مع احترامي لرأي الجميع بحب قول انو عارف اثبت لكل الناس انو اصيل وانو فعلا كان عم يدور على فريق ليحقق معو شي
وهالشي رح يصير مع الطليعة باذن الله
عارف الآغا لاعب كبير واخلاقي وبحب ذكر كل مين بدو يسيء لعارف انو هلأ في ناس بفريق الرجال عملت هيك واكتر عارف الآغا ما باع ضميره ولا بلعبة لحطين وغيرو باع وعم ينحط عالعين والراس
بتمنى ما نتعامل بمعايير مزدوجة ونحكم على هوانا الله يوفقك ابو فريد كيف ما درت وشك
والله يحميك من الحساد
وحق كل لاعب يفاوض مليون نادي ويشوف الافضل الو بس للأسف حتى الان ما عنا عقلية محترفة حتى بالجمهور
ملاحظة ورأي
شوفوا المشاكل اللي صارت بنادينا والتكتلات اللي صارت لما طلعت اشاعة عودة الاغا للفريق
رجعنا هادا من عصابة فلان وهداك من عصابة علان وهادا ما بوقع اذا بيجي عارف وهادا ما بيعطي شارة الكابتن اذا بيجي عارف وما بعتقد لاعب محترف وبدو يقدم نتائج بيجي على فريق منخور بالشلل والعصابات متل فريقنا للأسف
موفق يا عارف وين ما رحت
مهند شاويش