الكابتن بشار ...............

[abo arab]

صراحة حابب اطرح عليكن فكرة للمناقشة
بما انو الكابتن بشار من ابناء النادي وقلبو على النادي
والكل بيشهد على قدرتو التدريبة الممتازة ونجاحو فيها
وهو بيعرف فريق الشباب وبيعرف مين خرج يطلعو على الرجال
فلو استلم الكابتن بشار تدريب فريق الرجال من بداية الموسم اكيد رح يحقق مع النادي مركز ممتاز

[الامواج]

والله انابوافقك بها الفكرة

[tarek 7]

عنجد هي فكرة ممتازة للأسباب التالية:

بشار ابن النادي و بيعرف الشاردة و الواردة(فهمتوا قصدي)
بشار منضبط و الجميع يهابوا و هو قائد بالفطرة
يستطيع تهيئة فريق رجال واعد (ركز على واعد) و مهم في المستقبل
تعليق على كلمة واعد ..
( واعد تعني ..غير مطلوب منها اي نتيجة بااسنتين التالييتين المطلوب الأحتكاك و تجربة اللاعبين الصغار و وضعهم في ظروف الدوري من ضغط لعب متتالية ..)
بشار محبوب و معروف ايضا من الداعمين للنادي و هذا شي جدا ايجابي (لمعرفة الداعمين الى اين تذهب اموالهم

صبر المشجعين عليه و عدم و عدم و عدم التدخل على الأطلاق و لوا ب اتفه الأشياء

و بهل الطريقة اضمن لكم المنافسة على دوري الدرجة الأولى في عام 2009 2010- على ابعد تقدير

شكرا

[أبو هشام الحطيني]

أنا ضد هالفكرة من الأول و لهلق

الكابتن بشار بيمثل أمل حطين بالمستقبل و عملية المجازفة فيه (وهو لسا بأول طريقو التدريبي) ممكن تعطي نتائج عكسية عليه شخصيا" خصوصا" بالوضع الراهن للنادي

أما عملة نجاحو الرائع مع فريق الشباب ما بيعني انو ممكن يصير نفس الشي مع الرجال كون الدوري أصعب و بيحتاج لأمور ادارية و فنية و تكتيكية عاليه كو الفرق أكثر خبرة

خللو الطبخة تستوي على مهلها و خلى الكابتن أبو كنان يقرر بنفسو مستقبلو الشخصي على صعيد التدريب

[ahmad_hutteen]

انا ضد هي الفكرة لسببين
1- معروف مشاكل الكابتن بشار مع عمار ياسين المستمرة واكيد عمار ياسين مارح يتقبل فكرة انو واحد يدربو وهو كان عما يلعب معو
2- لسه كابتن بشار بيحتاج اكثر خبرة في المجال التدريبي واعتقد ان مركزه الحالي مدرب الشباب ممتاز

[tarek 7]

يعني برأيك اني من شان لاعب واحد بالفريق منلغي اهميه وجود مدرب ناجح بيعمل على اني يغير موقع حطين بالدوري
بعدين انت نيسيان اني في 21 لاعب غير عمار ياسين بالملعب !

لازم تنظر للموضوع بأحترافية اكتر و ليس بالعلاقات الشخصية
شكرا

[فاروق ابن البحر]

شباب في شي مهم بيمنع الكابتن بشار من استلام فريق الرجال على ما اعتقد وبتمنى من يلي عندو المعلومة الصحيحة يصحح اجابتي عالموضوع وهي : انو الكابتن بشار يمكن لازم يكون حائز على شهادة تدريب معينة مشان يقدر يدرب فريق رجال بالدوري وهو لسى ما حاز على هي الشهادة على حد علمي

[abu kamal]

أخوي مافي لا خلاف بين الكابتن بشار والكابتن عمار ولا شي
الشباب رفقة وحباب وكل يوم تقريباً مع بعض
ياشباب رجاءاً مابدنا حكي لمجرد الحكي

أرسل أصلا بواسطة boss

انا ضد هي الفكرة لسببين
1- معروف مشاكل الكابتن بشار مع عمار ياسين المستمرة واكيد عمار ياسين مارح يتقبل فكرة انو واحد يدربو وهو كان عما يلعب معو
2- لسه كابتن بشار بيحتاج اكثر خبرة في المجال التدريبي واعتقد ان مركزه الحالي مدرب الشباب ممتاز

[بحر حطين]

و الله العظيم ما بعرف ؟؟ يعني ما بدي أعرف من شو بيشكي الكابتن عدنان هذا الشخص الذي أنقذ الفريق الغريق و أحبه جميع اللاعبين و أعطوا نتائج تعتبر جيدة بالنسبة للظروف و يعمل لمصلحة النادي من كل قلبه و يستجيب معه اللاعبين علما أنه ما حلق لواحد على الصفر ! فليش الحكي بتغيير المدرب ؟؟

[BaTiGoAl]

والله يمكن بتفق معك اخي بحر حطين باللي قلته
لكن في اخطاء تكتيكية الاستاذ عدنان بس برفعله القبعة باول بدايته مع الفريق كانت خطوة رائعة وقدم مبارايات وتشكيلة ولا اروع لكن من وجهة نظري اخطأ بمباراتين ...
بس برهن انو شخصيته قوية وقيادية و بعتقد اذا انوجد حدى جنبو كمساعد مدرب ايضا ما بيمنع .....
اخي انا صراحة اريد الكابتن بشار أن يكمل مع فريق الشباب حصرا لانو لسى الشباب بدها متابعة لموسم تنين عالاقل لحتى نضمن جيل شباب ممتاز بكل معنى الكلمة قادر على المنافسة وردف فريق حطين الرجال منهن
بس كمان بشرط
انو يكون في فريق الرجال مدربين بنفس مستوى فريق الشباب وافضل.... مشان يبقى اللاعب عمستواه او يرتفع ما انو ينزل مستواه متل ما عم نشوف حاليا !

[أبو بشير الحطيني]

اي ولله مظبوط

[الامير totti]

تم تعيين مدرب حالي للفريق وهو الكابتن عماد دحبور ..

نتمنى التوفيق له في المهمة الجديدة ... والتوفيق للحوت ان شاء الله