واحد يئلعلي عيني ويفرجيني جمهور مثالي

[ابو البحر]

يا شباب بربي هالشي يلي عم ينكتب عن حطين او عن اي فريق سوري ويلومو جمهورو مو معئول
يعني بربكم ما حاسين انو العالم عم تحكي شي وتسوي شي تاني
بدي افهم شغلة ليش وقت بينحكى عن جمهور الناس بتقول انو بعض المندسين ( قديمة بدي وحدة جديدة تقنعني )
طيب عطوني مثال عن جمهور ما بيعمل مشاكل او ما بيغار على فريقو؟؟؟؟
يا شباب والله قمة المسخرة وقت عم نئرى مواضيع عم بتقول انو جمهور حطين مو هيك وجمهور حطين اخلاق وذوق خلص حاج مثاليات
طول عمرو جمهورنا هيك وطول عمرو اي جمهور بالعالم متل جمهورنا
ويلي ما بيعرف جمهور حطين بذكرو بمباراة نهائي كأس السيد الرئيس مع نادي الوحدة بدمشق عام 1991 يلي خسرنا فيها بأربعة اهداف شو صار بعد اللعبة ببداية حرق العلم حتى تكسير النادي
والحبل عالجرار
طيب ليش ما بتذكرو اسباب هيجان الجمهور
من وقت ما كان عدنان بوظو موجود حطين محارب ومتعرض لظلم كبير ال شو لازم نطول بالناطيب على عيني لايمت يعني حطين بطل من زمان بس يا خسارة هيك بدو الاتحاد الرياضي او مجمع الحرامية كما يحلو لي ان اسميه
الواسطة بسوريا ما زال لها مفعولها ومن هنا حتى بداية الدوري القادم اترككم لتبحثو عن واسطة قوية تجعل من نادينا بطل رغم انف الجميع
للتذكير ان جمهور الكرامة تعرض لاحداث شغب بالكويت فهل نسيتم ذلك؟؟؟؟؟؟؟؟

[حسن مكيس]

والله ابو البحر في شغلة انو الجمهور القديم يمكن كان يعلق مع جمهور تاني يكسر بالنادي يكسر بالملعب يمكن يضرب لعيبتو بس في شغلة بحياتون ما قربو على املاك خاصة بعدين نسبة الاولاد كترانة كتير والكبار غايبين عن الملعب وقرفانين ومن قبل كانت العالم اغلبيتا بتعرف بعضا يعني بتروح على الملعب بتعرف شي عشرين واحد من الي قاعدين حواليك اما هلئ ضايعة الطاسة.
انا معك مافي جمهور مثالي مثقف واعي وكامل بس بيضل في شي اسمو غريزة القطيع وما فينا ننكرا وفعلا كام واحد بيشعلو مية والمية بتشعل الف
وبتاريخ جميع الاندية حوادث يندى لها الجبين مو بس عنا .
منقدر نقول انو النفسيات نفسها ما تغيرت بس يمكن كان زمان في شوية احترام واذا واحد كبير عيط على ولد بيسكت الولد وبيطرق راسو بالارض بس هلئ بيسبو و بيسب عيلة عيلتو .
انا شفت الي حاولو يطحشو على منصة الكرامة أكبر واحد فيون يمكن مابيطلع بال 18 سنة وكل شوي بيركضوا بجهة و مشيوا بالطريق وبلشوا تصور حاويات الزبالة ما نفدت منون .
وكنا انا ورفيقي ضلينا لآخر اللعبة وطلعنا ووصلنا وما حدا زعجنا ولا سمعنا كلمة من شرطي .
حطين باعوك الحبايب

[أبو هشام الحطيني]

سلام أخوي أبو البحر و أخوي أبو خالد

أنا بخالفكون الرأي شوي صغيرة

بالنسبة للجمهور زمان (يعني ما من زمان كتير من 15 سنة و جاية) لما كن نروح عالملعب على شوفة عيني 90 بالمية من الجمهور من طلاب المدارس و الجامعات و الاساتذة و المعلمين و حتى دكاترة بالجامعة و الأكابر من العالم و الناس و قلّة قليلة جدا" من الأولاد و القاصرين اللي كانو بيجو مع أهاليهم (يا زلمة ز كان في كتير نسوان بيجو خصوصا" أيام الكرنفالات) ان كان من جمهور حطين أو تشرين و قسما" بالله لما كان واحد يسب من الجمهور كان يطلعلو ألف واحد يسكتوه و مع هيك أكلنا أكتر من 10 عقوبات جمهور
أنا حضرت مباراة الكأس مع الوحدة و بحب أكدلك صحيح انو جمهورنا كان طايش حجرو خصوصا" أنو فريقنا كان وقتها حديث العهد بالدرجة الأولى و مبارايت الكأس و بقللك السبب الأكبر لحدوث هالاحداث كان وجود (الله يرحمو عدنان بوظو) و طريقة تعامل جمهور الوحدة (بالمسخرة مع فريقنا و جمهورنا)

لكن بالوقت الحالي أو من خمس ست سنين و جاية روح عالملعب مين بتشوف بالجمهور
أكتر من 80 بالمية أولاد و تلا ترباعون أولاد شوارع للأسف و الشي الملاحظ بهالايام تدني الأخلاق بشكل خطير بين هالاولاد يعني على ايامنا كان الواحد اذا سمع مسبة بالشارع بيستغرب أما هلق بتلاقي مجموعة من الاولاد ما بعيطو لبعض الا يا ابن الكذا و و امك كذا و اختك كذا هيك من دون مشاكل بيكونو عم يمزحو مع بعض

الجمهور الواعي اللي كان يروح عالملعب كان يروح لينبسط والله العظيم كنا نحس حالنا متل جمهور اوروبي نجي بس لنشجع اذا ربحنا انبسطنا و اذا خسرنا بتلاقي الكل عم يحلل و يفسر اسباب الخسارة ما متل هالايام الجمهور ما بيعرف الا المسبات و لهيك حتى انا بطلت احضر مبارايات لهاسبب

لازم الجمهور المثقف يرجع لحتى يزيد الوعي بالملعب و تتنامى الروح الرياضية لحتى الواحد اذا راح عالملعب ينبسط بالاجواء الرائعة بغض النظر عن النتيجة

[نديم منلا]

أخوي أبو هشام إنت قلتها بسبب هالناس اللي صارت تحضر المباريات بطلوا معظم الناس المثقفين يروحو للملعب لأنو الواحد عم يروح ليشجع ونبسط عم يرجع مسموم بدنو هادا إذا ما علق مع حدا ورجع عالمشفى بدل بيتو .
والله مشكلة عويصة و ما بظن تنحل قبل ما يتغير هالجيل الحالي من رواد الملاعب ..

[InVaDeR]

مداخلة سريعة اخوّي رح خبرك جواب الاتّحاد الرياضي:
عندك جمهور الشرطة كتير ملتزم و ما بعمرك بسمع بمشاكل لجماهير هل فريق فوق هيك عندك جماهير كتيرة متل شرطة حلب و المحافظة و كل هل أندية ذات الجماهيريّة الواسعة الشاسعة و سلامة عينك

[الآغا]

اخي ابو البحر

كلامك على العين والراس


شو رايك انو انا الي كذا لعبة متابع جماعة شغلتهم السب والشتم


وبيقعدو على يمين الصور على الزاوية تقريبا


رح خبر عنهم الجهات المسؤولة بالتعاون مع حفظ النظام و رابطة مشجعي حطين


يعني المهم الحكي في منه شي من الصح


وكلامك الباقي كلو على العين والراس وصحيح مليون بالمية




شكرا لاهتمامكم


عشتم وعاش حطين رغم انف الجميع

[BaTiGoAl]

اخي ابو البحر كلامك ما عليه غبار وما في جمهور منزل
لو في جمهور منزل ما كانت صارت احداث ليفربول ويوفنتس بالشامبيونز ليغ ((في اعرق من هيك ناديين بالعالم)) وقتها مات مدري كم واحد من جمهور اليوفي نتيجة الشباكات .... بين الجمهورين ودفع تمنها نادي لفربول الحرمان مدري كم سنة من مشاركة هالبطولة احداث كتيرة كتيرة ما عاد ازكر بس بكل المناطق
ارجنتين -برازيل-امريكا الجنوبية اوروبا حتى في شغب ملاعب
فنحن وجمهورنا وجمهور الكرامة ولا الكل مانو جمهور منزل ومثالي عاملو الشخص لشخصه يعني اذا واحد كرماوي ضربني بحجرة بقول كل جمهور كرامة ما كويس؟؟ بجوز واحد كرماوي تاني يسعفني ...
وينجيني من الموت وقتا شو بقول!!!!
خلص بقا خلونا نطلع من هالاراء المتحجرة ونحكي الواقع الي النا واللي علينا

[عاشق اليونايتد]

سلامة عينك يا ابو البحر

الله يقلع عيونهم وعيون غيرهن ولا يصرلك شي

[ahmad_hutteen]

أرسل أصلا بواسطة arablek

مداخلة سريعة اخوّي رح خبرك جواب الاتّحاد الرياضي:
عندك جمهور الشرطة كتير ملتزم و ما بعمرك بسمع بمشاكل لجماهير هل فريق فوق هيك عندك جماهير كتيرة متل شرطة حلب و المحافظة و كل هل أندية ذات الجماهيريّة الواسعة الشاسعة و سلامة عينك

اخوي اي جمهور انت عما تحكي اصلا فريق الشرطة من اقل الاندية ذات الحضور الجماهيري حتى انها في بعض المباريات لا يتجاوز عدد الجمهور المئة

[ramo777]

أخوي كلامك صح لأني أناشخصيابحتار وين بدي أقعد بمحل مافيه ولاد ومسبات

[basharo13]

كلامك صحيح بس كمان جمهورنا غريب بس هيك اتحاد رياضي وهيك حكام بتخلي ايمام الجامع يسب ويعمل مشاكل

[Poet de Roma]

اخي الكريم ... عندما تكاد تنفجر حنجرتي في المعلب .. عندما أبكي دماً على حبي الأزلي .. عندما أنفجر غضباً من حكـــم بائس ... فليس هنالك سوى الشتيمة

نعم وبكل صراحة ..( انا ممن يشتمون ) وافتخر .. لان الاتحاد الرياضي بشكل عام .. يستحق الشتيمة وكل العبارات اللئيمة ...

عندما ننظر إلى فريق الكرامة مثلاًَ ... ( مع احترامي ) تجد بأنه فريق جميل .. وقد رفع اسم سوريا عالياً في الميادين الاسيوية .. وجعلنا كلنا صفاً واحداً .. نشجعه ونفرح له ونحزن له .. ولكن!!!!!!

اتحاد الكرة .. يريد ان يجعل من الكرامة .. الفريق الذي لا يهزم .. (بالغصب بالقوة ) لا يهم .. المهم انه يجب على المباراة ان تنتهي لمصلحة الكرامة

فترى الحكم تارة .. وترى الكاراتيه اخرى .. وترى الشتائم من جمهور الكرامة ( المتحضر) على حسب قول البعض

ولكن مامن حسيب ولا رقيب

امثلة وامثلة لا تعد ولا تحصى .. ونبقى نحن الضحية .. ونبقى نحن كبش الفداء .. ( معليش كرمال عيون الكرامة .. تكرم مرج عيون ) !!!!

[the-boss15]

أخوي سلامة عينك
ما في شي أسمو جمهور مثالي
لأنو ما كل أصابيعك متل بعضها يعني شوفة عينك بتشوف بين جمهورنا الفهمان و اللي ما بيعرف الطابه من الجبسه
حتى يا صديقي في عالم بتشوفها بالملعب بتفكرها جايه بس لحتى تسب و تكفر ما مشان لا تتابع لا حطين ولا من يحزنون

[فاروق ابن البحر]

اخوي ابو البحر سلامة عينك اول شي
تاني شي شكلا الشغلة فاقعة معك كتير بدي منك تهدي حالك والا رح اضطر للتعامل معك بشكل حضاري
وتالت شي اخوي مباراة حطين مع الوحدة كانت عام 1993 اقتضى التنويه هههههههههههههههه

وشكرا

[LIVERPOOL 22]

الف سلامة للغالي ابو البحر وانشاء الله بتكون اخر المصائب