حطّين هوّه وطني

[InVaDeR]

للأسف و بعد اللي صار بين حطّين و الكرامة بالذهاب و بالإيّاب و الإرادة الخفيّة الواضحة اللي صمّمت لا فوز الكرامة و تأهله لا غير ذلك دفعتني أعلن شعار أرجنتيني رائع : ناديّ هو وطني

و أنا حطّين هوّه وطني و غير حطين ما بتمنى الفوز لأي نادي سوري و لو كنت متعصّب لناديي زيادة عن اللزوم بنظر غيري لأنو غيرتي على فرق تانية دون حطّين رح تكون مجرد مشاعر فردية ما رح ينعملّا حساب و انا شخصيّا ما عدت بشجّع الكرامة آسيويّا و ان شا الله فخّار يكسّر بعضو مشان يتكسّر راس الفوقية و التكابر الكرماوي و كل مين يتكبّر و يعمل راس على حطّين و بيكفي اسم حطّين الكبير


فمين معي بهل رأي............

[أبو هشام الحطيني]

طوّل بالك

الرياضة فوز و خسارة

ممكن في عوامل ساعدت الكرامة عالفوز بس منطقيا" كان متوقع جدا" فوز الكرامة متل ما كنا متوقعين نفوز

أما فكرة ناديّ هو وطني مع الاحترام إلك فهيدي عنصرية و بالنهاية حطين نادي سوري و اذا كان انتمائك لألو فهيدا الشي يعني انتمائك لسوريه و انا بشجع أي طرف يرفع اسم سوريا بالعالي

ما تسمي هالكلام فلسفة أو شعارات بس سدئني لما بيلعب أي فريق سوري برّا بشجعو اكتر من منتخبنا الوطني لأسباب كلنا منعرفها

منشان هيك ما تخلي ألم الخسارة الغير مستحقة تغير مفاهيم مشجعي الحوت المحبة اولا" و أخيرا" للرياضة

اخوك ابو هشام

[حطيني فقط]

الأخ الغالي عربليك أهلا بك
من اسمك أقول لك أنك انسان قومي فلماذا هذه العصبية الغير مبررة
لقد آليت على نفسي ألا أرد على أي موضوع رياضي بعد مباراة البارحة لأن نفسيتي لم تهدأ بعد وأعصابي انقطعت بعد ان فقدت مرونتها من كثرة الشد لكن بما أن الموضوع عام فسأرد بوجهة نظري المتواضعة.
أعلم أولا أنك بحالة نفسية لا يعلمها إلا الله تعالى وجميعنا في الهم سواء
لكن يا أخي تبقى سورية وجنسيتها مفخرة لنا بمواقفها البطولية الخارجية
أنا احب حطين والله يعلم ولكن لن يصبح وطني ولن أستبدل وطني ما حييت
ولن أقبل أن يكتب في يوم من الأيام مكان الجنسية حطيني بل سأبقى سوري إن شاء الله
أما عن عدم تشجيعك للكرامة أنا معك قلبا وقالبا و هذا حقك الطبيعي في الاختيار لا يحق لأحد أن يناقشك به كما لا يحق لك فرضه على الغير.
أما للأخ أبو هشام نحن نشجع المنتخب السوري لشيء واحد فقط وهو العلم المرسوم على صدر لاعبي المنتخب وليس لأسماء أو أشخاص .
بما أن المنتخب لا يقابل فرقا بالدوري - لا أقصد اللعب الودية - فلقد نجونا من الاحراج لأنه ساعتها من سنشجع...؟
الله سوريا حطين وبس
تصبحون على حطين يا مخلصين

[أبو هشام الحطيني]

و الله
و بكسر الهاء ما رح احضر مباراة لأي منتخب كرة قدم بسوريا طالما الجربان على رأس الاتحاد و طالما المهازل المخزية من ورا اختيار اللاعبين و فرض اسماء و غيرو من المسخرة

لك يا زلمة قال ماهر السيد كابتن المنتخب

و الله شي بيجنن

عارف الآغا طلع هداف سورية 5 مرات بحياتون ما استدعوه اساسي بالمنتخب

يا زلمة وين صارت هالشغلة
هداف الدوري خمس مرات و صاحب الرقم القياسي بعدد الاهداف الاجمالي و صاحب الرقم القياسي لعدد الأهداف بموسم واحد و ما بيلعب بالمنتخب

أبو خالد قسما" بالله اذا ما بتتغير السياسة اللي شغالة عنا ما رح شجع المنتخب ولو على موتي

[ehab]

أنا معك وبأيدك بكل كلمة قلتها حطين هو وطني وحبي الواحد الأوحد بعد الله والأهل

[حطيني فقط]

والله يا ابو هشام بدي قلك شغلة
اذا بيكون المنتخب كلو من الكرامة حاليا ومن تشرين سابقا وعلى رأس الاتحاد الرياضي جميع ما خلق الله من جربانين بقلك وبشفافية بدي ضل شجعون لانو انا هيك الله خلقني
انا بحترم رايك وبقدرو بس انا قلت رايي وبتجرد.
والخلاف لا يفسد للود قضية
تصبحون على حطين يا مخلصين

[ليفربول22]

الله سوريااااااااااااااااااا حطين وبسسسسسسسسسسسسس

[الامير totti]

أما عن عدم تشجيعك للكرامة أنا معك قلبا وقالبا و هذا حقك الطبيعي في الاختيار لا يحق لأحد أن يناقشك به كما لا يحق لك فرضه على الغير.
أما للأخ أبو هشام نحن نشجع المنتخب السوري لشيء واحد فقط وهو العلم المرسوم على صدر لاعبي المنتخب وليس لأسماء أو أشخاص .
بما أن المنتخب لا يقابل فرقا بالدوري - لا أقصد اللعب الودية - فلقد نجونا من الاحراج لأنه ساعتها من سنشجع...؟
الله سوريا حطين وبس
تصبحون على حطين يا مخلصين

________________
يسلم تمك ... لا كلام من بعد هالكلام

[أبو هشام الحطيني]

طالما هالأوبة الجربانة موجودة رح يضل الجمهور بعيد عن متابعة المنتخب و الدليل عدد الجمهور بمباريات منتخبنا بالتصفيات الأولومبية

[InVaDeR]

يا جماعة أنا قصدي بحطّين هوّه وطني بالدرجة الأولى من ناحية الأندية و ما من ناحية المنتخب و شكلي ما توفّقت كتير بشرح فكرتي لانزعاجي بوقتها


بيضل المنتخب حامل اسم يوريا

بس باقي الأندية ما عادت بتعنيلي ولا شي بس حطّين و مين ما كان أي فريق سوري بيلعب بطولة دولية ما بيهمني اللي يهمني حطين يلعب دوليا

و بالتأكيد انا من ناحية القومية السياسيّة عربي سوري و أنا ما بقصد بالموضوع تعصّب سياسي لأ تعصّب رياضي

[الآغا]

كل الفرق بالنسبة الي خير


وانا مع الكرامة بالبطولة الاسيوية


وانتمائي لحطين موجود دائما


وعشقي لحطين اكثر من عشق الاب لولده

[BaTiGoAl]

كل الفرق بالنسبة الي خير


وانا مع الكرامة بالبطولة الاسيوية


وانتمائي لحطين موجود دائما


وعشقي لحطين اكثر من عشق الاب لولده


الله يسلم تمك يا اغا......
بعتقد الامور واضحة والمباراة انتهت خلونا نقلب صفحة جديدة خلينا نهتم بالنادي حاليا ومشاكله المستقبلية....
احسن ما يجي الموسم الجاية ما يبقى حدى ما يفوز علينا