أبو النور حبيب قلبي
من الاشخاص اللي كنت أعتبرهم غامضين أو غريبين بداية دخولك ومشاركاتك بالمنتدى..ومتعصبين لأفكارهم بشكل غريب ...ولهلق بضل بحسك متعصب لأفكارك كتير
هاد الشي ما غلط أكيد بس أحيانا بيولد سوء تفاهم عن طريق الحوار
بس يشهد الله أنو في كام موقف رفعت لك القبعة فيه وعرفت أصلك
ومنها أول رسالة بعتلي ياها إذا بتذكر ...وقتها قلت هالإنسان معدنو أصيل جدا ..وقلت مهما اختلفنا بتشجيع الفرق أو ببعض الأفكار بس رح نضل أخوة مادام هيك أنت من جوا
حبيبي رح أسألك كام سؤال عالخفيف :
1- متل ما فهمت من كلامك أنك مولع بالقراءة ..هل أنت مداوم لحد هلق عالقراءة ...وشو دور التلفزيون بحياتك
2- أنت من مواليد اللاذقية ...فماذا تعني لك ..وشو أحب مكان عقلبك فيها ؟؟
3- ليش بتحط توقيعك وأسمك بعد كل مشاركة (أبو النور) وهل هي عادة قديمة عندك ؟
4 - أحيانا بحس أنك بتبالغ بمديح الأعضاء ...هنن الشباب بيستاهلو كل خير بصراحة بس برأيي أنو كل مازادة الأخوة بيناتنا مافي داعي للمديح الكتير لأنو صار في مونة كبيرة ....ما بعرف شو رأيك بهالموضوع ...أم أنت برأيك لازم من باب التشجيع ؟؟
5- مين العضو بمنتدانا اللي بتحس أنو مظلوم ...أو بستحق يبرز بشكل أكبر ؟؟
6- شو رأيك بكام كلمة (باختصار ) بهالشخصيات التالية :
أودولف هتلر
سيجموند فرويد
جمال عبد الناصر
ورياضيا
عارف الأغا
زين الدين زيدان
مارادونا
هشام عابدين
بكفي هيك حبيبي أبو النور
وما تواخذني إذا كانت أسئلتي غليظة ..بس عمبحكي عالمونة
وبتمنى أنو تصير فرصة ونجتمع مع بعض بشكل شخصي ...بركي بخليك تقلب عالأرجنتين بدل الألمان
36_1_21[1].*