شباب ارجو المساعدة و المشورة

[bayaa rena]

شباب يعطيكم العافية ممكن اعرف شو هية شروط
ترشيح الشخص نفسولادارة ةنادي حطين
لاني بدي رشح حالي وانا بكامل قواي العقلية
بيكفي انا عم تابع شباب المنتدى المثقفين
وبعرف شو بدي وشو ما بدي
وبعرف شو هية الامور يلي لازم نسير عليها من المدرب حتى اصغر لاعب بالفريق حتى نوصل لركب الفرق المتطورة
ما بس بسورية وانما بالعالم العربي
وثقوا تمام انو عنا لاعبين قادرين يشكلو منتخب خلال اربعة وعشرين ساعة
تصبحون على حطين بطل يا مخلصين

[ابو البحر]

اخوي مشكور على قوة قلبك وافصاحك عن هيك شي وهيدات يلي بتمناه من الاخوة الاعضاء يعني لا صعب ولا مستحيل طبعا في امور كتيرة لازم تنوجد قبل ما تفكر ترشح حالك
اولا لازم تسجل عضوية بنادي حطين وفينك تراجع هالموضوع على الرابط هاد
http://www.hutteensc.com/forum/showthread.php?t=9212

بس تسجل عضوية بالنادي بدك تنطر سنتين لحتى تقدر تشارك بالانتخابات واي شي تاني يعني عضويتك ما بتتفعل لحتى يمر عليها سنتين على كل حال هيدي خطة مستقبلية يا ريت تشاركنا فيها

[أبو هشام الحطيني]

و الله يا أبو البحر سنتين كتير

خليهن شهرين

[الآغا]

انا عندي عضوية بنادي حطين من لما كنت اشبال بيمشي حالي؟؟

[ابو البحر]

اخوي ابو هشام الموضوع مو من عندي انا معك سنتين كتير بس اذا بتلاحظ انت انو هالسنتين العضو بيبين اذا نفسو طويل منشان يقدر يقوم بالمهام على اكمل وجه خاصا بهالمجال لانو متل ما بتعرف سياسة النادي صعبة كتير وبدها صبر

اخوي الاغا راجع النادي وتأكد من عضويتك اذا فعالة

[bayaa rena]

أرسل أصلا بواسطة ابو البحر

اخوي مشكور على قوة قلبك وافصاحك عن هيك شي وهيدات يلي بتمناه من الاخوة الاعضاء يعني لا صعب ولا مستحيل طبعا في امور كتيرة لازم تنوجد قبل ما تفكر ترشح حالك
اولا لازم تسجل عضوية بنادي حطين وفينك تراجع هالموضوع على الرابط هاد
http://www.hutteensc.com/forum/showthread.php?t=9212

بس تسجل عضوية بالنادي بدك تنطر سنتين لحتى تقدر تشارك بالانتخابات واي شي تاني يعني عضويتك ما بتتفعل لحتى يمر عليها سنتين على كل حال هيدي خطة مستقبلية يا ريت تشاركنا فيها

معنى هادا الكلام انو اذا في واحد مفكر يرشح حالو من الان حتى بعد سنتين بكون حطين ما بقا يفكر يطلع على الدرجة التانية
متشائم بقوة

[نديم منلا]

أخوي الغالي سنتين ما كتير .. بالعكس بتعطيك هالفترة فرصة لتدخل مجال الإدارة و تكتسب خبرة وتتعرف على الوسط الإداري .
إذا فعلا عندك هيك نية بحييك من كل قلبي ولازم تبدأ التخطيط من اليوم حتى يتم انتخابك بعد عامين إنشالله لأنو ما في شي بيصير بين يوم وليلة حتى دخولك مجال الإدارة ما لازم يكون عن قرار فوري الأمر بدو تروي ومراجعة ناس عندهم خبرة بهالشي ومهما كان وضع النادي ولو كان بالدرجة الثالثة لما الانسان بيعمل بإخلاص وبيقول يا رب ما بيضل شي اسمو مستحيل .
وسواء دخلت الانتخابات أم لم تدخل لك مني أكبر تحية وبالتوفيق ولا تنسى إنو الانسان مهما كانت وظيفته وموقعو سواء داخل النادي أو خارجه قادر إنو يساعد ناديه .
وبانتظار اليوم اللي نشوف فيه إدارة شابة مثقفة واعية في نادينا الحبيب .