اقتباس:
أرسل أصلا بواسطة ابو فارس الحطيني المشتاق  اول الشي السلام عليكم و رحمة الله و بركاته
يا شباب و اخوان مو ملاحظين انو عنجد نحنا كجمهور بحالة من الضياع و التشتت و العصبية
يعني مافي موضوع عم ينطرح الا و عم يصير فيه تشتت من كل انواع التعليق و الكل بدو يوصل فكرة و بدو ياها هي تكون صحيحة
يا شباب و الله هل المنتدى خلق لحتى يكون منبر لنقدر نتفاهم بين بعضنا بطريقة علمية و نقدر نمد يد العون للنادي يلي كل واحد مننا بيعشقو بطريقة لا يتخيلها العقل و حتى انو وصلت درجات عشقنا للنادي بانو نبكي ع الوضع يلي فيه نادينا
يا شباب ما دفاعا عن الاخ مهند شاويش ابدا بس يمكن انا بعرف مهند من زمان و بعرف طريقة تفكير مهند و مهند يا جماعة الخير معو حق بكل كلمة قالها و خصوصا بالرد ع الاخ ليفربول لانو بالفعل نحنا حرام هلئ و بالوضع يلي فيه النادي حاليا ولا بعد 3 سنين انو نحنا ندخل بطولة اسيوية لانو بدو يصير فينا شي ما صار بحدا من جميع النواحي
فرضا و على سبيل المثال لعب فرقنا مع نادي قطر الرياضي يلي ترتيبو من مستوى فريقنا تماما بس انا على يقين انو اذا لعبنا معون راح نخصر بفراق كبير و ع ارضنا لانو لامكانيات يلي عندون هي اكبر من يلي عنا بكتير بقى تخيلو اذا لعبنا مع السد القطر او الاتحاد السعودي
و الله يا شباب قبل ما نفكر ببطولة اسيوية لازم يكون عنا فريق كامل من كل الجهات
المادية : لازم يكون للنادي دخل ثابت و شهري و بغطي مصاريف النادي كاملة
اداري : لازم يكون عنا ادارة متمسكة بقرارت و مواقف و تقدر تحل اكبر و اصغر المشاكل النتعلقة بفرق النادي كاملة و لازم يكون في كادر تدريبي كامل ومن اصغر عضو لاكبر عضو يعني يكون ع ابسط تقدير عنا كادر طبي متكامل لانو نحنا وقت بدنا ندخل ببطولة اسيوية ما في حدا بدو يقدر انو اللاعب الفلاني مصاب و عم يكابر ع حالو في فقط صحافة بدها تنشر اصغر خبر باكبر كمية ممكنة
الجماهير: يعني بصراحة لازم يكون عنا القاعدة الجماهيرية يلي كانت بفترة السعينات و يل صارت شتات و غبار و صارت فقط عم تابع الفريق من خلف الشاشات و صار لاعب حطين عم بنسب من اصغر الجماهير و بالبطولة الاسيوية هيك امر مرفوض و بحطو ع النادي مبالغ طائلة جدا
لهل السبب يا جماعة الخير لازم يكون عتا نادي كامل من كل النواحي لحتى نقدر ندخل باجواء بطولةاسيا لحتى نقدر انافس الكبار متل ما عمل غيرنا من الفرق السورية متل فريق نادي الكرامة
و الاتحاد فرضا عندون قاعدة ادارية و جماهيرية عم يقدرو يرتكزو عليها لحتى يحطو حالون بمراكز عالية و انشاء الله نحنا نقدر نعمل هيك و منقدر بس بدنا الخطوة الاولى ع الطريق الصحيح و هي انو انزيل الفتنة من بين بعض
و تقبلو فائق احترامي و اعتزاري اذا زعجت حدا بكلامي
حسين منزلجي
بحبك يا حطين بحبك |
ابو فارس الغالي انته جبتا من الأخير ومقومات الاحتراف الحقيقية للاسف غير موجودة بنادينا بتمنى الكل يفكر ويطرح افكار لتغيير هالواقع ولما يتغير الواقع منقدر نطالب مو بس نحلم بالبطولات
عجبتني حسين القاعدة الجماهيرية الي صارت شتات وغبار وهيدا كلام صحيح مية بالمية
مشكور على مشاركتك