[الحوت المهاجر]

يا شباب والله انا وصلت للمرحلة ما عاد تفرق معي ابداااااااااا لانو شو بيطلع معنا ولا شي

منزعل ومنبكي ومنخض حالنا والعالم ولا على بالها ابدااااااااااا

كل شي عنا بنادينا ماشيس بالغلط متل باقي الاندية وصدقوني الاتحاد ولا الكرامة ادراريا مو

افضل يعني كمان مشاكل وعالم بتحفر للعالم لانو نظام الاندية اساسا كلو غلط بغلط

ونظام الاحتراف كلو غلط بغلط والادارات والتعيينات كلها غلط بغلط

صدقوني الكرامة هادا خسارتين بس رح تشوفو تبلش المشاكل فيه وتسمعو الجمهور سب

الادارة والمدرب والاتحاد هيك وكل الاندية عنا هيك

يعني حطين لو ( استغفر لانو بتفتح عمل الشيطان) فزنا على تشرين بكول من اخر فرصة

ضيعها اركان مبيض بالمباراة كنتو شفتو فريقنا غير شكل وما في مشاكل والكل مرتاح

وما حدا بيحكي والفريق ماشي وهيك بتمشي معنا شوي شوي

بس الخسارات هي بتبتفح الجروح وبتخلي الكلاب تنهش فينا وتحفرلنا شوي شوي

ان شاء الله حسب ما سمعت من احد الشباب هون انو رح يتغيير نظام اتحاد كرة القدم كلو

يعني في تغيير لاحسن ان شاء الله وبركي بتصير كل شركة بترعى نادي وبيصير عنا انتخابات

للادارة والاعضاء تكون نظامية ويصير النادي الو دخل وما يحتاج معونات من حدا ويصير الاحتراف

مظبوط والفضائية تنقل الدوري وتدفع للاندية ونشوف انديتنا عم تفوز بالبطولات العربية

والاسيوية ومنتخبنا بنهائيات كأس اسيا ومنها لكأس العالم لي لاء

والله الحلم مو صعب وبدو عالم مخلصة بس

لك شوفو كوريا الشمالية ومنتخباتها وين بالناشئين والشباب والرجال والسيدات

هيك فجأة صارو من الاوائل باسيا ؟

ان شاء الله شوي شوي منصير متل العالم ومعنا معنا بتحقق امانينا واحلامنا

وربكم كريم مو معقول ينسانا من كرمو

قولووووووووووو امين