اقتباس:
كيفك باشا شو اخبارك
بتعرف انا بعرف الدريكيش عز المعرفة منيح وحتى واصل لبعد دوير رسلان بمنيح يعني فاتل هي المناطق كتير منيح طيب هلئ فرجيني قدرتك على الاجوبة الفنية
|
بشرفك كيف ... مو روعة
اقتباس:
|
1- من هو اللاعب المفضل لديك ان لم يكون توتي موجودا او بمعنى اخر بعد توتي يلي انا شخصيا كتير بحبوو لتوتي ؟
|
دلبييرو .. لاعب اكثر من رائع ... انا كتير بحبو للدلب .. وكنت اتمنى يلعب توتي مع دلبييرو بنفس النادي ..ان كان بروما او اليوفي ..بس للاسف كل لاعب اوفى من التاني لناديه ...
اقتباس:
|
2شو هي امنياتك أو أحلامك للي لسه ما تحققت واكيد بتتمنى انو تتحقق ؟
|
الشي الوحيد اللي لهلق ما حققتو .اني خلي اهلي مرتاحين ..يعني يرتاحو من الشغل الي فنو حياتهن كرمالنا انا واخواتي .. وان شاء الله على الطريق ..طبعا هيدا همي هلا واللي عم بشتغل عليه ..
اقتباس:
|
3 - شو بيعنيلك حطين كا فريق وشو بيعنيلك حطين كامنتدى .؟
|
حطين انا وعيت من صغري على اسم حطين ..لان عمي كان يشجع حطين كتير بحكم دراستو الجامعية بتشرين ... وهلا هوي دكتور بس ما عاد الو مزاج بالرياضة متل الاول ..بس بيقلي حطين وبس ..وبعدين شجعني اكتر على حب حطين خالي ..كمان حطيني ..بس لهلق حطيني وكل جمعه فيه مشكلة مع خالي التشريني ..هع
اما المنتدى من 3 سنين ..صراحة وبدون اي مجاملة لاي شخص ..انا بعتبر المنتدى الي انا ... وهمي اني اشتغل فيه ليل نهار على حسب وقتي .. واني ارفع من السوية الاخبارية بالمنتدى ..وكنت اتأمل خير قبل ما ينسحب الاستاذ طلال قواف من امدادنا بالاخبار ... بس بهمة الشباب ان شاء الله الموسم الجاي في شغل تاني واكتر من هيك بكتير ..
اقتباس:
|
4 عندما تكون حزين الى ماذا تلجأ
|
النوم ..فقط لا غير
اقتباس:
|
5احكيلنا بصرحة مين من الاعضاء يلي بتعرفون شخصي ومين منون حابب تتعرف عليون اكتر يعني بشكل شخصي ؟
|
اول ما عرفت من شباب المنتدى هون .. ابو كمال المحشية ..وكان اللقاء بمعقل الحطينية ( الطابوشة ) كان هالحكي بـ 2006 بالشهر التالت ..قبل 30-3-2006 بس ما بذكر الموعد بالظبط ..بعدين تعرفت على ابو كمال الزيدان وكان نفسية ..وشايف حالو .. و بنفس اليوم خالد(ابو منذر ) وصلاح قواف .. وماهر ...وابو سليم كاشف اذا بيذكرني .. .. بس اول شخص كان سعيد حداد ...هع
وبالاجازة التانية كنت عم احلم اني اتعرف على اب خالد .. وحققت الحلم .. وصار هوي المختار وانا العمدة على حسب الاشاعات ...وكمان اتعرفت على ابو هيثم وابو الليل وابو البحر ومحمد جيفارا ..وكل الشباب من النخبة ..وجمعنا شي واحد ..حطين وبس ..
اقتباس:
|
6هل تحبذ فكرة وجود اعضاء بنات في منتدانا بحكم انو منتدى شباب ورياضة وهيك شي يعني
|
لو كان المنتدى منتدى رياضي بحت .. ما كنت مع هالفكرة ..لان نسبة البنات الي بتشجع الرياضة نسبة قليلة كتير ..وان وجدت البنت الي بتشجع الرياضة انا مع وجودها لان ما فيه فرق بين شب وبنت خاصة بمجال الانترنت .. المهم الوعي
اقتباس:
|
7 هل توافق على وجود اقسام غير رياضية في منتدى مخصص لفريق مثل منتدانا
|
اخوي ..شي طبيعي يكون في اقسام غير رياضية .. وامر كتير ايجابي بالمنتديات ..خاصة لان الي عم يدخل الانترنت ما عم بيدخل بغرض تصفح اخبار الرياضة فقط لا غير.. بالعكس في عالم كتير بتحب تتطلع على مواضيع ادبية وترفيهية ..وهيدا الشي الي عم بيخلي منتدانا ..وانا بقول منتدانا لان بالنادر اني ادخل منتدى تاني ...عم تخلي المنتدى شعلة من النشاط والحيوية اليومية ..وما حدا عم ينصاب بالملل ..( ما حدا بالنسبة الكبيرة )
اقتباس:
|
8 شو هو احلى شي عملتو بحياتك وما ممكن تنساه طول عمرك ؟
|
صراحة سؤال صعب كتير .. لان ما قدرت لاقي جواب صريح .. بس بقدر قلك ..اني وقت الي ساعدت اهلي وقت الي عمرنا بيتنا .. كانت ايام ما بقدر انساها ابداً
9شو بيعنيلك هي الفرق
المنافس الابدي
الشام
جار
عراقة
متعه
10 طيب شو رئيك بالاعضاء التالية
صديق صدوق
متقلب
محترم جدا
حطيني بامتياز
اخوي
عقل مدبر
بدي شوفو
واقعي بردودو
شعلة من النشاط
محترم مع رفع القبعه
ضابط مع علامة الشرف
اقتباس:
|
واخوي مصطفى (قلب حطين النابض )
|
اخوك ..هع
هدوء
مقنع
ومن البنات
نشيطة
انشط مشرفة
حساسة
اقتباس:
واخر شي عرفان انك رح تسبني على كتر الاسئلة بس يالله تحملني شو بدك تعمل
تقبل تحياتي
اخوك ماهر ابو علي
|
هلا ابو علي ... بس ماكتير ..
هع