يمكن صار سوء تفاهم بالموضوع والعالم فهمتني غلط عن جد ما قصدت شي بموضوعي وذكرت انو السيد فادي هو يلي طلب مني وضح الموضوع لانه تواجده على المضمار قبل المباراة يمكن تفهمه العالم بالغلط منشان هيك هو حريص دوماً على الجلوس على المنصة والشخص يلي ظهر بالصور أكيد مو السيد فادي وحقه يوضح هالشي للعالم وانا ما أتهمت السيد عبد الباسط بأي شي بس كنت حابب وضح هالنقطة البسيطة بس ما توقعت توصل الامور لذه الدرجة وما فبركت شي من عندي بالعكس بس حبينا نوضح هالشي وبرجع وبأكد انه الموضوع تمت كتابة بناء على طلب صاحب العلاقة وليس تشكيكاً بأي شخص وبالنسبة للسيد عبد الباسط انا كتير بحترمه وبقرا جميع مقالاته وبعتبره بجد من أخلص الناس لنادي حطين وبالنسبة لاسمي انا بستخدم لقب ammardar بجميع المنتديات يلي مشترك فيها من سبع سنين وتعودت عليه و صحيح انا عضو عادي بالمنتدى متل ما كتبت ادارة الموقع بس الحمد لله الناس يلي بتعرفني بتعرف محبتي لحطين واذا حدا بيحب يتعرف علي يجي على قسم الاستثمارات الرياضية بشركة تعمير الشام ويسأل عن السيد فادي مدير القسم ويسأل عني (المهندس عمار مدير الـ IT ) وكل الموظفين بالشركة بيشجعوا الوحدة إلا شخص واحد وهو محسوبكم معروف بتشجيعي لنادي حطين (بالمباراة رفضت أجلس عالمنصة مع زملائي و أصريت أجلس مع جمهور حطين بس للأسف خسرنا وقبل المباراة كتبت موضوع وطلبت فيه من جمهور حطين يلتف حول النادي ويشجعه ويحضر المباراة )
بتمنى تكون وضحت الامور وتحياتي للسيد عبد الباسط حجازي لاني عن جد كتير بحترمه