:: الاحداث تتوالى ... الاحد موعد وصول الموافقة على الادارة الحالية::

[Kh@led]

يبدو انه حكم على نادي حطين الشقاء مدى الحياة .. فبعد ورود نبأ عدم الموافقة على الادارة التي عينت لقيادة النادي .. واتجاه نحو الانتخابات ... هاهو اليوم السيد سيف الدين سلمان رئيس الفرع الرياضي باللادقية يؤكد انه الادارة لم يتم رفضها .. وانما مازال هناك عدم موافقة من العضو المسؤول عن الرياضة في القيادة القطرية السيدة شهناز فاكوش .. و من المتوقع ان تصل هذه الموافقة يوم الاحد المقبل ..

[الآغا]

عيب والله عيب

[الآغا]

بس هيك احسن من الانتخابات كيف ما كانت الطريقة

[SALAHDIN]

والله العظيم إحتاروا من وين بدهم يدبحونا

---------------------------------------------

على كل حال إن شاء الله توصل الموافقة ولازم كلنا نوقف مع السيد سليم سبع الليل

[tarek 7]

سوف نظل نهاجم الأدارة حتى تحقيق الأفضل ل كرتنا الحطينية و سوف نظل نطالب بالمزيد و المزيد من العمل على رفع مستوى نادينا من الذي هو عليه
لا بأس من المطالبة و دفعهم بطريقة احترافية للقيام بأعمالهم على اكمل وجه و ألا لم يوضعوا من اجل الجلوس في النادي و التنظير و الكلام و القيام بالاجتماعات الغير مجدية
اذا لم يعوا اهمية الوجود في مواقعهم الحالية و احساس بالمسوؤلية يجب التنحي و اتاحة الفرصة لأشخاص اخرين ..
مللنا من الهزائم المعنوية نريد انادي حطين ان يصنف ب مستوى الافضل بالدوري ...

[Saeedoo]

هههههه ...والله شر البلية ما يضحك

بعتقد أخر شي حترسى عالطرة والنقشة

طرة = انتخابات

نقشة = الموافقة على الإدارة


ويا حظنا

[فتى المتوسط]

رجعنا على المتوقع والما متوقع ..............وياريت السيدة شاهيناز فاكوش ما تتأخر بالموافقة على الادارة لأنها وجوه شابة تستحق قيادة حطين..............أما سعادة العضو طارق 7 فأي ادارة تتمنى مهاجمتها ..........ما لازم يتوافق عليها لحتى تتهاجم؟؟؟؟؟؟؟؟؟؟؟؟؟؟؟؟؟؟؟؟؟؟

[نديم منلا]

بالله عليكم اللجنة الي بدها تقرر مستقبل حطين وادارته الجديدة أعضاء هاللجنة بيعرفو الكرة من الجبسة ?? فيهم واحد عمل تمرين رياضي طول حياته ??

قسما بالله شي بيجيب الجلطة . و يمين بالله ما رح تتقدم الرياضة عندنا ولا بعد 100 سنة . فالج لا تعالج والله العظيم شي مخجل وضع الرياضة عندنا .

أنا بحكي عن حطين لكل أصدقائي هون وصرلي 3 أيام عم حاول فهمهم شو يعني أنو نادي طويل عريض ناطر موافقة لتباشر ادارته بالقيام بمهماتها ما عم أعرف كيف بتنشرح هالقصة .

[ehab]

بدون تعليق

[فاروق ابن البحر]

و الله متل ما قال نديم هدول يلي عم ياخدوا هالقرارات بيعرفو اصلا شو يعني رياضة ؟؟؟؟؟؟؟؟
بعدين شو ناطرين يوافقوا ولا ما يوفقوا خلص ياخدوا قرار يتحفونا فيه يا انتخابات يا موافقة على هي الادارة

[مهرتوو]

لك اخ والله ملينا وما عد عرفنا راسنا من اجرينا اي حرام تخلونا نرتاح والله عيب

[بحر حطين]

ما كتير بوافقك أخ خالد على الجملة التي وردت في بداية خبرك بأنه ( كتب على حطين الشقاء ) لسبب أنه إذا مشي الحال يوم الأحد و وصلت الموافقة فهذا تمام و أمر جيد و يعني أن الإدارة أصبحت جاهزة و بصراحة أي إدارة بدها تجي غير هذه الإدارة التي تنتظر الموافقة لن تكون إدارة ناجحة باعتبار عناصرها عملوا على طق البراغي حتى وصولوا ... و هذا ليس لمصلحة النادي فلذلك أخ خالد أعتبر أنا أن خبرك يبعث للتفاؤل و ليس للتشاؤم

[حسون الحطيني]

الله يجيب يللي في الخير
والله ملينا

[ليفربول22]

شو علينا ناطررررررررررررررررررررررررررررررررررررررين لتوقع السيدة شهناز

[ابو بشار الحطيني]

والله احترنا !!!!!!!!!!!!!!!!!!!!لماذا هذا التخبط؟؟؟؟؟؟؟؟؟؟؟؟؟؟؟؟؟؟؟؟

[بشير حطين ياروح]

والله حرام هني ما بتهمهم مصلحة الحوت

[abu kamal]

بكرا الأحد بأجلو للتنين
والتنين بقولوا للدراسة وبعدين مابوافقوا عالإدارة
والتلاتا بيرجعو بغيرو رأيون
وهيك منضل كل يوم بيوموا
ليبلش الدوري
ويالله باي باي سلامات حطين

[أبو هشام الحطيني]

القيادة الرياضية بكل أسف أعلنت افلاسها

[نديم منلا]

إذا فعلا الإدارة بتريد مصلحة النادي بتباشر مهمتها بإدارة النادي بدون انتظار ورقة من الشام .

على الأقل يحضروا الفريق للموسم الجديد قبل ما توقع الفاس بالراس ويبدأ الدوري ونحن لسه ناطرين موافقة ..

[bayaa rena]

أرسل أصلا بواسطة nedimmolla

إذا فعلا الإدارة بتريد مصلحة النادي بتباشر مهمتها بإدارة النادي بدون انتظار ورقة من الشام .

على الأقل يحضروا الفريق للموسم الجديد قبل ما توقع الفاس بالراس ويبدأ الدوري ونحن لسه ناطرين موافقة ..

اي شو بدك اياهن يدفعوا مال وعملة على الفاضي هيك ناس بيحطو التسعة لياخدو العشرين