نداء اخير الى عارف و سليم؟؟؟؟؟؟؟؟؟

[ابو بشار الحطيني]

بعيدا عن الناحية المادية الم يشعر لاعبينا السابقين عارف الاغا و سليم جبلاوي و هم يتابعون المباراة مع الكرامة برفقة فريقهم الحالي ان فريقهم السابق حطين بحاجة لهم و يناديهم ؟؟؟؟؟؟؟؟؟؟الم يشعروا بالحنين و العودة الى هذا الجمهور الحطيني العاطفي من كبار السن وشباب و اطفال الذي شجع فريقه حتى اخر صافرة؟؟؟؟؟؟؟؟؟؟اتمنى من كل قلبي ان يعودوا الى بيتهم الحطيني خاصة بعد ان سمعت ان عارف على بعد خطوة من تجديد عقده لمرة ثالثة مع الطليعة و ان سليم على بعد خطوة ايضا من تسلمه مدرب لفريق شباب الطليعة؟؟؟؟؟؟؟؟؟؟انه نداء اخير اوجهه الى هذين اللاعبين.

[ليفربول22]

اخوي ما عاد تفرق معنا ان رجعوا ولا مارجعوا وانا كنت اول المطالبين بهما ولكن الله يسعدون ويبعدون

[ابو بشار الحطيني]

اخي ليفربول معك حق .......ولكن كلما رايت هذين اللاعبين اتذكر ايام حطين الذهبية الماضية ......واتمنى ان تعود.

[مهرتوو]

لك والله ما عاد نعرف مين بحب حطين ومين بيكرهوو

[أحمد وزان]

طنشوون وما رح تشوفون غير رجعو لحالون

سلمات

[hutteen my love]

؟؟؟؟؟؟؟؟؟؟الم يشعروا بالحنين و العودة الى هذا الجمهور الحطيني العاطفي من كبار السن وشباب و اطفال الذي شجع فريقه حتى اخر صافرة؟؟؟؟؟؟؟؟؟؟

===========

والله ياغالي كنت قاعد جنبون وماشفت هالشي اللي حكيت عليه

[Rana]

أعذروني لتدخلي.. لكن في اعتقادي إنه أي فريق وقوته ما بتتوقف علي وجود شخص معين من عدمه... والشباب كلهم أثبتووو جدارتهم من البداية.. الله يعطيهم العافية..
وبالتالي احتراما وتقديرا لفريقنا وإيمانا بقوتهم مافي داعي للمطالبة بعودة أشخاص انتمائهم الحالي لفرق تانيه...

[عاشق اليونايتد]

والله يا حبيبي الفلوس تغير مافي النفووووس

[Abu Ammar]

بكرا قبل الاعتزال بكام سنة بيجو لانو الطليعة مارح يكون بحاجة الهم....

[أبو هشام الحطيني]

يا سيدي رجعو ولا ما رجعو

اللي شفناه بمبارتي الكرامة بأكد أنو نحنا ما بحلجة لا لعارف و لا لسليم و لا بحاجة حدا
و هالشي شفناه و لمسناه بالدليل القاط

منشان هيك و رغم اني كنت من اشد المطالبين برجعتون بس تأكدلي انو الحوت ما بحاجة حدا و المهم ترتيب الأوضاع الداخلية و اللاعبين اللي عنا و الله العظيم كلهم نجون من مستوى عارف و سليم مع الفرق انن لسا ممكن يعطو للفريق طالما روح المسئولية موجودة

[عاشق الحوت الأزرق حسام]

والله ما رح يرجعوا لحتى يملوا من الطليعة

[alaa]

على الرغم من اني من أشد العاشقين للاعبين و خاصة آغا الهدافين ,و بصراحة ضليت أكتر من 3 مواسم حتى صرت اتقبل الفريق من دون وجود الآغا , بس هلئ ما بتمنى رجعتون على الفريق و خاصة الجبلاوي , فالموضوع الو جانبين الأول عاطفي و هون الموضوع محسوم انو يرجعوا
لأنو الأيام الذهبية كانت على أيامن و الآغا هو المعشوق رقم 1 للجماهير الحطينية و طالما كان هو السبب بالأفراح الحطينية على المدرجات و على الرغم من المواقف السيئة الي عملا بآخر موسم للحطينين و على الرغم من أنو هو أكتر لاعب بنادي حطين أخد مصاري من النادي بس بالنهاية من حقوا يحسن وضعوا المادي اللي كان صعب و هلئ بتوقع ممتاز و بيضل معشوق الجماهير الحطينية ...... أما من الناحية المنطقية و الفنية و حسب ما شفنا بمباراة الكرامة ما شاء الله ما بينقصنا النجوم و موجودين و بكثرة (الفارس , خضرة , البيازيد ,الياسين , العابدين , الحاج محمد ,الديب....) و بما أنو عارف و سليم صعب يعطوا أكتر من موسمين مع ملاحظة أنو ولا بحال من الأحوال هنن بنص مستواهن السابق فالأفضل الإهتمام بالنجوم الجديدة و إعطائها الفرصة ....
و النقطة الأخيرة اللي بدي إحكيها و هي برأي الأهم أنو بالنهاية عودة اللاعبين من الناحية الفنية مفيدة و لكن السؤال هل يقبل عارف أو سليم أنو يلعبوا احتياط أنا شخصياً بتوقع لأ و بالتالي عودة المشاكل و الرؤوس الكبيرة الموجود أصلاً ..... و شكراً

[Kh@led]

نداء اخير للشباب المنتدى ..بعدم فتح هيك مواضيع ...