( من شو خايفين ) لايمت هالحركات

[maher43]

[align=center]السلام عليكم شباب
عندي تساؤل صغير بس :
انا نزلت من كام يوم موضوع عن جمهور نادي حطين وتصرفات الجمهور بالملعب واللي عم يصير وبعتقد ما حكيت شي غلط ابدا وحكيت هالحكي منشان النادي يلاقي حل لهالجمهور اللي اغلبوا اولاد منشان ما نضل ناكلها عقوبات وانتوا بتعرفوا شو عانينا من العقوبات هديك السنة ولو ما كان عندنا مدير معوا مصاري لكنا اتبهدلنا
المهم : انا حكيت كل شي بمنتهى الصراحة و الصدق وما حكيت كلام من عندي ابدا كلوا واقعي وملموس وحكيتوا بمنتدانا الحطيني فبدل ما ننقاش الموضوع قاموا شياي ادارة الموقع بحذف الموضوع ولا كانوا كان غير مبالين بالموضوع من اساسوا
وكاني عم احكي عن حالي ولا عن شي بيخوف يا جماعة انا حكيت عن شي مهم وهو جمهورنا وبعتقد كل واحد منكم بروح الملعب بشوف هالتصرفات من اولاد الشوارع اللي بيجوا وبيفضوا نقصهم الاجتماعي بالملعب وبالشرطة و بالحكم وباللعيبة وبلعيبتنا وبعد اللعبة بخربوا العشب والحكي الفاضي
فشو المشكلة بنقاش هيك موضوع مهم مو احسن ما نضل نكتب ونكتب شغلات مستقبلية و اقتراحات ما عم تتحقق ابدا ..... عم نحكي عن شي عم نشوفوا مو حكيت شي غلط فليش تم حذف الموضوع ما بعرف؟؟؟؟؟
معقول لانو دخل احد الاعضاء وهاجمني وهددني واتهمني باني تشرين ...عفوا يهودي؟؟؟؟
مع اني ما حكيت شي معوا كل شي حكيتوا انو انا بعتقد حالي من لما ولدت بعرف نادي حطين واتدربت بنادي حطين وعشت ايام رائعة هنيك
طيب معقول لانو صرنا نخاف من بعض اعضاء الادارة لانو متل ما بعرف كل شخص بالنادي ئلوا الشخص اللي يوصلوا المعلومات ؟؟؟؟؟؟؟
وبعد تفكير بعتقد انو السبب هو لانو بنخاف من الحقيقة وبنخاف نحكي اللي عم يصير بس مين منخاف هون السؤال؟؟؟؟؟
بعتقد هالموضوع رح يكون مصيروا الحذف لانو فعلا نحنا اشخاص منخاف من انفسنا ومنخاف من غيرنا لهيك عمروا نادينا ما رح يتطور ابدا بوجود ناس تتغلغل في النادي وتعمل على احداث المشاكل وتهرب من الحقيقية
فبالله عليكم ليش هيك عم يصير بنادينا وليش لهون وصلنا وليش وليش وليش؟؟؟؟؟
بتمنى ما ينحذف الموضوع لانو بدي اعرف الحقائق حذف المواضيع والخيار والفقوس اللي عم يصير بالنادي وبالمنتدى والشللية المتبعة اللي شوي شوي عم تبعد بعض الاعضاء عن الكتابة هون متل ما صار معي
وبتمنى عدم المهاجمة لانو ما بعتقد حالي كتبت شي غلط كتبت الواقع وبتمنى نكون اقوياء للمواجهة وشكرا ئلكم [/align]

[مهند شاويش]

أخي ماهر الغالي روق وماتعطي موضوع الحذف لموضوعك اكبرمن حجمو والقصةمانها قصة خوف ابدا
وحقك تمام تبدي رأيك شو ما كان ؟
الشباب ما خايفين من حدا بس المتدى عم يكون شماعة لفشل البعض وشو مكا صار بقولوا منتدى حطين هاجمنا المهم موضوع جمهورنا معك حق في وانا حملت الادارة الدور الكامل في ورح يبقى رأيي هيك
ادارة حطين هي مسؤولة عن تعييين الرابطة وشلة الحشاشة والسكيرة وقطاعين الطرق منطلب من ادارة حطين ما نشوفن بالرابطة نقطة انتهى

[فتى المتوسط]

أتمنى من الادارة توضيح موقفها من حذف الموضوع ..........لأني أؤيد 100% ماذكره الاخ ماهر في موضوعه المحذوف

[SALAHDIN]

أول شي الموضوع تسكر لأنه تحول لمشاحنات بين الأعضاء وبينك وعلى أثرها أرسلت حضرتك فايروس لأحد الأعضاء لأني ما عجبك رده
بالإضافة لأني موضوعك أغلق بموقع كووورة أيضاً يعني هي ما بس وجهة نظرنا
تاني شي طريقة طرح الموضوع "المغلق" ماصحيحة مع إحترامي إلك فالأشخاص الذين تكلمت عنهم بهذه الطريقة هم أناس مثلنا , وكان من الأجدى لو طرحت الموضوع بطريقة أخرى هدفها الحل وليس هدفها السخرية والإستكبار من إحدى فئات المجتمع
بالنهاية نحن بعصر الإحتراف و إذا ما عجبك جمهور حطين بإمكانك الإحتراف مع جمهور أخر

[La Balena]

بالفعل كلام ماهر الحبيب صحيح مية بالمية


بس ماهر الظاهر نسي بموضوعو يذكر جماهير حطين (المرتزقة) يلي جايين على الملعب بس مشان يسبو ويشيلو ويحطو وماهنن جايين يشجعو الفريق الغالي على قلوب الحطينية


واكبر دليل مباراة الكرامة وحطين بإياب الدور ربع النهائي يومها بزلو سب برئيس النادي السيد سليم سبع الليل وعلى شو مابعرف

[hutteenvalencia]

بس فعلا هناك طبقة من المجتمع الواحد بيأرف يروح على الملعب بسبب وجودن فيه ودائما بتلاقي ناس غير مريحين وبتخاف تجلس بوجودن وماهمن غير التخريب والمشاكل وحكيون المسبات والمسخرة

[Saeedoo]

[align=center]أخي ماهر
والله كلامك صح وكلنا منعرفو عن جمهور حطين ومشاكلو
بس الموضوع قد ما انحكى فيه ملينا منو وصار متل نشر الغسيل الوسخ قدام العالم ...
ما تأخذني عالتعبير بس هاد الواقع
والنقطة اللي بدي ألفت نظرك إلها أنو الفئة اللي حكيت عنها بكل تأكيد ما موجودة بالمنتدى عنا
يعني اللي بيضرب حجر وبيكسر وبيسب أخت وأم اللعيبة ...أكيد ما بيعرف يفتح صفحة أنترنت
فشو الفائدة أنك تخاطبهم وتبهدلهم عن طريق الانترنت ...!!
ليش مثلا" ما تطرح الموضوع بطريقة أخرى ....يعني تشوف حلول لهالمشكلة المستعصية واللي هية مشكلة كل جمهور سوريا
أي حتى جمهور الكرامة شفنا أكتر مرة عميشتم ويضرب حجار عالحكم بلعب الدوري واللعب الأسيوية..
أنت طرحت الموضوع بطريقة تسليط الضوء على الأزمة وتضخيمها ...ونسيت الشي الأهم واللي هو حلها..!!
والموضوع لا خوف ولا مجاملة لحدا ولا شي من اللي قلتو ومتل ماقلك صلاح حتى بمنتدى كوورة انحذف موضوعك نفسو من أحد المشرفين حتى قبل ما أنا شوفو والله على ما أقول شهيد ...
و تقبل تحياتي أخي ماهر[/align]

[BaTiGoAl]

حبيبي بوس....
من طريقة كلامك انت عم تبين انو نحن عم نحذف مواضيع عالرايح والجاي ومن دون مبرر رجاء رجاء
تحط الاسباب اللي حذفتلك موضوع او خفت او عدلت على موضوع من مواضيعك
وانا متاكد ما حدى من المشرفين مني انا وجر لحد المدير خالد ما بيتمنى ينطرح موضوع بمنتدى حطين .... اللي الكل عم يسعى ليصير نشيط بشكل موضوعي وحلو وبصيغة كلام بعيدة عن المشاحنات والتوترات....
غريب كيف بتفكرو....
رجاءء اي حدى عندو اي استفسار عن اي موضوع انخفى او انحذف يكتب يا اخي يسالنا والله ما فيا فلق عالسؤال؟!!!!!

[Kh@led]

بتمنى من يلي عم يتمسخر .. يوقف مسخرة.. احسن ما يلاقي حالو

مطرود

[maher43]

[align=center]

أرسل أصلا بواسطة Saeedoo

[align=center]أخي ماهر
والله كلامك صح وكلنا منعرفو عن جمهور حطين ومشاكلو
بس الموضوع قد ما انحكى فيه ملينا منو وصار متل نشر الغسيل الوسخ قدام العالم ...
ما تأخذني عالتعبير بس هاد الواقع
والنقطة اللي بدي ألفت نظرك إلها أنو الفئة اللي حكيت عنها بكل تأكيد ما موجودة بالمنتدى عنا
يعني اللي بيضرب حجر وبيكسر وبيسب أخت وأم اللعيبة ...أكيد ما بيعرف يفتح صفحة أنترنت
فشو الفائدة أنك تخاطبهم وتبهدلهم عن طريق الانترنت ...!!
ليش مثلا" ما تطرح الموضوع بطريقة أخرى ....يعني تشوف حلول لهالمشكلة المستعصية واللي هية مشكلة كل جمهور سوريا
أي حتى جمهور الكرامة شفنا أكتر مرة عميشتم ويضرب حجار عالحكم بلعب الدوري واللعب الأسيوية..
أنت طرحت الموضوع بطريقة تسليط الضوء على الأزمة وتضخيمها ...ونسيت الشي الأهم واللي هو حلها..!!
والموضوع لا خوف ولا مجاملة لحدا ولا شي من اللي قلتو ومتل ماقلك صلاح حتى بمنتدى كوورة انحذف موضوعك نفسو من أحد المشرفين حتى قبل ما أنا شوفو والله على ما أقول شهيد ...
و تقبل تحياتي أخي ماهر[/align]

مشكور اخي ابو وليد الغالي المرور دخولك بس صدقني والله العظيم صار وضع ما بينسكت عليه والله ما عاد جاية على بالي روح على الملعب من هالحركات لك نحنا رايحين نتسلى مو رايحين ننسب وناكل ضرب ويخرب عشب ملعبنا اللي مكلف كتير من قبل مجموعة من الطائشين
انا معكم انو يمكن كبرت الموضوع بس من بعد ما رحت على اخر لعبة لحطين حلفت يمين انو نزل موضوع نحكي فيها عن هالاطفال والمشكلجية اللي بيفوتوا الملعب بس منشان المشاكل
بعدين يا اخي انت غلطان في ناس تعمل مشاكل تشوفها بالمنتدى وتحكي عن هالموضوع انو صح وهي منت المخربين ما دخل المشكلجي بالمثقف كلوا صار متل بعضوا بالملعب انا عم شوف ناس جاامعات عم يسبوا ويحكوا
انا بحكي هون لانو في ناس واصلين للنادي وجوات النادي فينهم يلاقوا حل بتنظيم الدخول للملعب يعني اللي بيقفوا على الباب بيخلوا الشخص ومعوا ولد شافوا بالشارع يدخل لجوا
انا اكتر من ولد اجى لعندي ما كنت دخلوا معي لانهم اصحاب مشاكل

واكتر ما ئاهرني صراحة رابطة المخربين ....قصدي المشجعين اللي شفتهم عم يسبوا لعيبة النادي الشباب ورئيس النادي وصدقني بلعبة الكرامة وحطين بالكاس واحد منهم هو اللي حرض الجمهور انو يسب النادي واولاد النادي فما حرام هادا يكون واحد من الرابطة او يدخل ملعب بحياتوا
يا شباب لازم نلاقي حل ما لازم نجامل ابدا
ومشكورين على تقبلكم ئلي[/align]

[maher43]

[align=center]

أرسل أصلا بواسطة Kh@led

بتمنى من يلي عم يتمسخر .. يوقف مسخرة.. احسن ما يلاقي حالو
مطرود

اكيد الحكي مو موجه ئلي ما هيك خااااااااالد ؟؟؟؟
لانو انا صراحة ما عم اتمسخر على اي شي انا عم احكي وهاجم شلة جمهور حطين المشاغبين واللي لازم يمنعوا من دخول الملعب
بعدين كلمة مطرووود والله ما حلوة يا خالد يعني عيب ينطرد الواحد كرمال انو عم يحكي وجهة نظروا للنادي اللي حبوا صح ؟؟؟
فمعقول تكون عم توجه الحكي للعضو boss ؟؟؟؟؟؟؟ ممكن[/align]

[Kh@led]

اخوي ماهر اكيد ما الك..

[maher43]

[align=center]على راسي خالد واتاكد انو كل هالمواضيع لمصلحة النادي وليش ضد النادي لانو انا بعيد عن النادي وما جاييني شي موةوا ابدا غير روح على الملعب وشجع النادي اللي بنتمي ئلوا وحبوا
يعني ما ئلي مصلحة ابدا مع اي واحد من النادي حتى اللاعبين اللي بشجعهم بالملعب لما شوفهم برا بعمل حالي ما بعرفهم حتى ما يوصلوا لمرحلة الغرور وخاصة الشباب منهم
فكل هالمواضيع للنادي وبس وللمصلحة العامة وبس[/align]

[ابو جميل]

ياحبيب انا ماهدتك بس انت مابتعرف تحكي انت جملت الكبير والصغير اذا انت حطيني ليش كتبت هيك من الاول على الجمهور وبعدين انت بعت فايرورس على الجهاز بس بتمنى منك تلزم حدودك اوكي

[مهند شاويش]

اخوي ابو جميل من اسمك بتخوف
روق يا غالي والخلاف لا يفسد للود قضية روق
اخوك مهند

[maher43]

[align=center]

أرسل أصلا بواسطة ابو جميل

ياحبيب انا ماهدتك بس انت مابتعرف تحكي انت جملت الكبير والصغير اذا انت حطيني ليش كتبت هيك من الاول على الجمهور وبعدين انت بعت فايرورس على الجهاز بس بتمنى منك تلزم حدودك اوكي

اممم يا اخي ابو جميل بحب خبرك انو انا ما قصدت لا الكبير ولا الصغير وانت من الموضوع لازم تفهم على مين عم احكي انا عم احكي على الفئة المشاغبة من الجمهور واكيد انت ما بتعتبر حالك من هالفئة ابدا مع احترامي لئلك بس ليش انحريت عليهم ما بعرف؟؟؟؟؟؟؟
بس انا حكيت مشكلة والواجب منك انك تفهم الموضوع قبل ما تحكي وترد وتهدد وما بعرف شو
يعني نحنا عم نحكي عن المشاكل بالملعب ما رح نحولها لهون لانو انا صراحة بالنسبة ئلي ما مستواي اعمل مشاكل لسبب تافه
انا عم احكي عن شي وانا ملتزم حدودي كتير يا اخي ولحد الان بئلك يا اخي
انا بحكي عن مشكلة ما عجبك الموضوع ما تدخل عليه
بعدين هي انا وهي انت وهي الشباب الله لا يسامح اللي بعتلك فايروس على جهازك او اللي بيعرف يبعتلك فايروس وهالحركات يا اخي قديمة كتير منشان تثير شفقة الاعضاء ويتحولوا معك ما لهون وصلنا
وصراحة انت صدمتني كتير لانو متوقع الكل كانوا يجوا معي ضد الفئة المشاغبة بالملعب لانو نحنا جايين نتفرج على مباراة ما جايين نضرب سكاكين وفواتيش وقنابل متل ما صار بلعبة الكرامة
ما جايي تنهان كرامتنا من الشرطة كرمال كام واحد ازعر محشش
بتمنى انك تفهمني منيح ماشي
ومنشان شغلة الفايروس الله يرضى عليك يا اخي ما تعيدها لهالفكرة لانو صراحة ما بعرف ابعت فايروس يعني بركي كام جهازك قديم شوي وما عندك انتي فايروس واجاك من شي مكان يعني انا بعت رسالة عادية ما بعتت معها لا ملف ولا شي ابدا رسالة بعتقد ما تنقل فايروس معها ما هيك ؟؟؟
مشكور اخي [/align]

[maher43]

[align=center]بعدين في شغلة يعني اذا كنت حطيني لازم جمل بجمهوري ؟؟؟؟؟؟ ولازم اعملوا الجمهور المثالي اي لا ما انا اللي بجامل مجموعة من الزعران المشكلجية حميلة السكاكين ابدا واكيد رح تفكر اني بحكي عن الكل ؟؟؟( اطمن بحكي على البعض من الاولاد والصغار والشباب المعترة اللي جاية تعمل مشاكل )
فينك تئلي شو يعني هادا الشب اللي جاية يشجع فريقوا والنادي اللي بحبوا وبيجلس طول الوقت بسب باللاعب الشاب
اتذكرت محمد فارس ومروان سيدة اديش انسبوا هديك السنة ؟؟؟؟؟؟؟ كانوا شباب وكنا عم نقتلهم بكلامنا
شفت محمد فارس هالسنة شو صار ؟؟
تذكرت مروان سيدة لما كان يروح فرص والجمهور يسبوا فلما حط غوووول صار الجمهور يصفقلوا وصار يبكي وما يرد علينا لحتى عاقبتوا الادارة
هادا مشجع ؟؟؟؟؟ ولا هادا جمهور تفتخر فيه ؟ وبالاخير تتهمني اني تشريني لازم اكتب عن جمهورنا المثالي ووقتها بصير حطيني اصيل وصراحة انا ما ناطر عليك حتى تئلي بعرف احكي ولا لأ انا اللي على لساني بحكيه وماني خايف من حدا لانو النادي ما ئلوا علي شي
الله يسامحك [/align]

[BaTiGoAl]

وقنابل متل ما صار بلعبة الكرامة
ما جايي تنهان كرامتنا من الشرطة كرمال كام واحد ازعر محشش

اخي بس بحب قلك انو اللي عمل كل هالضجة بلعبة الكرامة كان شخص واحد....
هو اللي صار يزت فواتيش...
للاسف انا يمكن بجي معك بصلب الموضوع بس المشكلة ما بتوقف عند الموضوع
المشكلة لازم التوعية بشكل كامل للجماهير وهي قضية مانها سهلة ابدا ....
اصلا بتوقع حتى النادي يصير مثالي والادارة رائعة وتنحل كل المشاكل ... ((فرضا يعني))
بس هالفئة من جمهورنا ما بتصور رح تتغير.... ((مستحيل تنحل من وجهة نظري))

بس هاد ما بيمنع نشتغل على حملات توعية للجمهور
الموضوع طويل ومن وظيفة رابطة المشجعين اللي هي هلق سبب اشعال فتيل الشتائم وقت مباريات حطين!
لازم تصير عضويات محترمة تحمل اسم جماهير حطين وقتها منفكر بطريقة الحل

[maher43]

مشكور اخي باتيغول وهادا هو الاهم انو نوعي جمهورنا وما لازم يسب لعيبتنا الشباب وقت المباريات يعني اذا كانت الرابطة هيك عم تعمل فشو العتب على الغير
على كل لازم نحط مواضيع و لو وصل فينا الامر الى انو عمل بطاقات خاصة للجماهير وما نخلي الاولاد تدخل لانها على كل الاحوال ما عم تستفيد الادارة منها لانو عم تدخل ببلاش وكمان عم يعملوا مشاكل وتحياتي