس
29-05-2009, 09:23 PM
(من بعد امي وأبوي كل الناس جيراني)

طائر النورس
29-05-2009, 09:24 PM
(الأقارب عقارب)

طائر النورس
29-05-2009, 09:25 PM
(البيت الديء بيساع الف سديء) البيت الضيق يتسع لألف صديق

طائر النورس
29-05-2009, 09:26 PM
(عرفت الأطه بيت العميه)

طائر النورس
29-05-2009, 09:28 PM
(يامحتارين بأبوكن خدو جدكن ربووو)

طائر النورس
29-05-2009, 09:29 PM
(بعود عن الشر وغنيلو)

طائر النورس
29-05-2009, 09:30 PM
(اللي مامات عيبو مافات)

طائر النورس
29-05-2009, 09:31 PM
(بدل ماتؤول للجيجه كشي ضربا وكسرلا اجرا)

طائر النورس
29-05-2009, 09:32 PM
(الغربه كربه مضيعة الأصايل)

طائر النورس
29-05-2009, 09:33 PM
(الكحيلا مابعوئها جليلا)

طائر النورس
29-05-2009, 09:34 PM
(الجرح مابينض الا عصاحبو)

طائر النورس
29-05-2009, 09:36 PM
(لاتشكيلي ببكيلك)
(مين شاف بلوة غيرو هانت عليه بلاويه)

محمد عبارة
30-05-2009, 11:46 AM
ما بتعرف خيرو لتجرب غيرو

وتقال عند تجربة شيئ صعب بعد ان كنت في شيئ سهل قبله لم يعجبك

سامر خالد منى
30-05-2009, 04:06 PM
المثل : يلي متلنا تعو لعنا .

الفصيح : بامن مثلنا تعال عندنا .

يُضرب : لمن تجده يشبهنا في طباعنا وعاداتنا وتفكيرنا ويحن علينا.

سامر خالد منى
30-05-2009, 04:07 PM
المثل : طب الجرة عتما بتطلع البنت لأما .

الفصيح : اقلب الجرة على فمها تكون البنت شبيهة لأمها .

يُضرب : لمن يشبه غيره.

سامر خالد منى
02-06-2009, 06:40 AM
المثل : آعد بحضنا وعم ينتف بدقنا .

الفصيح : قاعدٌ في حضننا وينتف في ذقوننا.

يُضرب : لمن يأكل من خيرك ويذكرك بالسوء.

بهاء السعيد
02-06-2009, 09:56 AM
بحصة بتسند جرة

محمد عبارة
02-06-2009, 05:55 PM
عيش كتير بتشوف كتير

وتقال عندما تحدث اشياء غريبة او غير متوقعة امامك

سامر خالد منى
05-06-2009, 03:10 PM
المثل :إللي ما مات عيبو ما فاتْ .
الفصيح : (الذي لم يمت عيبه لم يفت).
ويضرب المثل للإنسان كي يرحم الآخر لأن العيوب لا يخلو منها حيُّ,

طائر النورس
05-06-2009, 03:51 PM
(معاهم معاهم عليهم عليهم)
(بوشين ولسينين)

طائر النورس
05-06-2009, 03:54 PM
(بعد الام حفور وطم)
(كلشي بزيد عن حدو بينإلب ضدو)

طائر النورس
05-06-2009, 03:58 PM
(ياجاري أنته بحالك وأنا بحالي)
(طنجرة ولئت غطاها)

محمد عبارة
06-06-2009, 06:30 PM
مابتعرف خيرو لتجرب غيرو

وتعني انك لا تعرف قيمة الشيئ الا عندما تجرب غيره

طائر النورس
07-06-2009, 01:50 AM
(ميت عيبه بالراس ولاعيبه بالأساس)
(ما أغلى من الولد إلا ولد الولد)

سامر خالد منى
07-06-2009, 06:10 AM
المثل: اللي بدوا يصير جمال بيعلي باب دارو.
الفصيح: الذي يريد أن يصبح جمَّالاً يرفع باب داره.
يُضرب: لمن أراد فعل شيءٍ صعبٍ عليه أو عجز عنه.

سامر خالد منى
08-06-2009, 06:19 AM
المثل: خبي قرشك الأبيض ليومك الأسود.
الفصيح: خبِّئ قرشك الأبيض ليومك الأسود.
يُضرب: ليقتصد المرء في مصاريفه ولا يسرف من ماله كيلا يندم على ما فعل.

سامر خالد منى
11-06-2009, 11:14 AM
المثل : بينكر الحنَّة وأترها.
الفصيح: (يُنكرُ الحنَّة وأثرها).
والحنَّة ما يُخضَّبُ بهِ الإنسان.
ويُضربُ المثلُ لِمن يتنكَّرُ للمعروف الذي عُمِلَ معهُ.

طائر النورس
16-06-2009, 07:49 PM
(مكروهه وجابت بنت)
(الجنة بلا ناس مابتنداس)

طائر النورس
16-06-2009, 07:51 PM
(مركب الضراير سار ومركب السلايف حار)
(بالوش مرايه وبالأفا صرمايه)

طائر النورس
16-06-2009, 07:53 PM
(حصاني يالساني كيف مادرتك بتندار)
(خيي لمراتو وأنا بحلف بحياتو)

سامر خالد منى
17-06-2009, 06:54 AM
(بالوش مرايه وبالأفا صرمايه)

وهذا من أكثر ما يستخدم للتعبير عن المنافق

Monzer Jouni
17-06-2009, 01:57 PM
في مثل كتير قديم كانت تقولو ستى الله يرحمها:
"هلئ لاستنئع بيلونك" أي بما معناه "يطعمك الحج والناس راجعه"
بصراحة ما بعرف معناه بس ياريت اذا في حدا يعرف يخبرني

سامر خالد منى
17-06-2009, 03:20 PM
في مثل كتير قديم كانت تقولو ستى الله يرحمها:
"هلئ لاستنئع بيلونك" أي بما معناه "يطعمك الحج والناس راجعه"
بصراحة ما بعرف معناه بس ياريت اذا في حدا يعرف يخبرني


يُضرب المثل لفعلك الشيء أو فهمه بعد ذهابه أو انعدام الفائدة منه!!

سامر خالد منى
18-06-2009, 04:18 PM
المثل :إذا خليت خربت.
الفصيح: إن خليَتْ خربتْ.
يُضربُ: في الدعوة للخير ومن انَّ الناس لا زال فيها خيرٌ كثيرٌ.

سامر خالد منى
22-06-2009, 04:10 PM
المثل: الدرب السد لا يرد.
الفصيح: الدرب المسدود الله لا يرده.
يُضرب: للشيء نكرهه أو لا أمل منه أو لأننا نكره شخصاً قيغادرنا مقهوراً.

hutteenee
27-06-2009, 06:06 PM
بفترة من الفتراة حاولت اجمع امثال شعبية بمساعدة والدي ووالدتي، وبتمنى هالكم مثل يشكلو اضافة حلوة:
يا داخل بين البصلة وقشرتا ما بنوبك منّا إلا ريحتا.
الدم ما بيصير مي.
العين ما بتعلى على الحاجب.
كُلْ ما يعجبك والبس ما يعجب الناس.
فاقد الشيء لا يعطيه.
إذا اتفق الجميع على أنك حمار فقد آن الأوان لأن تنهق.
الإسكافي حافي والنجار مخلَّع بابو.
علّمناهم الشحادة سبقونا على البواب.
فرخ البط عوّام.
من علّمني حرفاً كنت له عبداً.
العلم في الصغر كالنقش على الحجر.
لسانك حصانك إن صنتو صانك وإن خنتو خانك.
الساكت عن الحق شيطان أخرس.
السارق من السارق كالوارث من أبيه.

بحب ضيف انو اذا اي حدا ما فهم شي متل انا مستعد فسرلو ياه.

سامر خالد منى
28-06-2009, 03:21 PM
كل واضحون أخي الغالي

طائر النورس
05-10-2009, 09:46 PM
كسرنا الدف وبطلنا الغناء

طائر النورس
05-10-2009, 09:47 PM
الجمل لو يشوف حردبتو لوئع ونكسرت رئبتو

طائر النورس
05-10-2009, 09:47 PM
خير مامنو ودخانو بيعمي

طائر النورس
05-10-2009, 09:48 PM
تي تي تيتي متل مارحتي متل ماجيتي

طائر النورس
05-10-2009, 09:48 PM
اجاك يابلوط مين يعرفك

سامر خالد منى
06-10-2009, 09:00 AM
مثل جميل يذكرني بقول العرب قديماً:

إن كنت ريحاً فقد لاقيت إعصاراً

طائر النورس
09-10-2009, 12:48 AM
متل الدهب كل ماعتء بجوهر

طائر النورس
09-10-2009, 12:53 AM
حمام مئطوعة ميتو والطاصه ضايعه

طائر النورس
09-10-2009, 12:53 AM
حوارينا ديئه ومنعرف بعض

طائر النورس
09-10-2009, 12:55 AM
ريحنا علالسرج مد ايدو علالخرج

طائر النورس
09-10-2009, 12:58 AM
صار للدبانه دكانه وصارت تسكر عبكير

الموج النافع
11-10-2009, 12:01 AM
الأخ عمر والأستاذ الكريم: سامر منى، أنا مستمتع بمتابعة هذا الموضوع التراثي والثقافي القيم، ولكن أخالفكما الرأي في أن هذا المثل (كيف بتعرف اللادئاني اذا ....... الاول بيلحئو التاني) يدل على الحسد أو ضيقة العين، لأن أهل هذا البلد الكريم الطيب بتركيبته المختلفة طيبون، ويملكون الأحاسيس المرهفة الراقية، وشخصيا أعزو الأمر إلى أن أهل اللاذقية قليلوا خبرة في التجارة، ودليل ذلك ستجد أن أكثر التجار في بلدنا من الإخوة الشوام أو الحلبيين، فلذلك تجد اللاذقاني يقلد أي مشروع أمامه لحيرته وعدم خبرته.
قرأت مقالا جميلا عن اللاذقية على هذا الرابط http://moftilat.wordpress.com/3/

الموج النافع
11-10-2009, 12:47 AM
(الأقارب عقارب)


الأخ الحبيب: طائر النورس والإخوة الأحباب، أتمنى لو أننا نشير إلى الأمثال المخالفة للدين والقيم ونتواصى فيما بيننا بعدم استخدامها في كلامنا فهذا المثل مخالف لقوله تعالى: (وَالأقْرَبِينَ بِالْمَعْرُوفِ حَقّاً عَلَى الْمُتَّقِينَ) ويوصينا ربنا بالأقارب بقوله: (يَسْأَلُونَكَ مَاذَا يُنفِقُونَ قُلْ مَا أَنفَقْتُم مِّنْ خَيْرٍ فَلِلْوَالِدَيْنِ وَالأَقْرَبِينَ وَالْيَتَامَى وَالْمَسَاكِينِ وَابْنِ السَّبِيلِ وَمَا تَفْعَلُواْ مِنْ خَيْرٍ فَإِنَّ اللّهَ بِهِ عَلِيمٌ ) وغير ذلك، وشكرا لكم

سامر خالد منى
11-10-2009, 08:23 AM
الأخ عمر والأستاذ الكريم: سامر منى، أنا مستمتع بمتابعة هذا الموضوع التراثي والثقافي القيم، ولكن أخالفكما الرأي في أن هذا المثل (كيف بتعرف اللادئاني اذا ....... الاول بيلحئو التاني) يدل على الحسد أو ضيقة العين، لأن أهل هذا البلد الكريم الطيب بتركيبته المختلفة طيبون، ويملكون الأحاسيس المرهفة الراقية، وشخصيا أعزو الأمر إلى أن أهل اللاذقية قليلوا خبرة في التجارة، ودليل ذلك ستجد أن أكثر التجار في بلدنا من الإخوة الشوام أو الحلبيين، فلذلك تجد اللاذقاني يقلد أي مشروع أمامه لحيرته وعدم خبرته.
قرأت مقالا جميلا عن اللاذقية على هذا الرابط http://moftilat.wordpress.com/3/

صدقت أخي العزيز
ولعلك تلاحظ أنني لم أؤيد المثل
ومعناه غير ذلك

لله در أهل اللاذقية من قديم العهود
شعب طيب وذكي
وهذا الكلام ليس من فراغ
بل من واقع عملي

وحياك الله

طائر النورس
11-10-2009, 11:20 PM
اخي الموج النافع نحن بوارد الامثال الشائعه في مدينتنا الغاليه ولسنا بوارد التقييم مع احترامي الشديد لصحه ملاحظتك

طائر النورس
11-10-2009, 11:22 PM
كل مين على بابو بيشبه صحابو
حتى العود بيشبه الي جابو

طائر النورس
11-10-2009, 11:23 PM
هاتو ومدو الي بياكل العصي مامتل الي بعدو

طائر النورس
11-10-2009, 11:24 PM
اللي اجرا بالمي مامتل اللي اجرا بالنار

الموج النافع
12-10-2009, 04:43 AM
اخي الموج النافع نحن بوارد الامثال الشائعه في مدينتنا الغاليه ولسنا بوارد التقييم مع احترامي الشديد لصحه ملاحظتك
الأخ الكريم أردت الإشارة إلى خير، والدال على خير كفاعلة، وما قصدت انتقادك، فوالله ما وجدت في هذا المنتدى إلا كل حب، وخلق طيب، وأصالة.

سامر خالد منى
12-10-2009, 06:48 AM
الأخ الكريم أردت الإشارة إلى خير، والدال على خير كفاعلة، وما قصدت انتقادك، فوالله ما وجدت في هذا المنتدى إلا كل حب، وخلق طيب، وأصالة.
أخي طائر النورس
والموج النافع
كريمانِ أنتما
من مدينةٍ كريمةٍ
لا بأس من عرض الأمثلة الدارجة ولو سيئة
ولا بأس أبداً من نقد الأمثلة الخاطئة في معناها

نحن نعرض تاريخاً
ونحاول تصحيح الخطأ

ودمتما بودٍّ يا غاليين

طائر النورس
12-10-2009, 01:17 PM
لله در اعضاء منتدانا ما اروعهم
يشرفني معرفتي بكم
ودمتم لبلدنا الغالي

طائر النورس
12-10-2009, 01:20 PM
سألو البسمار ليش داخل بهلسرعه الن من الطرء اللي عراسي

طائر النورس
12-10-2009, 10:47 PM
ابن يوم وليله بيفهم بالشيله

طائر النورس
13-10-2009, 02:58 PM
ادو اد الفاره وصوتو ملي الحارة

طائر النورس
13-10-2009, 02:59 PM
طلع الطير مننا صار بدو يعلمنا الطيران
بتصرف

man utd
14-10-2009, 07:35 AM
وهي الأمتال للأكيله
يلي مابعلق بالصحون مابعلق بالبطون
مابرد الروح إلا الروح

man utd
14-10-2009, 07:38 AM
أنا وأخوي على أبن عمي وأنا وأبن عمي على الغريب

man utd
14-10-2009, 07:40 AM
بالنسبه لحمزه قربه عم بقلي الوالد أنو مات ب 10 آذار 1965

سامر خالد منى
14-10-2009, 07:55 AM
ويقال : كان ابن ناس ومحترماً جداً
رأى اشتباكاً بين اثنين
فأراد تخليصهما
فقُتل رحمه الله

وضرب به المثل ظلماً - برأيي الشخصي !!

طائر النورس
14-10-2009, 09:29 PM
على سيرة الاكل
اصول الشوي الكبده لتعرء واللحمه لتحرء

طائر النورس
14-10-2009, 09:32 PM
كول حامض وصبور علا وكول حلو وشراب ورا
واذا استسمكتم فستحلو
اي بعد اكل السمك يطيب اكل الحلويات

طائر النورس
14-10-2009, 09:34 PM
يامحلا اكلك يازعرور على ضو القمر

طائر النورس
14-10-2009, 09:37 PM
عينك مامنك بطنك مامنك
عزمو ضيعتين على الي بيضتين

طائر النورس
14-10-2009, 09:39 PM
ديكين على مزبله وحدة مابصير
صلاة الغوله مامأبوله

طائر النورس
14-10-2009, 09:42 PM
نيال مين وفء راسين عمخدة وحده بالحلال
وعكسه
سعا بجنازه ولا تسعى بجازة

طائر النورس
14-10-2009, 10:26 PM
تغدا وتمدا تعشا وتمشا

طائر النورس
16-10-2009, 08:43 PM
سباحه المجانين بكوانين
ميت مجنون يحكي وعائل واحد يسمع
لو الزيره بتخاف من البحر كانت غرئت من زمان

طائر النورس
16-10-2009, 08:45 PM
لو دامت لغيرنا ماوصلتلنا
مافا شجره عليت وصلت لربا

سامر خالد منى
18-10-2009, 07:33 AM
العامي: اللي بيفتح دكانتوا العصر بعمره ما بيسترزق!
الفصيح: من يفتح محله عصراً فلن يسترزق في حياته.
يُضرب: فيمن تأخر في أعماله وطلب الرزق، فلن يجده.

طائر النورس
19-10-2009, 08:59 PM
مكتوب على ورق الخيار اللي بيسهر بالليل بنام بالنهار

طائر النورس
19-10-2009, 09:00 PM
نام بكير وفيء بكير وشوف الصحه كيف بتصير

طائر النورس
19-10-2009, 09:00 PM
حكلي لحكلك

طائر النورس
21-10-2009, 01:07 PM
مأضي لمصدي

طائر النورس
22-10-2009, 03:24 PM
الرمد احسن من العما

طائر النورس
23-10-2009, 10:46 PM
اللي خلء علء واللي ابتلى يصبر

احمد غسان منى
24-10-2009, 01:12 AM
(من بعد امي وأبوي كل الناس جيراني)

بعد الام حفور وطم
بالفعل انك حافظ امتال والله انك رهيب تابع اخي والله يوفقك من عندو

طائر النورس
25-10-2009, 11:07 AM
الجار بيضل جار ولو جار

طائر النورس
25-10-2009, 11:12 AM
كل مطرة من نيسان بتحيي الكان والماكان
بتحيي السكه والفدان حتى الئرئه والصيصان

طائر النورس
25-10-2009, 11:15 AM
كل الطيور نئرتنا مابئي غير ابو الحن

طائر النورس
25-10-2009, 11:16 AM
زدناك يا أقرع فوء قرعتك تالوله

طائر النورس
26-10-2009, 08:42 PM
شحاد ومشارط

طائر النورس
26-10-2009, 08:43 PM
فوء حئو دئو

طائر النورس
26-10-2009, 08:44 PM
الضيف الشرشوح بس اكل بيروح

la88na
03-11-2009, 04:15 AM
احترنا يا اقرع من وين بدنا نمشطك

la88na
03-11-2009, 04:23 AM
ميت قلبه ولا غلبه لا تشمت الاعداء فينا

la88na
03-11-2009, 04:24 AM
ما متنا بس شفنا الي ماتو

طائر النورس
03-11-2009, 12:06 PM
سألو الدب شو شغلتك؟
الن حرايري
الولو مبين من ايديك الناعمين

طائر النورس
03-11-2009, 12:08 PM
مأنشح وبنام بالنص
معدله

stone1976
03-11-2009, 01:00 PM
ازا واحد حشري كتير ومعلائو كبير
بيئلولو حمزةئربة
وهادا حمزة ئربة كان انسان فضولي بيتدخل بكلشي
ومرة شاف علئة سكاكين فات فيا ليخلص
اكل ضربة وراح فيا الله يرحمو
ومن يومها صار المرحوم مثال معروف لاهل اللادئية
عن كل واحد حشري

السلام عليكم
يا أخي لا يجوز التكلم عالأموات بهالطريقة...خصوصا" إذا ما بتعرفهم
أكتر أهل البلد بيعرفوا للرجال و الحئيئة الرجل الله يرحمو....كان من خيرة الناس...

طائر النورس
03-11-2009, 02:12 PM
السلام عليكم
يا أخي لا يجوز التكلم عالأموات بهالطريقة...خصوصا" إذا ما بتعرفهم
أكتر أهل البلد بيعرفوا للرجال و الحئيئة الرجل الله يرحمو....كان من خيرة الناس...

اخي الكريم stone
انت تقول الحقيقه السيد حمزه قربه رحمه الله كان من خيرة الناس يحب الحق ولايحب المشاكل بين الناس واراد ان يصلح بين متخاصمين وهذا عمل بغايه النبل فادى الى مقتله
ولكن وللاسف من منا ينكر انه اصبح مثلا في اللاذقيه عن التدخل فيما لايعنيه؟؟؟؟
والسبب هو لامبالاة الناس بمشاكل الغير
والدعوة لقله الغيره والهفه لفض المشاكل التي كانت معروفه بقوه قديمالاهل اللاذقيه الطيبين
والتي نفتقدها الان ياللاسف
وانتشرت امثال انهزاميه خانعه مثال
مشي الحيط الحيط وئول يارب السترة
وياجاري انت بحالك وانا بحالي
والولد اللي ما من ضهرك كل ما جن فرحلو
والاقارب عقارب
ومنهم مثل معلائك كبير متل معلاء حمزه ئربه
وان دل هذا على شيء إنما يدل على انتشار تفكك الروابط الاجتماعيه التي كانت سائده بزمن الستينات والخمسينات
والموضوع المطروح هنا الامثال الشعبيه المنتشره في اللاذقيه
ولايقصد بهذا المثل الاسائه بشخص المرحوم بقدر الرمز للفكر الانهزامي والامبالي للشخص الذي يذكر هذا المثل على ارض الواقع
بدل ان يكون السيد حمزة رمز الشهامه والغيرة والنخوه اصبح رمز الحشريه بسبب المرض الاجتماعي وقلب المفاهيم
الجبن اصبح ذكاء السرقه اصبحت شطاره الكذب اصبح ضروره و..و..و...
لك كل الشكر اخي على غيرتك وعتبك وبارك الله بك

طائر النورس
03-11-2009, 02:14 PM
اكتر من القرد ومامسخو ربو

طائر النورس
03-11-2009, 02:15 PM
كانت النصيحه بجمل صارت النصيحه فضيحه

طائر النورس
03-11-2009, 02:16 PM
الإناء ينضح بما فيه

طائر النورس
03-11-2009, 02:18 PM
من وين بدو يجيا الريحه الطيبه ازا ابوا البصل واما التوم

طائر النورس
03-11-2009, 09:14 PM
الي معو شو بيمنعو

طائر النورس
03-11-2009, 09:16 PM
العز للرز والبرغل شنأ حالو

طائر النورس
03-11-2009, 09:16 PM
على اد بساطك مد اجريك

طائر النورس
03-11-2009, 09:17 PM
انجس من بعر الفار

طائر النورس
03-11-2009, 09:18 PM
بياع البيضه بلا مئل

طائر النورس
03-11-2009, 09:19 PM
لاتزكر الارد برمي الحجار
ولاتجيب الدب على كرمك

طائر النورس
03-11-2009, 09:20 PM
عرج الجمل من شفتو

طائر النورس
03-11-2009, 09:21 PM
متل الئطه الي اكله ولادا

طائر النورس
03-11-2009, 09:23 PM
نيئا عن الخليئا

طائر النورس
03-11-2009, 09:24 PM
العين بصيرا والايد اصيرا

طائر النورس
03-11-2009, 09:25 PM
فئير وبطنو كبير
شوء ولاتدوء

طائر النورس
03-11-2009, 09:26 PM
زن الدبور على خراب عشو

طائر النورس
03-11-2009, 09:28 PM
السنبله الفاضيه بتأنزح على رفئاتا
مابعوم الا الفاضي

طائر النورس
03-11-2009, 09:29 PM
هوا غربي مابيطلع منو شي

طائر النورس
03-11-2009, 09:30 PM
متل ام العروس بضلا فاضيه ومشغوله

طائر النورس
03-11-2009, 09:31 PM
بتئول للقمر اوم لاقعد محلك

طائر النورس
03-11-2009, 09:31 PM
حلوه متل النئطه بالمصحف

طائر النورس
03-11-2009, 09:32 PM
من كتر الطباخين احترئت الطبخه

طائر النورس
03-11-2009, 09:34 PM
كل عرس الو ارص
الغايب مالو نايب
سموك مسحر وخلص رمضان

طائر النورس
03-11-2009, 09:37 PM
حامل السلم بالعرض
اللي ماداء المغرايه مابيعرف شو الحكايه
المغرايه هي الاناء اللذي يغلى به مادة الغراء الاحمر كان يستعمل قديما عند النجارين

طائر النورس
03-11-2009, 09:38 PM
اللي بيعرف بيعرف واللي مابيعرف بئول كف عدس

طائر النورس
03-11-2009, 09:39 PM
الملدوع من الحيه بخاف من طرف الحبل

طائر النورس
03-11-2009, 09:40 PM
بخاف من خيالو
بالع راديو

طائر النورس
03-11-2009, 09:41 PM
ما الكلام علي بتحبل وبتجيب الكلام علي بتربي ولادا

طائر النورس
03-11-2009, 09:42 PM
كانو ماشي على بيض

طائر النورس
03-11-2009, 09:43 PM
فسود كلب ولاتفسود ابن ادم

طائر النورس
03-11-2009, 09:44 PM
الجبانه مابترد ميت

طائر النورس
03-11-2009, 09:45 PM
الله يعين اللي بيعلء بلسان النسوان

طائر النورس
03-11-2009, 09:49 PM
وينك استاز سامر والله اشتأتلك زكرني لسا بكام متل
وياريت تخصص زاويه لقصه الامثال تعودنا على كرمك الله لايحرمنا منو*016*

la88na
04-11-2009, 12:35 AM
عند توزيع الغنايم كان اسعد نايم