لماذا يصرّ ليبي على حرق أعصابنا

[ابوروما]

لا أعرف لماذا يلعب ليبي بهذه الطريقة
لماذا يريد تمويت اللعب لآخر درجة
بغض النظر عن الطرد الظالم بحق ماتيرازي (يستحق إنزار بالكثير)
لماذا يلعب ليبي بطريقة تكتيكية عالية جداً لهذه الدرجة؟؟؟
ألا تستطيع إيطاليا الفوز بلعب جماعي مفتوح؟؟؟؟
أرجو أن أعرف أجوبتكم

[Saeedoo]

هدا هو لعب إيطاليا مع احترامي

طول عمرهم بيلعبو دفاع وتسكير منطقة ...وبيعتمدو على الهجمات السريعة للتسجيل

ولولا الهدية المجانية للحكم الأغبى كونتليخا اليوم (حكم مباراة الريال والبرشا)

لكان لإيطاليا الأن كلام أخر,,,,!!!

[نوار مالك مجبور]

والله الرب تطلع لوجه الطليان
بس راحت على الطليان
ابو النور

[مهند شاويش]

لك يا شباب شو ما شفتو طرد ماتيراتزي أو بالظاهر طبيعي ينطرد لاعب ايطالي ظلما وعدوانا

[SALAHDIN]

والله لو متأهلو الطليان كان هالحكم الأجدب تبهدل

مبروك للشباب

[abu kamal]

ولله راح يجلطنهي ليبي
خليا لربك

[Kh@led]

ياي سيدي الشوط الاول روعة.. اتحدى في منتخب بيوصل على الغول ب 3 نقلات بس ...
بس ... بعد ما انطرد ماتيرازي ,, و استعجال ليبي بالتبديل باول الشوط التاني ..و بعتقد ياكونتا ماعاد بيستحق يلعب مع الازوري ..

[مهند شاويش]

كلامك سليم خلودة والكل شاف انو بالشوط الأول كان في خمس هجمات حقيقية للطليان كرتين بالرأس لتوني وكرة بالأرض كمان لتوني وفوليه لجيلا وسوء تقدير بمتابعة كمان لجيلا
مقابل هجمة حقيقية وحدة لاستراليا والطابة لازم تكون فاول لكانافارو
وبعد الطرد تغير كل شي ومع هيك فزنا
النقطة الإيجابية هية انو لاعبي الآزوري لعبوا باعصاب باردة وبهدوء غريب خاصة بالشوط الأول على عكس مباراة كوريا الجنوبية بالمونديال الماضي وبهاد الهدوء قدروا يفوزوا على استراليا
نقطة اخرى ايجابية انا بشوفا بانو منتخب ايطاليا هوة المنتخب الوحيد اللي عم يستخدم 20 لاعب بمبارياتو وهيك بجنب لاعبينو الإرهاق والجهز عم يلعب

[Saeedoo]

خالد ...ليش ...هي منتخب انكلترا بيوصل بنقلة وحدة عالكول ...رفعة من الدفاع للهجوم
بعدين يعني مانا شغلة حلوة شغلة توصل عالكول بطابة أو اتنين ...
صحي شباب ايطاليا كانو أحسن بالشوط الأول ...والطرد ظالم بعترف ...كان بيكفيه انذار أصفر ...
بس خطأ الطرد ..ما متل خطأ إعطاء ضربة جزاء لاعلاقة لها بالصحة بالدقيقة 93 ...صح ولا لأ...

بعدين تعودنا على حالات الطرد ...وكتير فرق لعبت ناقصة شوط كامل بهالمونديال ...بس ما متل إيطاليا أختفو بالمرة ....ولا تنسو أنو عمتلعبوا مع استراليا ...اللي ماعندها شيء مضيء في كرة القدم

على كل مبروك مرة تانية

[juventini]

خي سعيد الغالي لو كان توني و جيلا موفقين شوي لكان الشوط الأول خلص أربعة صفر و ما معناتها إنو وصلنا للدقيقة تسعين و النتيجة صفرين إنو استراليا بتستحق الفوز.. الطرد كان ظالم و تبديلات ليبي ما كتير تشد ايدك و بالفعل متل ما قال مهند ايطاليا بتلعب بعشرين لاعب يعني ما حدا مرهق أبداً لحد الآن و كل خيارات التشكيلة مفتوحة لمباراة اوكرانيا و الكل مرتاحين و ما حدا عليه ضغط أو إصابات.. أنا حكيت من قبل و قلت إنو توني مبالغ في تقديره و بالرغم من إنو هداف الدوري الإيطالي فهيدا لإنو بيعرف بس يحط الطابة بالكول و لكن حتى هالشي ما عم نقدر نشوفو مع الآزوري, ما بعرف شو السبب يمكن قصر فترة الإعداد و صعوبة التناغم بين لاعبي الفريق اللي ما لعبوا مع بعض غير كام لعبة و لحد الآن ما قادرين (متل كتير فرق) يلاقوا النغمة الخاصة بالفريق و ما ننسى ليبي و قناعته بعدم الثبات على تشكيلة واحدة.. على كل حال ألف مبروك للآزورية..
خي سعيد و على كل, الله يبارك فيك مرة تانية.. ههههه

[juventini]

خي جاك.. يمكن المشكلة عم تكون بعدم ثبات التشكيلة و تغيير المراكز و الخطط.. الظاهر ليبي لهلأ عم يجرب..

[kuber]

المبارة كلها كانت روعة

[BaTiGoAl]

انا ما شفت في اخطاء .. من ليبي ... بالعكس اهدا من غيرو من المدربين شو نسيتو تراباتوني ... ودينو زوف ؟؟؟ هدول مدربين هلق؟!!
بالعكس الفريق الايطالي كان كويس ... كتير لعب ب10 لعيبة شوط كامل تقريبا وما تنسوا استراليا شو عملت بالبرازيل لو لا لطف الله كانت البرازيل متعادلة معن اقل تقدير ...
فمن وجهة نظري ما في اخطاء مبارح بالنسبة للعب اللي قبلا كان فيه اخطاء وهي انو دي روسسي ما بيلعب قلب دفاع ما بعرف ليش هيك حاطتو ؟؟!! غريبة ... انا حضرت اكتر من لعبة لروما ودي روسي وسط متقدم كمان ... كان فيها وعمل شي رائع كمان .....
بس يا شباب شي كويس من فريق هالشي صدقوني ..وكل لعبة الا ظروفا ...
بعدين يا بدر لوكا توني احسن هداف هلق معلشي نكون صريحين وبيعمل كتير فرص حلوة ورائعة شوف اول لعبة شو عمل ...
بس ما عم يتوفق الخلاصة انو ايطاليا لحد الان ما انظلمت ...
لانو اذا بدنا نحكي عالظلم تحرق فريق 45 دقيقة شو بتسموه هاد ؟ كمان

[ابوروما]

مشكورين جميعاً

أولاً الطرد أكيد ظالم وكان ماتيراتزي بيستحق الإنزار فقط
ثانياً ضربة الجزاء صحيحة 100 % لأن اللاعب أعاق تقدم جروسو ونزل بين أجريه دون أن يلمس الكرة أي تزحلق ليعيق جروسو رغم عدم وجود عرقلة واضحة لكنه أعاق تقدم جروسو وتحتسب ضربة جزاء ولو أتت هذه الضربة في منتصف المباراة لما كان تكلم أحد عنها

ثالثاً أخطاء ليبي
ليبي يلعب بدون خط وسط
خط الوسط الإيطالي يلعب دفاع بيرلو جاتوزو بيروتا
يلعب ليبي بـ 7 مدافعين وثلاثة هجوم!!!!!!!!!

ولاحظنا أن جميع الكرات تُسقط من دفاع إيطاليا إلى توني وجيلا في منطقة جزاء استراليا


لكن رغم ذلك ما زالت إيطاليا مرشحة وبقوة لإحراز اللقب
لكن ليبي لن يرضى قبل أن يجلطنا أو يصيبنا بانهيار عصبي على الأقل