عذرا من جمهورنا الغالي جبلة يستحق البقاء في الاولى ونحن لا

[ابو يزب]

يمكن يتهمني بعض الاخوة بالموقع بالخيانة لاني بحكي هيك بس منحكي واقع وان شالله منوصل لنتيجة انا من وجهة نظري الي صار اليوم مع جبلة ب التوفيق من رب العالمين السبب لانو كان من الفريقين الي نظلمو انا مارح قول انو جبلة ما شترا لعب لانو كلنا منعرف انو جبلة شترا لعب والنواعير باع بس للاسف يعني كانو كبش فدا اخواتي معاقبة حكم مباراة الكرامة والطليعة والي خسرا الطليعة شو السبب في حدا ممكن يجاوبني الي اشترو لعب مو بس جبلة ولا الي باعو لعب بس النواعير انا مع انو ينضف الدوري ولو نزل 10 فرق مو فريقين بس للاسف الي صار انو في مين بعد فرق من الواجه وحط الشي كلو براس جبلة والنواعير للاسف نحنا ركضنا ورا حلم يمكن تهيئلنا انو ممكن يصير حقيقة وهاد الحلم من الي صار فينا ولاني ما تعودنا نشوف حطين غير بين الاقويا ونسينا انو حطين مر السنة الماضية باصعب ايامو جبلة فاز علينا بالادئية السنة الماضية لا تئلولي حكام لاني ملينا من هالاختراعات سدئوني لو ضلينا رح نعاني من نفس المشكلة من يومني سمعت انو ميزانية نادي الجزيرة مية وخمسين مليون ليرة قمسا بالله متت من الضحك الت ياريت لو معو نادي حطين مية وخمسين الف ليرة تصورو وين نحنا ووين الفرق التانيه نادي النواعير عم يتقاتلو الداعمين مين بدو يدعم اكتر من التاني فيه للاسف كنا بكذبة وهلئ صحينا منا من فترة بسمع انو تحسين طه بيوقع عقد للاعب بمبلغ 600 الف ليرة وراتب 25 ومبارح بسمع انو يونس سليمان بوقع عقد للجزيرة بمبلغ 800 الف ليرة يعني قسما بالله يونس سليمان قليل عليه مليونين ليرة والي وقعنالو 600 الف كتير عليه عشر الاف للاسف رجعنا كل الي خان حطين والنالو انتا امل حطين وفاقد الشيئ لا يعطيه اليوم جبلة كانو رجال بملعب فريق مهدد وخسران بفارق هدف بيقلب النتيجة هاد فريق رجال وبيستاهل يضل بالدرجة الاولى ما اخدو ضربة جزاء ولا جابو كول تسلل بتمنى من الاعبين الي ابتعدو قبل هي الدورة يبتعدو مرة تانيه لانو صار لازمنا وجوه جديدة والاعبين الشباب صار لازم ياخدو فرصتون ورجاء خاص من اخواتي الغاليين بالمنتدى لا تزعلو سدئوني اول ما خلصت المباراة كنت رح انجلط بس لما فكرت شفت انو الحق رجع لصحابو مو القصد انو جبلة ما شترا بس تشرين شترا والطليعة اشترا والكرامة اشترا ليش جبلة والنواعير بالتحديد الوحدة اشترا حكام اكتر ما شترا لعيبة هالسنة بس ما حدا قرب عليه واخيرا الف مبروك لاخوتنا الجبلاوية واخخخخخخخ يا حطين ايمتا رح نصحا من هالكابوس

[TSC]

ياأخي والله فريقنا لايستحق وجودو بعالم كرة القدم بوجود هيك لاعبين سفلة وتافهين ويبيعون شرفهم وهم يلعبون لأجل المال خلصونا والله حرام نضل على أرشيف الكروة السورية الله لايوفق يلي كان السبب والله أنا مابلوم اي شخص من اتحاد الكرة بس بدي لوم هل اللعيبة الخائنين لشرفهم وهي إذا كان عندهم شرف أصلا"

[b_h_r_76]

يا اخي انا اتفق معك بكثير من النقاط ولكن لا تبرر للقاتل جريمته وتظلم المقتول وهو مقتول .. كيف نبارك لأحد أركان الفساد وهو جبلة أنتصار كان لابد منذ زمن قريب أن يهبط للدرجة الثالثة وكيف نقبل بالفساد الجزئي وانت تتكلم عن فساد في كل أنديتنا وانا معك ان يهبوط 10 فرق للدرجة الثانية ويبقى الدوري نظيف ولكن لا أقبل أن اقول رجع الحق لصحابوا يعني بقاء جبلة في الاولى .. فهل من الحق ايضا أن يهبط حطين بهذه الطريقة وبهذه الدورة المسخرة التي من اختراع البوظو وبغض النظر عن مستوى حطين السيء هذا الدوري واسألك برأييك هل كانت الفرق الأخرى بأحسن حال منا ولكن عمليات البيع والشراء هي من اعاد ترتيب الفرق على اساس الي بيدفع اكتر بيضل ولكن كل الفرق زبالة ولا تآخذني بهالكلمة ما عدا الكرامة لانو نحنا ما عنا كرة قدم عنا بورصة قدم وشكرا الك

[ابو يزب]

يا اخي انا اتفق معك بكثير من النقاط ولكن لا تبرر للقاتل جريمته وتظلم المقتول وهو مقتول .. كيف نبارك لأحد أركان الفساد وهو جبلة أنتصار كان لابد منذ زمن قريب أن يهبط للدرجة الثالثة وكيف نقبل بالفساد الجزئي وانت تتكلم عن فساد في كل أنديتنا وانا معك ان يهبوط 10 فرق للدرجة الثانية ويبقى الدوري نظيف ولكن لا أقبل أن اقول رجع الحق لصحابوا يعني بقاء جبلة في الاولى .. فهل من الحق ايضا أن يهبط حطين بهذه الطريقة وبهذه الدورة المسخرة التي من اختراع البوظو وبغض النظر عن مستوى حطين السيء هذا الدوري واسألك برأييك هل كانت الفرق الأخرى بأحسن حال منا ولكن عمليات البيع والشراء هي من اعاد ترتيب الفرق على اساس الي بيدفع اكتر بيضل ولكن كل الفرق زبالة ولا تآخذني بهالكلمة ما عدا الكرامة لانو نحنا ما عنا كرة قدم عنا بورصة قدم وشكرا الك
مشكور اخي لما يكون في عشر قتلة لعشر اشخاص ومنجحي نحنا منحكم على اتنين بس اعدام ومنحكم عالباثي سجن خمس سنين منكون ظلمنا الاتنين وربي جبلة من يوم الي ولد وهوى فاسد بس يا اخي هالمرة طبشوا براسون مشكور مرة تانيه عالرد بالتوفيق لحطين

[ابو يزب]

ياأخي والله فريقنا لايستحق وجودو بعالم كرة القدم بوجود هيك لاعبين سفلة وتافهين ويبيعون شرفهم وهم يلعبون لأجل المال خلصونا والله حرام نضل على أرشيف الكروة السورية الله لايوفق يلي كان السبب والله أنا مابلوم اي شخص من اتحاد الكرة بس بدي لوم هل اللعيبة الخائنين لشرفهم وهي إذا كان عندهم شرف أصلا"
اخي بدا طولة بال وانا بتفق معك وبرايك مية بالمية مشكور للرد

[عاشق الازرق]

الحق علينا بس شو بايدينا

[ابو يزب]

الحق علينا بس شو بايدينا
اخي بايدنا انو نحكي ونفضح اي تلاعب بحطين نحكي عن كل خاين لحطين نححكي عن الاخطاء القاتلة

[دمي حطين]

والله الخيانة موجودة والكل بيعرفا بس أخخخخخخخخخخخخخخخخخخخ من لعيبتنا اللي على أساس حطينية طلعوا ببيعول لحطين بليرة وحدة والله بس أكيد مو كلون

[ابو يزب]

والله الخيانة موجودة والكل بيعرفا بس أخخخخخخخخخخخخخخخخخخخ من لعيبتنا اللي على أساس حطينية طلعوا ببيعول لحطين بليرة وحدة والله بس أكيد مو كلون
اخوي الغالي مشكور لمرورك بس تعا وانتا وكل حطيني يشيل قصة باع واشترا خلينا ما نخون بعض منقول خلص ما عاد عندو شي يقدمو بكون افضل واوجب هي الحقيقة ماعاد عندون شي يقدموه وخصوصي الاعبين الكبار بفريقنا تقبل مروري