انا بعتقد وصلنا لحد ما رح نشوف فيه حطين احسن من هيك اوراقنا اللي منتامل فيا خير كلا انحرقت ولا استفدنا منا بشي وما بقي غير الدكتور عمار وبعتقد صار لحالو تماما بخانة الامل
يا ترى لو استلم اكيد نحن رح نكون كلنا معو بس يا ترى رح نصبر عليه خمس سنين نحن كجمهور ورح يصبرو اللي عم يتمنو يقعدو محلو خمس سنين من دون شغل !
هي قصة بتعتمد على حماس واصرار الدكتور عمار وبصراحة هو بيعرف انو ما في شي سهل بهيك امور خاصة انو احترف هيك الادارة واكتشاف المواهب بغض النظر عن اختلاف البيئات الادارية اللي عمل فيها وعنا بالنادي..
العمل صعب بكل الحالات
اللي بقصدو متل ما كتبت اول نحن ما رح نصير احسن من هيك الا بمنقذ متل الكابتن ابو الياس
اكيد ما عم قول هلق يا ريت يستلم بكاس الجمهورية ...
لأ اصلا الدكتور صرح اذا بدو يستلم رح يستلم بعقد لخمس سنوات وبامور ادارية هو اعلم وعندو خبرة فيها اكتر مننا
لذلك كل اللي بتمناه انو الامور تستقر عنا الجمهور يهدى ... ويجي ابو الياس بوضع بارد بعيد عن التشنج الاداري كمان ((بس يا ترى هالوقت رح يجي!))
ما بعرف اذا بالدوري عم ناخد وعود وعود ونتفاجئ انو كلو فافوش فنتوتر وبعد الدوري نشوف النادي مديون واللعيبة كلا رايحة عم نتوتر ونياس فايمت رح يجي الوقت اللي عم نقول رح يكون كويس ليدخل فيه ابو الياس بجو احسن من هيك!