عــــذراً كرامــــة .......

[YOUSEF..MS]

عذراً كرامة :


الكرامة النسر أرسل قويضو مع لاعبينو وعلى راسهم اياد مندو

على حطين ذو الهمة العلية ويا حسرة شو رح بيستفيدو

أنا ابو اللعب والحماسية وقديم اللعب بيعلم جديدو

الكرة بنتي وصاحت يا بيي بحب كتير أنصاري يزيدو

أولادي وأحفادي جماهير اللادئية ومن حق الجد يفتخر بيحفيدو

جماهيري على الأرض نسمة نقية واذا عادت على الملعب ازرق تعيدو

وإذا بدكم شي ذرة معنوية تعالوا من معنوياتي استزيدو

شمال جنوب شرق وغرب امتدحو فيي وسلمت كل واحد رصيدو

أنا على ضيفي قطرة ندية بس على الأخصام بركان بوقيدو

اعذروني يا كرماوية إذا تمادى الخصم واجبنا نبيدو

واللي أتوني بالغرور والعنترية قطعت راسهم من عرق جيدو

الكرامة جائوني عشية وافتكرو في ساحاتي يسيدو

الصبح رح ابعتهم ضحية والحطيني يفرح بعيدو

رح بكي على القويض الكرماوية والحمصي رح يودع فقيدو ...



أبو مروان الحطيني ..

[حسن مكيس]

أخوي أبو مروان الغالي
بإذن الله بيرجع الحوت أقوى من قبل وترجع له شهيته بالتهام جميع أسماك الدوري ونفخر بأشعارك التي تفخر بحطين والله يزيدنا فخر على فخر .
تصبحون على حطين يا مخلصين

[بشير حطين ياروح]

أحلى أبو مروان وفعلا الحوت حوت وكبير وأن شاء الله الفوز عالنسر الكرماوي

[ابو الليل]

السلام عليكم

كان بدنا ياها بكرا بعد اللعبة بس ملعوبة أبو مروان

[أحمد وزان]

مشكور يا حبيب
وانشالله اليوم الحيتان بفرجونا همتهون وشطارتهون
والعب يا حطين

سلمات

[LIVERPOOL 22]

بسم الله عليك وعلى اشعارك ابو مرواااان
انشاء الله راح نفوز ونفرجي الكرامة شو هو حجمووووووو
حيتان البحر عااااااااادوا من جديد
والنصر أت أت أت بعون الله

[حطين]

اهلا بالحبيب

[هشام]

شعر ولااروع مشكور ابو مروان

[أبو هشام الحطيني]

الفوز للحوت اليوم

[YOUSEF..MS]

أرسل أصلا بواسطة أبو هشام الحطيني

الفوز للحوت اليوم

ان شاء الله

[نوار مالك مجبور]

الكبير طول عمرو كبيييييييييييير


شاعرنا ابو مروان


رغم كل ياللي صار


بحيي املك باللاعبين وثقتك الكبيرة فيهم


:::::::::::::::::::::::::

أبو النور

[حسن مكيس]

بعد يالي صار بالملعب تعلمنـــــــــا
وانشال الحب من قلب كل منـــــــا
كانو اخوات ومنحبهم كلياتنــــــــــا
وصارو بالحب ابعد من القمر عنـــــا
يا كرماوي طول عمروا اللعب النــــا
والتواضع كل يوم بياخد دروس منا
نحنا متل البحر بكبرنا و تواضعنــــا
فكرو حالون جبل وانون من فوقنـا
بس نسيو انو فوق الجبل غيومنـا
و ولادنا أهل ثقة عنون ما تزحزحنا
وبيضل بالله العلي العظيم أملنــــا
و حطين نادينا و فخرنا لولد ولدنــا

ابو مروان اخوي انا آسف لانو عم اسرق من اسلوبك واتطفل عليك بس حرقة قلب وطلعت وبتعرفني ما بحب اتراجع منشان هيك اعذرنا

تصبحون على حطين يا مخلصين

[LIVERPOOL 22]

الله عليك اخوي ابو خالد ولييييي علقت صار في سرقة اشعار

[أبو هشام الحطيني]

و هي ميزة اضافية منضيفها على ميزات أبو خالد الغالي

أهلين بحطيني فقط

[حسن مكيس]

أخوي نديم الغالي انا قلت سرقت اسلوب ابو مروان ما سرقت شعرو على كل حال تسلم
أخوي ابو هشام الحبيب هلا وغلا بيك بس شو هي الميزة ما يكون حرامي هههههههههه
أخوي ابو مروان اعذرني انو رديت من موضوعك بس بعرف ما في شي بيناتنا اسمو موضوعي وموضوعك بس اقتضى التنويه.
تصبحون على حطين يا مخلصين

[أبو هشام الحطيني]

فعلا" .......... شو عرّفك أخوي أبو خالد

بس حرامي من نوع تاني

اختصاص سرقة اعجاب الناس بكلامك و آراءك و مواضيعك

و طريقة انتماءك للحوت

[مهرتوو]

والله ما عاد نعرف مين بدنا نحيي الاصل ابوو مروان ولا الملك ابو خالد والله حترنا بس المهم التنين حطووو يايدون على الجرح

[حسن مكيس]

تسلمو يا شباب والله خجلتوني
لانو بيضل ابو مروان معلمنا بس لانو متواضع و محترم و بيضل محلو على الراس متل كل الشباب الطيبة
أنا خيو سرقت اسلوبو ومعترف بقا خلي ابو مروان يرفع علي قضية اذا قلبو بيطاوعو ويحط sea dad شهود
تصبحون على حطين يا مخلصين

[الامير totti]

والله يا ابو خالد صدقني كل يوم عم تكبر بنظري .....والحق يقال

[SALAHDIN]

أرسل أصلا بواسطة توتي حطين

والله يا ابو خالد صدقني كل يوم عم تكبر بنظري .....والحق يقال

لأنك لسا ما شفته شخصي ,,,,,,, مشان هيك عم تحكي