اقتباس:
|
أرسل أصلا بواسطة tarekbarcha بالفعل الشباب كفو ووفوا بالمدح فيك لانو بالفعل انت شخص قل وجودو بهل الحياة |
شكرا" أبو طريئ لا تخجلنا ...هادا كلو من زوق وأصل الشباب بس
اقتباس:
|
أرسل أصلا بواسطة tarekbarcha 1_ ما هو اجمل شي عملتو بحياتك |
أني تعرفت عليك هون وبنفس اليوم أخدتك معنا عحفلة وفيق حبيب 36_1_21[1].*
لأ بصراحة يمكن أهم قرار أخدتو بالرغم من تخويف البعض وعدم تشجيع كتير من الأهل والأقرباء ..هو السفر عالإمارات ...بظروف كانت كتير غامضة وقرار بعتبرو جريء
بالرغم من أنو كتير من المقربين إلي كانو بيفضلو بقائي ...وقال روح عالعسكرية كلا سنتين وبتمر
اقتباس:
|
أرسل أصلا بواسطة tarekbarcha 2_ شو بيعنيلك تشرين والبارشا والبرازيل
|
يعني ضروري تسملي بدني عند هالمسا
أنت بتعرف أنو أي واحد منهم ما بطيقو ...فكيف جمعت التلاتة سوا ..!!؟؟
اقتباس:
|
أرسل أصلا بواسطة tarekbarcha 3_ شو بيكون شعورك لمل بتحاول تنزل على الشارقة
|
لك أأأخ ...الحمد لله ألف مرة أني ما ساكن هنيك...والله بصير معي أكتئاب كل اليوم لما بكون بدي أنزل بوقت الزحمة عالشارقة
بتتذكر أنت أخر مرة نزلت لعندك بالشارقة وقت كنت أنت هون ...فينك توصف شعوري بنفسك
اقتباس:
|
أرسل أصلا بواسطة tarekbarcha 4_ شو بيعنيلك هل الاشخاص
بهاء |
بهاء من أعز أصحابي اللي بحس علاقتي فيه غريبة ...لأني ما بقدر أكرهو مهما حاولت
في مجموعة رفقات بحياة الواحد ..بتحس أنو مهما قعد معهم ما بمل منهم ولا بيكرههم ...هيك بهاء بالنسبة إلي
خالد التشريني
خالد عملة نادرة ..بالرغم من معرفتي فيه من أقل من سنة ....بس طيب لأبعد الحدود وعاطفي جدا" زيادة عن اللزوم وهاد الشي اللي بختلف معو بالحوار فيه دوما ..بس من أعز أصدقائي حاليا
فادي فرحات
شغلة كبيرة ....شريكك البرشلوني 36_1_21[1].*
على فكرة انتقل عأبو ظبي من فترة قريبة ..ما في أحلى منو ..بس هو وساكت
لأنو بس يبلش يحكي ما بيسكت ..أنت بتعرف ..
بس والله ما في منو ..وشهم كتير
ابوجاسم
أخ كبير إلي بصدق ...وبيمثل الإنسان السوري الديري مثال الكرم والأخلاق...ما شاء الله عليك ما طبيعي الله يعزو ويزيدو
ابوكمال
ابوكمال
خالد
صلاح
حكيت عنهم قبل فوق 36_1_11[1
كيفورك
رمز من رموز حطين القلائل ...لا يمكن أن تذكره بدون أن تذكر حطين
بيكفي أنو الحطيني الوحيد تقريبا اللي مابيختلف عليه اتنين من جمهور حطين ..طبعا" جمهور حطين اللي عندو 1000 رأي مختلف بأي موضوع ..بس بيكفورك تحديدا...الكل بيجتمع عنفس الرأي
باتيستوتا
باتيستوتا .وراؤول هن أكتر لاعبين حبيتهم وتابعتهم بحياتي
وباتيستوتا بعتبرو أحسن مهاجم بالعالم ما أخد حقو ..انظلم بأنو ما أخد لقب كبير كان بيستحقو
صدقا" تأثرت كتير لما شفتو عميبكي وطالع من كأس العام الأخيرة إلو بالـ 2002...كان بيستاهل يتتوج بلقب كبير متل كأس العالم
اقتباس:
|
أرسل أصلا بواسطة tarekbarcha 5_ شو الهدية يلي بدك تهديها للست الوالدة بمناسبة عيد الام |
بالطيف شو معلاقك كبير ...شو بدك أنت بهيك شغلات 36_1_21[1].*
بعتلها قبل جاكيت مطرزة...مابعرف شو بيسموها بمصطلحات اللباس البناتي .لأنو ما عندي خبرة بهيك شي
ويمكن أبعتلها شي تاني إذا شفت حدا نازل ان شاء الله
اقتباس:
|
أرسل أصلا بواسطة tarekbarcha 6_ سعيد انا سمعت انا سمعت انو في قصة حب جديدة على الطريق فينك توضحلنا اكتر وشو جنسية سعيدة الحظ |
هية قصة الحب كانت عالطريق ..بس عملت حادث ودعسها قطار 36_1_21[1].* لذلك ما وصلت
أنت خليك بقصصك الله يوفقك ...بركي بس أنزل إجازة منجوزك ومنرتاح منك36_1_21[1].*