اقتباس:
|
أرسل أصلا بواسطة حطيني مغترب. الله عليك والله ذكرتني ب ايام حلوه
يوم الجمعة يا شباب دائما بحسو هيك حالة خاصة يوم مبارك الو روحانيات خاصة لما نفيق من النوم على صوت قراءة القران بالجامع والعالم الصبح عم تمشي عالكورنيش واللادئية هاااادية بال 5 دئايئ لتمرلها سيارة او شي واحد جايه عالبسكليت خاصة اذا كان الطقس حلو ولا اروع من هيك وقت كنا نفيق قبل لعبة حطين كنت انزل انا ورفقاتي عالقلعة كلياتنا ونكون محضرين العلام والجرايد المخزقة و الكنزات والعراقي والشرايط البيض والزرق وكام فاتوشه ههههههه
نروح نحطن ببيت رفيقي بالاسكنتوري صوب النادي وننزل عصلاة الجمعة بجامع المغربي بالقلعه وهي تخلص الصلاة من هون نحمل حالنا ونروح عالملعب والله يا شبابو ما الكم علي يمين كنت شوف الطريق تبع كراجات الفاروس مسكر عالاخير قبل اللعبة بساعة و اكتر
وشفلكم هالعالم حامله هالعلام والطبول ومكبرات الصوت والي داهن وشو ابيض وازرق والي شالح البلوزه والكل رايحين يحضرو الحووووت ويطحش رفيقي بين هالعالم يجبلنا التذاكر ونفوت عالملعب هيدا باللعب العادية اما لعبة تشرين ف شي ما بينوصف كنا نفوت ب 25 ونقلب عالمنصة منشان بس تعلق نفركا عالسريع ههههههه والله ماكنت اقدر شوف شو لون المدرجات من كتير مافي عالم عالحرف الفوقاني للملعب كنت شوف الميات من الناس كنت قلون لرفقاتي العمى ما بيخافو هدول يوقاعو وكل ما تهب هجمة لحطين الكل يوقف وتشوف هالبشر صارت بعالم تاني ويالطيف عالكول لما بيجي بتشوف هالعالم الغربا عن بعضون بينطو كلون بقلب واحد وبروح وحدة بتحسون كانو كلياتون رفقات او كأنن بيعرفو بعض من زمان كتير وبنبلش نحن بقا نكب بوراق الجرايد وننط ونهتف مع هالعالم لك اينو
كان يوصل صوت العالم لاخر الدنيا
لك اااااااخ قسما بالله عم يحترق قلبي انا وعم اكتب هالحكي
لك وينو حطين رجعولنا حطين |
ياغالي دبحتنا... عن جد مشتهي إجي بالصيف ونكون عم ننافس عل كأس...
معك حق... رجعولنا حطين... حرام