روقوا يا شباب ما مستاهلة الحكاية ننفعل كل هالقد.. أبو النور الغالي طول بالك.. كلياتنا منعرف قديش إنك حريص على حطين و منعرف إنك من النوع اللي ما بتقدر تكون غير قاطع متل السيف و ما معنى هالشي إنو غيرك بيحبوا يمشوا أعوج.. بس الفكرة بكل بساطة إنو كل واحد عندو نظرة للحياة بيطبقها بالشكل اللي بيريحه و بالطريقة اللي بيحسها صح.. ما بدي ادخل بتفاصيل الاختلاف بس النقطة اللي بدي ركز عليها هي إنو إذا اختلفنا مع غيرنا من الناس فما بالضرورة معناها إنو في كراهية او حقد بالموضوع.. الناس بتختلف آرائها بكل طريقة ممكنة و على أشياء أبسط بكتير من موضوعنا هون.. الفكرة المهمة إنو نتقبل أفكار غيرنا بهدوء مهما بدا إنها مخالفة كتير لأفكارنا.. هلأ ما معناها إنو إنته غلط و هنن صح أو هنن غلط و إنته الصح, الحكاية و ما فيها إنو ما كل الناس بتشوف طريقتك بمعالجة الأمور صح متل ما إنته ما بتشوف طريقة الناس بمعالجة نفس الأمور صح.. و الفائدة من النقاش الهادئ هو لفت نظر الشخص التاني لجوانب ممكن تكون غايبة عن ملاحظتو.. أما الانفعال فبيكون عم يبعت رسالة خاطئة للطرف التاني و هي إنو الطرف التاني بيستاهل القتل بسبب اختلاف آراؤه.. و ما بعتقد هيدا هو القصد الفعلي.. الانفعال ممكن يكون وسيلة للتعبير عن أهمية النقطة المطروحة و لكن الانفعال متل ما قلتلك بكتير من الأحيان بينفهم غلط..
بتمنى تتقبل كلامي كأخ كبير إلك و كلياتنا بالنهاية بدنا مصلحة حطين و اللي ما بدو مصلحة حطين رح يبين و يفوش بسرعة متل الفلينة.. كلياتنا بإذن الله حطينية و مخلصين و متل ما بيقول مهند دائماً :"حطين بيجمعنا"