يعطيك العافية أخوي صلاح
أنا من ناحيتي (ومن وجهة نظري الشخصية) بفضل نوع تاني من المواجهة مع العدو الصهيوني, وهي وسيلة وللأسف كتير نحن مقصرين فيها و الإسرائيليين آخدين مجدهم هيدي الوسيلة بتعتمد على الحوار مع شعوب العالم ومحاولة شرح وجهة نظرنا و أسباب النزاع والصراع مع العدو الصهيوني من خلال المواقع المخصصة لهيك شي مثلاً عند موقع Yahoo في قسم إسمو Yahoo Answers وصدقني لما دخلت عليه وصرت اتصفحو اتفاجأت و انصعقت من كتر ما فيه إسرائيليين وأميركان متصهينين وقاعدين على حكي و غسيل دماغ بهالعالم وتصور إنو ما صدفت غير يمكن شي 2 أو 3 عرب يعني شعب الكيان الصهيوني ما بيطلع 4 - 5 ملايين خاربين الدنيا هونيك و الشع العربي حوالي 300 - 400 مليون ما إنوجد منهم إلا 4 أشخاص ويمكن 3 منهم عايشين بأميركا.
فمن وجهة نظري أنا برأيي إنو نحاول نكسب عقول وقلوب العالم و نكسب تعاطفهم مع قضايانا اللي وللأسف نسفوا الإرهابيين وما خلو حدا بالعالم إلا و كرهنا.
واللي حابب يشارك ياريت يدخل على موقع www.yahoo.com وأكيد كل العالم بتعرفوا و يسجل إذا ما كان مسجل ويدخل على yahoo answers ويشارك في دعم قضايا الأمة العربية
في شغلة نسيت ما قولها إنو اللغة إنكليزية حصراً وعلى فكرة كانت فرصة حلوة كتير من شان قوي لغتي الإنكليزية. و هيدا الشي بفسر جزئيا ضعف الإقبال العربي على هالموقع, أنا بشجع الجميع يشارك بهالموقع ويستفاد و يستخدم اللغة الأنكليزية و التكنولوجيا الأمريكية كسلاح يدافع فيه عن قضايانا وعن أمتنا.
و ياريت اللي عندو شي موقع مشابه يحطلنا ياه.
وشكراً