(اليأس و الملل) لسان حال لاعبو الحوت

[أبو هشام الحطيني]

أنا بس بدّي حط حالي محل لاعبين الحوت

قاعدين لا شغلة و لا مشغلة

لا تدريب و لا عقود و لا مدرب و لا ادارة ولا بطّيخ مبسمر

لو كنت بمحل واحد من هالمساكين كنت قضّيت وقتي بالقهاوي و لعب الشدة و يمكن كنت فكرت بالسفر بالبحر أو عالخليج بشي عقد عمل

الله يلهمهم الصبر و طولة البال الطويلة كتيييير كتيييير عسى و لعل يجي هداك اليوم المنشود بالفرج

اللعب للحوت كان بالزمانات حلم كبير لكل لاعب بس هلق صار للأسف نقمة

و ما بئى بدنا حل

لأنو اللي بياكل مية ضربة سيف بجسمو ما رح يحس بضربات زيادة

العمى والله شي بيشلّ


لا حول و لا قوة إلا بالله



عليه العوض و منو العوض

[فتى المتوسط]

والله أنا ما بلوم الادارة بس بلوم كل حطيني لا يريد الخير لحطين لأنو من لما طلعت تشكيلة الادارة من شي اسبوعين والى ساعة كتابة هذه السطور المحاولات مستمرة لعرقلة تشكيلها فكيف اذا بدأت عملها.......واتخذت قرار لا يعجب هؤلاء المعارضون..........يمكن يصير انقلاب مسلح عليها .أو يتم اغتيال أعضائها............حاسس حالي بشي دولة لا أمان فيها وليس في نادي رياضي

[أبو هشام الحطيني]

ما هون المشكلة

المشكلة بنفسية اللاعبين

الادارات بتروح و بتجي و الضرب ما بيطال الا اللعيبة و مستقبلهم الرياضي و المادي

و اللي بإيديهم الحل ما عم يبادرو للإنقاذ

حتى وصلت لقناعة انو مطلوب يصير هيك بالحوت

[فهد الطليعة]

والله العظيم يا ابو هشام كلامك نظامي 100 بلمية يعني لما بتشوف اللعيبة
كل الاندية عم تتهافت عليهون وادارة ناديهون ما هون بضوج
لازم جمهور اللادقية كلوا يتحرك

[أبو هشام الحطيني]

و الله بيحس الواحد انو ما إلو لزمة

الناس كلها عم تركض ورا مصلحتها و لاعبينا شايفين و حاسسين و عم يجيهم عروض

بقى شو الحل