بتمنى من فريقنا يتعامل بجدية مع المباراة وارقامنا مع الشرطة بتحكي وللعلم فريق الشرطة من الفرق اللي حطين بعاني معها كتير ومتل ما معروف بالدوري السوري ومن سنين انو الشرطة هوة الفريق اللي لا بيلعب ولا بخليك تلعب يعني كل اللعبة بتكون قتل وقت وتشتيت وعشوائية لهيك لازم نركز وننهي المباراة من الشوط الاول ونكون حذرين من الهجمات المرتدة وانشالله الشعبان بكون صحيان ومركز لانو مع الشرطة بصراحة بقولها ما في مجال للخطأ والكول لما بيدخل فينا رح يكون 11 لاعب من الشرطة جوا ال 16
التركيز والجدية والهدوء وعدم الاستهتار مفاتيح الفوز بعد مشيئة ربنا الكريم
انشالله منتوفق ومنجيب نتيجة حلوة ومشكور حمودة عالتقديم الرائع