أحييك أبو ناظم على هالمبادرة والله يعطيك العافية
وأشد على يدك ..وأنا معك وجاهز للدفع وكمان بحاول أجمع من أصدقائي وأصحابي هون المبلغ الممكن
أي شيء ممكن ليس سيئا" بالعكس خلونا مرة ننطلق من موقف التنظير والكلام اللي لابوي ولا بجيب لموقف الفعل
وفعلا" شيء مخزي أنو ما نشوف غير 10 ردود بعد أكتر من 130 مشاهدة
وين الشباب اللي كانو عميحكو ...يا أخي شارك لو بنشر القصة لجمع مبلغ ممكن لو حتى ما دفعت
و يمكن متل ما قال خالد في عوائق بيروقراطية شوي بس بعتقد ممكن تنحل ...وليش لأ بمعاونة إدارة النادي
طيب عالقليلة خلونا نبلش بالمغتربين وبس ينجمع مبلغ تحس الإدارة أنو مقبول نتابع بالجمع بسورية
مع أنو والله العظيم السيارات اللي عمنشوفها باللادقية والموبايلات وغيرو وغيراتو ...نحنا المغتربين المضروبين بحجر كبير مامنقدر نحويها
بس على كل طريق الألف ميل يبدأ بخطوة ..وأنا جاهز من مكاني هون بالتنسيق مع أبو ناظم لعمل أي شيء ممكن يفيد