مشهد مقتبس من أفلام هوليوود

[نديم منلا]

هذه القصة مقتبسة عن الأفلام الأمريكية التي تتحدث عن طائرة يموت أو يصاب طيارها فيقوم شاب شجاع وجريء وبواسطة اللاسلكي بالتحدث مع برج المراقبة في المطار و إتمام عملية الهبوط بالطائرة رغم عدم مقدرته على قيادة حتى دراجة هوائية ..

الحادثة تقع في باص بولمان يتجه من اللاذقية إلى دمشق .


- ألو .. ألو .. لو سمحت عم اتصل فيك من باص شركة ...... الرحلة رقم 315 اللاذقية - دمشق .
الشوفير شرب سيجارة مضروبة بالاستراحة وهلأ هو نايم غفيان ورا الدركيسيون ..

: ألو .. ابني هدي أعصابك واعطيني معاون السائق لحاكيه ..

- المعاون ما مبين .. ما بالباص هو .. شو رح ساوي ???

: طيب يا ابني .. لا تخاف .. رح ننقذكم بس لا ترتبك ..
أول شي شيل الشوفير من مقعد السائق واقعد محلو ..

- بس إذا شلتوا من محلوا رح يوقع عالأرض لأنو فاقد الوعي ..

: يوقع الله لا يقيمو .. مين قلو يشرب سم هاري بالاستراحة ?? لازم تقعد محلو إنت ..

- طيب هلأ قعدت .. شو لازم ساوي ??

: امسك الدركيسيون .

- امسكتو .. يهوووووو والله باينتها شغلة حلوة هالسواقة .

: يا ابني خليك معي .. لا تنسى مصير 40 شخص بإيدك إنت هلأ . خليك جدي شوي ..

- طيب .

: هلأ قدامك في لوحات وعدادات كتيرة .. بأكبر شي بيناتون شو مكتوب .

- من غدر البشر عشقت السفر .

: لك لأ يا ابني قصدي بأكبر عداد شو مكتوب ?? عداد السرعة يعني ..

- مكتوب صفر .. رح نموت يعني ??

: كيف يعني صفر ?? هلأ الباص ماشي ولا واقف ?? فهمني يا غبي .

- واقف ..

: كيف يعني واقف ??

- الباص واقف .. لساتنا بالاستراحة ما مشينا وكل الركاب قاعدين عم يتغدو بالاستراحة .

: إي قوم من ورا الدركيسيون ينعن ... بييييييييب ..بيييب .. يا ابن المجنونة .. بييييييب ..



مترجم ومنقول عن الإيميل .. ومحول لمشهد يلائم البيئة عندنا .

[حسن مكيس]

والله خيلتني حكيم لحتى خلصت قراية
انو منوين هالحضارة عنا وفي اتصال لاسلكي او سلكي حتى بين الباصات واداراتها
بعدين السائقين تعين الشركات ملتزمين نوعا ما عنا بسوريا وما سمعت من قبل هيك شي
بس لما خلصت قراية شفت الفكرة حلوة الله يعطيك العافية على الترجمة والنقل والاسقاط

[نديم منلا]

أخوي أبو خالد إنشالله تكون عجبتك القصة ..
بالنسبة للاتصال صارت شغلة بسيطة .
بشوف من كرت الباص رقم الشركة وبحاكيهم من موبايل الشوفير .
( باعتبار لسه عندنا استعمال الموبايل ما ممنوع بالباصات وكل وسائط النقل ) .
وإذا بتذكر كان رامبو يرمي 5 سهام بضربة وحدة ويقتل فيهم 20 فييتنامي فما صعبة عليهم يلفقوا المشهد ويطلع مع واحد أطرش بالطيارة جهاز إيبود وفيه ميزة لاسلكي 36_1_21[1].* 36_1_21[1].* ..

[Rana]

[align=center]

أرسل أصلا بواسطة nedimmolla

أخوي أبو خالد إنشالله تكون عجبتك القصة ..
بالنسبة للاتصال صارت شغلة بسيطة .
بشوف من كرت الباص رقم الشركة وبحاكيهم من موبايل الشوفير .
( باعتبار لسه عندنا استعمال الموبايل ما ممنوع بالباصات وكل وسائط النقل ) .
وإذا بتذكر كان رامبو يرمي 5 سهام بضربة وحدة ويقتل فيهم 20 فييتنامي فما صعبة عليهم يلفقوا المشهد ويطلع مع واحد أطرش بالطيارة جهاز إيبود وفيه ميزة لاسلكي 36_1_21[1].* 36_1_21[1].* ..

عجبتني كتير وخصوصا موبايل الشوفير.......... [/align]

[أبو هشام الحطيني]

حللللللللللللللللللللللللللللللللللوووووووووووووووووووووووووووة

هههههههههههههههههههههههههههههههههههههههههههههههههههههههههههع