اقتباس:
|
أرسل أصلا بواسطة توتي حطين النادي هاد اللي يمكن مو عادجبك هيدا نادي حطين ... اللي فيه كتير منا بيعتبر هالنادي افضل نادي بالعالم ... بس لانو بيحمل اسم حطين واللون الازرق بيغطيه ... عارف الاغا اللذي تتجاهل معرفته... باستطاعتك أن تسأل أي انسان في سورية يفهم بألف باء كرة القدم السورية ... اعتقد وانا واثق انه سيضيع وقتا طويلاً في وصفه ... والندوات ممكن اي انسان يملك مقدرة عقلية معينة أن يقوم فيها لاي وجهة او سبب سواء اكانت هذه الوجهة تربوية أو علمية تخصصية في كرة القدم عارف الاغا منذ ان مارس كرة القدم كان وما زال ينتمي لبيتنا الحطيني الكبير .... الذي بمقدوره ان يستوعب شريحة كبيرة من الناس ... وهو ان احترف فهذا لا يثبت انه قلع الثوب الحطيني الاصيل الذي تربى عليه سنين طول . لا أحد منّا انكر أو سينكر فضل اي لاعب ... في الدفاع ورفع اسم حطين عاليا .. حطين الذي رباهم وعلهمهم وآواهم لسنوات طويلة ..... ونحن نتذكرهم في المناسبات الكثيرة التي تمر علينا ... لكن ربما انت أخي الكريم لم تستطع أن تقرأ سوى موضوع عارف الاغا .. لماذا لم تقرأ تعليقات الاخوة الاعضاء وتمنياتهم بالخير لهشام عابدين في احترافه الجديد في الاردن ..وقبله السيد بيازيد ..ومروان سيدة ..وقبلهم عارف الاغا ..وقبله سليم جبلاوي ... لكن قراءتك اقتصرت على شيء مبهم نستطيع قراءة ما بين السطور ... اعلم اخي الكريم أنك عندما تكون حطيني من الصعب جداً ان تنتهي حطينيتك ... |
اخي ا لكريم اول شي ماحدا فينو يزايد على حدا بمحبة النادي عذرا منك ولكن انا كمان واحد من الناس الي شايفين نادي حطين افضل نادي بالدنيا ليس لبطولاته الكثيرة الي بخزائن النادي ولكن فقط لانني تربيت على حب هذا النادي وبس ولكن كان قصدي بهالكلمة انو كان في مشاكل لازم تنحل بالنادي وهي اهم من ندوة تصير بالنادي وكان ممكن تنعمل ندوة اهم يتناقش فيها وضع النادي واذا انا غلطان بهالحكي انا جاهز لاي نقد .
وتاني شي انا واحد من الناس الي كان الهم متعة مشاهدة عارف الاغا من يوم ماكان بالشباب وفريقو اخد البطولة وقبلو كان الي شرف متابعة فريق الشباب الي كمان اخد البطولة مع عمار عوض وبسام الفرخ وكمان كنت تابع بشار سرور ومجموعتو بالشباب وكما كان الي شرف حضور تقريبا كل مباريات حطين بالدرجة التانية والاولى ولجميع الفئات كمان يعني انا بعرف تماما مين هو عارف الاغا وبعرف تماما شو بيعني نادي حطين على الاقل بالنسبة لألي انا ياسيدي عارف الاغا ما بينكر موهبتو الا كل حاقد وجحود وما بيعرف الطابة من الجبسة متل اذا بدك الدكتور الجبان
اخي الكريم انا متل كتير من الناس فرحت لما قرات بالمنتدى انو عارف ممكن يرجع عالنادي بس كمان قرات وبنفس النتدى انو عارف بدو يدرس عرض نادي تشرين اول شي وبعدين عرض نادي حطين (بدون تعليق) وبالنسبة الي انا بفضل مين ما بيلعب لنادي حطين سواء من ابناء النادي او من الوافدين عالنادي الي بيغارو عالفريق وكلنا بنتذكر تشوبا اديش حبو الجمهور وليش حبوه وكيف اثبت حالو رغم محاربة الكثيرين لتشوبا .
اخي الكريم انا بشجع نادي حطين وبس وما بشجع اي لاعب ما لابس ازرق وابيض ومكتوب على كنزتو اسم حطين انا انتمائي وحبي ووفائي لنادي حطين بجميع العابو وفئاتو وانا شخصيا ما بفضل اي لاعب سابقا وغير سابق لنادي حطين على اصغر لاعب بالنادي وكمان انا حابب قول شي( من الصعب انو تنتهي حطينيتك )انا بصراحة هيدي ما فهمتها منك بس انا بقلك اذا كنت حطيني من الصعب انو تغير حطينيتك حتى لو بدك تموت .
مع احترامي الشديد الك ولكل حطيني غيور عالنادي وعالفريق انا شخصيا بحترم افكارك كتير وموضوعاتك كتير حلوة ولكن الاختلاف بالرأي لايفسد للود قضية وانشالله الخير كل الخير لكل حطيني ولنادي حطين
24/07/07, 07 :15 07:15:56 PM
النمط الخطي
