من كم يوم وعنا بالمنتدى عضو جديد باسم رجل العاصفه وهاد العضو كل مواضيعه استفزاز بإستفزاز شوي بيكره وشوي بيحب وشوي بيشكر وشوي بيشجب وهاد عدو وبعد شوي بيصير التاني عدو وبوجه شكر مدري لمين وبيعمل مشاركات على مين بتكره ومين بتحب كأنوا بدو يعلئنا مع العالم نحنا اول شي كان مطروح بالمنتدى هون الاثبات لجميع جماهير الكره السوريه انو جمهور حطين رح يرجع لمستواه الاخلاقي العالي وكل الشباب عمتشتغل على هيك شي من تنظيم رابطه واعيه وفهمانه لأيجاد افكار بنائه لضبط الجمهور الحطيني واعادة اسم الهوليكنز صاحب الاخلاق العاليه لنثبت للجميع انو الفتره يلي مرة على جمهور حطين والاسائات يلي طلعت منو ما كانت من الجميع بل من قله مندسه بجمهور حطين والاخ جاي ليشعل فتيل مشاكل نحنا بغنا عنها بتمنى من الجميع ابداء رأيه بهالموضوع وبتمنى من جميع المشرفين التصرف مع هاد الامر يا جماعه نحنا باول خطوه لسا ولسا الطريق بأولو واذا ما اتداركنا كل شي من اولو رح يستفحل ورح تجينا مشاكل تلهينا عن شي اهم ويلي هو السعي لتقدم مسيرة نادينا الحبيب يلي كانت عندو بدايه مبشره وشجعتنا للعمل اكثر واكثر يا جماعه حطين بدو يانا لنشتغلو مو لنفوت بمشاكل بتمنى من الكل ينتبه لهيك شي من الاخوه خالد لابو النور لأبو كمال لصلاح ولكل المشرفين ولكل الاعضاء ايد بأيد لنبني حطين لنرجع اسم حطين بالعالي وايد بايد لطرد كل مسيء للنادي وسمعة النادي واخر شي ومتل ما مره حكالي اخوي ابو النور مهما اختلفنا حطين بيجمعنا