أبو كمال حكيت اللي بقلوبنا كلنا.. و عندي تساؤل مشبع بالغضب: شو دور موقع و منتدى نادي حطين إذا ما كان لفضح و تعرية الأشخاص اللي أثبتت أفعالهم الفردية و الأنانية وجود نية عندهم لتخريب مسيرة النادي من أجل مصالح و تصفية حسابات شخصية..؟؟
عم يقولوا إنو مشاكل النادي عم تجي من ورا منتدى النادي؟ هالحكي ما صحيح و بالرغم من وجود بعض المندسين بالمنتدى اللي عم يدسوا السم بالدسم فهالشي ما بيعني إنو الحق عالمنتدى بأي شكل من الأشكال و كل اللي عم ننتقدهم في بأفواههم ألسنة و بيعرفوا يفكوا الخط و بيقدروا يدافعوا عن أنفسهم قدام الكل و بنص المنتدى و ما حدا رح يقلهم اسكتوا, أما عدم ردهم بسبب تكبرهم على النادي و جمهور النادي و الحطينية رواد المنتدى الحطيني فهو عذر أقبح من ذنب, و لازم يعرفوا إنو حطين أكبر منهم جميعاً و إنو تجاهلهم للانتقادات ما رح تسوي شي غير تزيد غضب جمهور النادي عليهم و ابتعاد لجمهور النادي عن المدرجات..
بنقهر و بتضايق لما بقري إنو و الله ما لازم ينحكى بالمنتدى عن عضو إداري مسيء و فاسد أو عن لاعب قرر إنو يعرقل مسيرة فريقو, و ما لازم نحكي لإنو عيب و ما حلوة و ما بعرف شو..!! لإنو إذا كان الهدف من المنتدى تمسيح الجوخ و التسبيح بحمد أعضاء الإدارة الفاسدين و المخربين فما هيدا هو المنتدى اللي سجلناه فيه من البداية..
بعتذر إذا كلامي ضايق حدا من أعضاء المنتدى أو إدارة المنتدى بس السكوت على الخطأ بيغيظ أكتر من الخطأ نفسو, و على كل حال بعد لعبة تشرين رح يكون لكل حادث حديث و وقتها كلام الدبلوماسية اللي ملينا منو رح ينكب من الشباك.. و بتمنى من كل قلبي ما نوصل لهالمرحلة..