هنودة الغالي يسلموا ايديك عالخبر.. عادي كل العالم بتغار من الطليان ما تحط ببالك, قال طنطات قال ههههه العما إذا هدول طنطات شو بدنا نحكي عن غير لعيبة.. بعدين يعني إذا الطليان بشكل عام مميزين بالأناقة و الوسامة بيصيروا طنطات؟ هههههه
المهم..
بيسوتو بحسب مصادر ايطالية أساساً كان عم يعاني من اضطرابات نفسية من سنتين و لهالسبب الموسم الماضي تقريباً ما لعب ولا لعبة و ما أعلن اعتزاله و تفاجئنا بعد استقالة مودجي إنو تعين بيسوتو مدير للفريق.. أنا شخصياً بعتقد إنو هيدي محاولة لرفع معنويات بيسوتو لحتى يطلع من حالة الاكتئاب اللي عايشها و ما بعتقد إنو التحقيق أو نتائج التحقيق إلها أي علاقة باللي صار.. في شغلة أخيرة لا بد من لفت نظر عناية جميع السادة مشجعي كرة القدم إلها و هي نوعية العلاقات بين لعيبة اليوفي.. اللي بيشوف من بعيد ما بيعرف شو الحكاية بس بقلب اليوفي لعيبة الفريق شلة وحدة و قصدي بشلة وحدة يعني طوال الوقت مع بعض ما متل غير فرق لعيبتها ما بتلتقي إلا بالتمرين.. لعيبة اليوفي أصدقاء داخل و خارج الملعب و كل سهراتون و روحاتون و جياتون مع بعض و الكل بيعرف بعض حتى على المستوى العائلي و لهالسبب ما بستغرب ابداً رجعة دلبي و زامبروتا للاطمئنان على فرد من أفراد العيلة بالنسبة إلون.. و هيك هو كل لاعب باليوفي واحد من العيلة.. هون حلاوة اليوفي و هيدا سر الرابط الرائع اللي بيربط لعيبة اليوفي ببعضون و لهالسبب أسأل أي لاعب عن أجمل ايام عمره رح يقلك لما كنت إلعب باليوفي.. بلاتيني حكاها و زيدان حكاها و نيدفيد حكاها و موتو حكاها.. و كتير غيرون رح يحكوها لإنو جو فريق اليوفي جو مختلف.. و هالاختلاف هو الفرق.