[أبو هشام الحطيني]

تعليقي له شطرين
الشطر الاول
اشكر عاشق اليونايتد على هالعاطفة الحلوة تجاه نوادي اللادئية و يمكن أول مرة منشوف هيك توجه لشعب اللادئية على اختلاف ولااءات انديتو و على فكرة لو هالشي فعلا" بيتبلور عمليا" رح نجني من هالشي فوائد كبيرة تعم على مختلف اندية اللادئية
الشطر التاني
بخصوص نادي الكرامة و جمهورو
قبل كلشي انا بفتخر لما فريق من بلدي كان على بعد هدف واحد من اللعب مع كبار اندية العالم ببطولة القارات لوملا هدف البرازيلي القاتل في المباراة النهائية العام الماضي و لو كان هالفريق تشرين أو الكرامة أو الجيش أو حتى حطين بيكفي أنو سمعة الرياضة السورية بتاخد رشة مي باردة , أما بخصوص التحكيم و المباريات فأنا صار عندي قناعة تامّة أنو التحيكم عنا بسورية بشكل عام ضعيف ما بقول انو منحاز و لكن ضعيف و أخطاء التحكيم عنا وصلت لدرجة الأخطاء بالأمور التافهة جدا" متل التماس و الكنيات و حتى حالات الطرد و ضربات الجزاء

أنا ما بقدر قول انو الحكم الفلاني ساعد فريق الكرامة أو غيرو لكن بقول مثلا" انو الخطأ الفلاني اللي عملو الحكم ساعد الفري التاني بمعزل عن هوية هالفريق و تاكيدا" على كلامي مباراتنا الاخيرة مع الكرامة الحكم طنش ضربة جزاء صحيحة لحطين و طنش ضربة جزاء صحيحة كمان للكرامة
و بالنسبة لجمهور الكرامة فأنا بحيي الروح القوية و الهجومية و الجماعية و بتمنى من جمهور الحوت اللي بدأ بهالمسيرة من اكتر من 12 سنة انو يعود للطليعة

بس بقول كلمة لجمهور الكرامة انو يقبل الهزيمة صحيح انو الفريق ما خسر محليا" يمكن من سنة و نص بس هالشي ما بيعني انو صار رقم مستحيل
بعطي هون مثل نادي الأنصار بلبنان أخد الدوري 11 سنة ورا بعض (و برأيي من عاشر المستحيلات يوصل الكرامة لهالرقم) و مع هيك بعدها كان رح ينزل عالدرجة التانية أكتر من مرة

بقى خدو القاعدة من محب للكرامة
ما طار طير و ارتفع إلا كما طار وقع