ليش عم تقولو انو ايطاليا محظوظة؟؟؟؟

[Kh@led]

استغربت الحكي يلي عم يقول انو ايطاليا ما بسيتحق الكاس..
و انو الحظ كان معها .. رح احكي عن نقاط و احكموا وقتها اذا بتستحق او لا.

اولا - منتخب يدخل كاس العالم و فضائح كروية تهز كيانه 16 لاعب من اصل 23
بيلعبو بالاندية الاربعة يلي داخلة بالفضيحة . (وين الحظ)
ثانيا - اصابات بالجملة تعرضلها لعيبة المنتخب خلال السنة يلي سبقت كاس
العالم . اولا بوفون انضرب و غاب لمدة 3 شهور
ثانيا توتي انضرب و غاب لمدة 3 شهور , ودخل على المونديال و طلع منو
و منو جاهز تماما.
ثالثا غاتوسو انضرب قبل المونديال و غاب عن المباراة الاولى
رابعا زامبروتا انضرب و غاب عن المباراة الاولى.
خامسا_نيستا انضرب و غاب عن كل مباريات دور خروج المغلوب.
سادسا - در روسي انطرد و احرم عن 4 مباريات
(وين الحظ)
ثالثا- عم تقولو انو ايطاليا ما بتستحق تتاهل للنهائي لانو لعبت مع اوكرانيا
و استراليا.. غريب هل الحكي..
ما ايطاليا تاهلت الاولى عن مجموعتها .. و مجموعتها كانت من اصعب المجموعات
و القرعة هي يلي حطت هل الفرق بمواجهة ايطاليا . و لو كان من المتوقع ان ايطاليا و
و فرنسا يتلاقو بالدور الربع نهائي .. بس شو دخل ايطاليا اذا فرنسا طلعت تانية
بمجموعتها !! و مع ذلك .. غلبت ايطاليا المانيا 2-0 بالنصف نهائي .
رابعا _ موضوع اللعب الدفاعي .. الارقام اكبر دليل ..
المنتخب الايطالي احسن هجوم بالمونديال ب 11 هدف
متلها متل المانيا .. و احسن دفاع بالموديال من دون منازع ..
و 10 لاعبين من اصل 23 لاعب جايبين اهداف .. و كل اللعيبة الاحتياط
شاركوا بالموونديال ما عدا الحارسين ..
خامسا _ معقول منتخب ما بيستحق الكاس ..
و سبعة من لعيبتو بمنتخب نجوم المونديال ؟؟؟
و 4 اربعة مرشحين لجائزة افضل لاعب بالمونديال ؟؟؟
و 2 لعيبة ( بوفون - بيرلو) احسن لاعبين بالمونديال بناء على تصويتات
الجماهير بموقع الفيفا ؟؟؟


اخيرا ... شو لازم المنتخب لسا يعمل لحتى ياخد كاس العالم ؟؟؟؟؟؟؟؟؟؟؟؟؟؟

[ARZ84]

عفوا بس....:
1- الفضائح أمر داخلي ...ومابأثر عاللعيبة لأنو كل لاعب منهن وقت بينزل ناديه عالدرجة التانية أو التالتة ببيع ناديه وجمهور ناديه وبروح عنادي تاني..(ما بتفرق معه)..
2- الإصابات أي فريق معرض لإصابة اللعيبة وأصيبو قبل المونديال بفترة كبيرة.. وكل اللعيبة شاركو بالمونديال..إلا نستا راحت عليه
3- مجموعة إيطاليا ماكانت صعبة أبدا .. وكان الأداء سيء رغم قلة خبرة الفرق المنافسة..مثلا غانا..أمريكا .. ورغم ظهور التشيك بمستوى متذبذب وولعبه ب 10 لعيبة مااستطاعت إيطاليا أن تقنعنا بأحقيتها بالفوز....أما لعبة استراليا .هي لحالها فيلم ...آخر ثانية باللعبة غروسو بوقع حاله بالجزاء وبفوز الطليان بالزور بضربة جزاء....ظالمة بكل معنى الكلمة...
4- بالدور ربع النهائي واجهتو أكرانيا ولولا ستر الله لاطلعتو متعادلين عالأقل...
بينما وين طريق فرنسا...طلعت الاسبان...وبهدلت البرازيل...وحلقت للبرتغال...

5- وبالمباراة النهائية كان أداء المنتخب الإيطالي ...بهدلة لا يليق بأن يكون حامل لكأس العالم...
كان المنتخب (2 )لاعبين بس كانافارو وبوفون والباقي مابين حدا منهن.... لا زامبروتاولا غاتوزو ولا توتي اللي ما إلو علاقة بالطابة.. الشوط الأول كان مقسسوم بالنص. أما الشوط التاني سيطرت فرنسة عاللعبة من الشوط التاني حتى النهاية وكانت سيطرة مع خطورة ...مالودا هلك زامبروتا ..وبيض كانافارو والحكم تغاضى عن ضربتين جزاء لفرنسة....مالودا كانافارو-مالودا زامبروتا_ وهنري لوحده فتح شوارع بالدفاع...وزيدان ماقدر حدا يوقفو إلابالاستفزاز.الله أعلم شو قالو ماتيرازي..وريبيري لايحتاج لأي تعليق..اما فييرا وماكليلي فكانوا نجوم فأوقفو غاتوزو وبيرلو..ولولا إصابة فييرا لكان للمباراة حديث آخر.....ورغم طرد زيدان لم يتراجع الأداء الفرنسي ولم يتحسن الأداء الأيطالي الذي كان يريد الذهاب إلى ركلات الترجيح...
وبالنسبة لأفضل اللعيبة..فرنسا ترشح من عندها زيدان-فييرا-هنري .....

وبالنهاية انحسم اللقب بضربات الجزاء اللي ماأنصفت فرنسا وعطت اللقب للطليان رغم الفرق الرهيب بالأداء بينهم وبين الفرنسيين...

[Kh@led]

طيب .. طلعت انت افهم من خبراء الفيفا .. يلي عطوا جائزة احسن لاعب لبيرلو و يلي حسب كلامك ساويتو بهدلة.؟؟؟؟

قلي ..كم فرصة خطيرة عملوها الفرنسية ؟؟ غير نطحة زيدان و شوطة ريبيري ؟؟؟

ليش ما بتذكر العارضة تعيت توني ..و الضربة الحرة تعيت بيرلو ؟؟؟ ..

شو فائدة البيضات ..و الاختراقات اذا كلها تكسرت عند الدفاع ؟؟؟

هلاء صارت غانا و امريكا و التشيك سيئين .. ؟؟؟؟؟

كيف رح كنا نطلع مع اوكرانيا متعادلين ؟؟ و النتيجة خلصت 3-0 ؟؟؟

بس شكلك عم تحكي من قلب محروق .. و غيرا بغيرها .. بالمونديال الجاية انشالله ...

[Kh@led]

معك حق .. لولا اصابة فييراا ...و اعتزال بلاتيني .. و لوران بلان .. و ليزارزو ...

و لولا نطحة زيدان ... لكنتو فزنو بكاس الهونالولو.....

مع ذلك .. الطليان ابطال العالم ...

[abu kamal]

ولله ياخالد مابعرف
لك سيدي محظوظين وينون جماعة السامبا والتانغو والإنكليز والألمان
ليش ماوصلوا وربحوا ماهنن الأفضل
لك سيدي متل مابدا العام ليش بتحب توجع راسك اليوم مالعبنا وفزنا
وصرنا ملوك العرض وأسياد العالم لأربع سنين جاية إحباري عن الكل
هههههههههههههههههههههههههههه
فورزا أزري
بس حارقلي قلبي نوار ماعم يرد علي
فورزاااااااااااااااااااااااااااااااااااااااااا أزوري

[abu kamal]

ياعين يا أبو منذر لك خلص ولا سيب اللي بدو يحكي يحكي
المهم نحن اسياد العالم
هههههههههههههه
فورزا أزوري

[مهند شاويش]

يعني والله كانو عم يحكي عن مونديال تاني غير اللي شفنا
خالد معك حق بكل كلمة قلتا وكل كلامك واقعي وموثق ومبني على حقائق
اللي ما يطول العنب حامض عنه يقول

[abu kamal]

يا أبو مروان دفاع إيطالي حديدي

[Kh@led]

اكبر دليل انو ايطاليا لعبة دفاع .. هو انو ماتيرازي المدافع هو يلي جاب غول التعادل :d :d :d

[مهند شاويش]

فريق ما خسر من 25 لعبة ما بينقال عنو ما بيستاهل
نحنة التاريخ نحنة المستقبل
مبروك آزوري
مبروك ابو كمال يا أصلي مبروك يا خالد ويا بدر
مبروك ابو روما
أحلى ما بالمونديال سيطرة الإعلام الايطالي داخل منتديات حطين
أحلى شباب
حقنا نفرح لا تقلولي حقنا

[Saeedoo]

شباب ليش بتزعلو وبتنزعجو من الواقع ...
نحنا قلنا مبروك وألف مبروك ...بس حكينا الواقع
أي إيطاليا عندها أفضل دفاع وأفضل حارس بالبطولة
بس ما كانت ص**** أفضل أداء والحظ حالفهم كتير ولاتقلولي مهاجمين مبارح الشوط التاني
والأشواط الإضافية ما بينت إيطاليا بالمرة حتى دلبييرو صار مدافع ..
ولولا الحظ وضربة جزاء لفرنسا تغاضى عنها الحكم كان للنتيجة كلام أخر
حتى طريق إيطاليا كان مفروش بالورود بالدور الأول والأدوار التانية وكلنا منتذكر ضربة الجزاء على استراليا
ولكن الحق يقال بلعبة ألمانيا هاجمت إيطاليا بأخر الشوط التاني والمباراة وجابت فرص ولكن على تراجع وتعب الألمان ...
بالنهاية متل ما قلنا كرة القدم نتيجة ومبروك للفائز

[juventini]

لك مبروك يا آزورية مبروك يا طليان مبروك يا خالد و أبو كمال و أبو روما.. مبروك أحلى مهند بالعالم.... ضربة الجزاء اللي جاب منها زيدان الهدف أثبتت الإعادة و التحليل إنو اللاعب الفرنسي شبك رجليه ببعض و تلوى متل الحية و إنو ماتيراتزي ما لمسو أبداً و إنو كان في شبرين بين الاتنين لما وقع حالو الفرنسي الحدق.. و الدليل إنو هنري أشرلو للحكم اللي كان واقف بعيد ورا ماتيراتزي و ما شاف شو الحكاية.. على كل حال ما بيهم مع إنو كانت لازم تخلص واحد صفر للآزوري بس يالله عطيناهون فرصة للديوك قاموا باضوا..! خي خالد لا تهتم للمحروق قلوبهم و المتألمين.. بدك تطول بالك عليهون و تاخدهون تحت جناحك.. انته كبير و آخد كأس العالم و لازم تستوعب الأصغر منك..
هههههههههه لك آزورية أخدنا كأس العالم.. هههههههههه أخيراً حق الحق..

[juventini]

الله يبارك فيكون يا شباب.. يا هيك الروح الرياضية يا بلا..
تعقيب صغير للي شايف إنو أسياد الكرة ما بيستاهلوا الكأس:
يا سيدنا و ايطاليا كمان زورت أعمار اللاعبين و اشترت الحكام و برطلت الجمهور و كل أعضاء الفيفا و دست الحبوب المخدرة و سممت كل لعيبة الفرق اللي لعبوا ضدها.. استعانت ايطاليا بالسحر الأحمر و الجن الأزرق و القرود السود و حركت العصابات و هددت حراس المرمى و المهاجمين المنافسين و احتجزت اهالي اللعيبة رهائن و لعيبتها حملوا مسدسات بالملعب و رشاشات عدكة الاحتياط.. شو كمان؟؟؟؟ شو يا شباب ما حدا شاف اللعبة يعني؟؟ على كل حال أنا سجلتها في حال حدا حب يراجع معي أخطاء الحكام ضد ايطاليا و حركات الفرنساوية الماسخة..
ايطاليا أخدت كأس العالم بالرغم من كل المصاعب اللي وقعت عليها من قبل بسنة و جاية.. بالرغم من الطابور الخامس داخل الإيطاليا اللي ما حليلهون يحركوا قصة الفضايح إلا بأحرج الأوقات.. هيك عالم بيستاهلوا الشنق.. الطليان أثبتوا مبدأ الفولاذ بازدياد الصلابة عند الضغط.. الطليان توحدوا و صاروا أكتر فريق متجانس مر على هالمونديال.. الطليان أثبتوا نظرية عبقرية المدرب و اللاعبين بكرة القدم.. كل مباراة و إلها طريقتها و كل فريق و منعرف دواه.. أفضل هجوم و أفضل دفاع و أفضل حارس و أفضل لاعب و سبعة بالتشكيلة المثالية و 21 لاعب لعبوا من أصل 23 و كل اللعيبة هدافين.. شو لازم كمان يكون لحتى نستحق كأس العالم؟؟ يعني لازم يكون لعيبة ايطاليا علماء صواريخ و قادرين يطيروا بدون جوانح و لازم يكون عندهون حاسة سادسة و سابعة و تامنة و عاشرة و لازم يفوزوا على كل الفرق عشرة صفر حتى يستاهلوا كأس العالم؟؟؟
ايطاليا فازت بالكأس عن جدارة و استحقت الوصول و استحقت الفوز.. فورتزا ايطاليا إل كامبيوني ديل موندو.. و هي نجمة رابعة و ما حدا يزعل..

[ابوروما]

أولاً الله يبارك بعمر الشباب كلياتون
ثانياً للمقهورين من فوز إيطاليا:
كل ما تقولون أنه حظ وحكم وشو عرفني يقال عنه في علم كرة القدم ((تكتيك))

بالأمس فرنسا امتلكت الكرة طيلة الشوط الثاني لكنها لم تقم بهجمة خطرة واحدة، اختراقات تمريرات فنيّات لكن الدفاع الإيطالي كان يدرك ماذا يفعل وليبي يدرك ذلك أيضاً...
إذا حللنا المباراة بالكامل نرى أن فرص إيطاليا أفضل بكثير من فرص فرنسا رغم الضغط الكبير لفرنسا في نصف الملعب الإيطالي...
لاحظو معي
فرنسا تسديدة لريبيري رأسية لزيدان فقط وتسديدة ضعيفة جداً لتيري هنري (رغم الاختراقات الكثيرة طبعاً لكن الدفاع كان ينقذها)
ايطاليا رأسية لماتيرازي يشتتها تورام قبل خط الهدف بقليل، رأسية لتوني ترتطم بالعارضة، حرة مباشرة لبيرلو تمر قرب القائم، اختراق لجاتوزو يمرر لتوني يبعدها الدفاع بآخر لحظة، ركنية ايطالية خطرة يبعدها تورام برأسه، هدف ملغى لتوني أيطاليا بسبب التسلل (تسلل صحيح) لكن لسوء الحظ سنتيمترات قليلة، وغيرها الكثير الكثير...
بالإضافة إلى أن الحكم لم يحتسب ركلة جزاء صحيحة لمالودا عندما عرقله زامبروتا داخل المنطقة بل احتسب عرقلة هنري الغير صحيحة من كانافارو وماتيراتزي (وحدة بوحدة يعني يالله)...

وشو ما حكيتو وشو ما رح تحكو التاريخ يضيف نجمة رابعة مُستحقة على الصدر الآتزوري...

وإن كنتم تصرون على حظ إيطاليا في الأدوار الأولى حتى نصف النهائي... فلا داعي أن أذكركم من واجه البرازيل في المونديال الماضي!!!!!