غاب الغالي

[فتى المتوسط]

غاب الغالي عني وفل..........................القمر عليً ماعاد طل
وقلبي بينده ما بيمل...........................وقت رجوع الغايب حل
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ولما قلبك عني غاب......................... وما عدنا احلى الاحباب
قلبي انهار وحن وداب.......................مش راضي نبقى اغراب
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
رجاع وخلي عيني تسهر....................بعدي بحبك.....ضل تذكر
رجّع عمري..... ورد مزهّر.........................مش قادر اتحمل اكتر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اصحاكي عن قلبي تخبي..................... بعرف انو ظروفك صعبة
ودقتي ببعدي طعم الغربة...............خسرتي وماربحتي هاللعبة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
خلّي قلبك يهدى يروق.....................ومن غرورو يصحى يفوق
وطعم الحب الصافي يدوق...........وهيك بيشبه شمس الشروق
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واذا ما بيرضى بالمكتوب.....................و يتركني لوحدي مغروب
يبعد عني دروب دروب.........................رح يبدى بعمري الغروب
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
رجاع وخلّي عيني تسهر.....................بعدي بحبك....ضل تذكر
رجّع عمري...... ورد مزهّر........................مش قادر اتحمل أكتر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اصحاكي عن قلبي تخبي......................بعرف انو ظروفك صعبة
ودقتي ببعدي طعم الغربة..............خسرتي وما ربحتي هاللعبة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
غير بقلبي مالك بيت...........................وبكرا قولي اني حكيت
مارح ينفعكي الندم...............................لو قلتي....مية ياريت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ردي عليً الفرحة...ابتسمي......من شفافك هالضحكة....نسمة
"بحبك "شو حلوة هالكلمة................لما بعدا.....تقولي اسمي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
رجاع وخلي عيني تسهر........................بعدي بحبك ضل تذكر
رجّع عمري ورد مزهّر..............................مش قادر اتحمل اكتر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اصحاكي عن قلبي تخبي......................بعرف انو ظروفك صعبة
ودقتي ببعدي طعم الغربة.............خسرتي وما ربحتي هاللعبة

[فتى المتوسط]

على أمل أن تنال رضاكم واعجابكم وناطرين رأي المشرف ليقيمها
"حاولت اليوم الخروج عن المألوف في ما اكتب
وكتبت شي فيه شوية اشتياق ولوعة فراق
بعد الرومانسية الواضحة في الاغاني الخمس السابقة"
تحياتي للجميع

[مهرتوو]

اي شو هادا كمان ملك بالكتاباتك والله ياعمي ملك هلق رح دور ع باقي كتاباتك وشوفها

[فتى المتوسط]

خجلتني يا كابتن ماهر
ع راسي يا غالي

[فطوم]

[align=center]رائع وأكثر

مميز وأكثر

يسلموووووووووووووووو هالقلم الى كتب والاحساس الى عبر عن كل شى بكلمات رقيقة

تقبل اعجابى بكلماتك ومرورى على موضوعك

واليك تحيتى[/align]

[فتى المتوسط]

شكراً آنسة(فطوم)
ومجرد مرورك ع الموضوع هو من دواعي سروري
Thank You Very Much

[أبو هشام الحطيني]

شي جميل كتير

و صدئني أحلى من هالاغاني اللي نازلة بالسوق

و انشالله تلاقي حظك قريبا"

[rayana]

fe3lan chi ktir 7elou allah e3tik l3afye a5i w haydi 5arja tetghanna walla yala ched hemtak

[فتى المتوسط]

ريانا وابو هشام
شكراً لكما على الاطراء
وان شاء الله نتوفق بشي تعاون فني مستقبلاً

[فتى المتوسط]

أبو النور كيف كانت المحاولة هالمرة؟؟
تاخرت بتقييمك للقصيدة
ولا رجعتك ع البلد نستك الموقع!!!!
رأيك يهمني جداً جداً
فأنت الاستاذ وانا طالبه
وأي طالب لا ينتظر بلهفة رأي استاذه بما يصنع؟؟
تحياتي لك.....

[Rana]

[align=center]والله على قولتك أحمد... نـــــــــوار نزل البلد..

ومتل ما بيقولو
من لقي أحبابو نسي صحابو..


الله يقويك أحمد... كل شي منك روعة وإنت أثبتت قدراتك وإمكانياتك من أول قصيدة كتبتها..

بس والله عم نستنى لتسمعنا اللحن... لأنك شوقتنا إله كتير..


بالتوفيق مراسلنا الموهوب أحمد...
36_1_11[1 [/align]

[فتى المتوسط]

[glow=66FF00]المشكلة رنا انو ماني دارس الموسيقى
ولا افهم كثيراً في علم النوتات التي توضع كلحن للاغنية
ولكن احاول تأليف اللحن من دون كتابة النوتات بطريقة غريبة
((ما بعرف شو بيسموها الموسيقيين))
بس انا لا اقول عن نفسي ملحن الا عندما ادرس الموسيقى
وشكراً لردك المميز واعجابك بالاغنية.....
تحياتي.........[/glow]

[نوار مالك مجبور]

[align=center][frame="7 80"]اعذرني يا غالي ..........

عجبني هالبيت

كتير كتير كتير كتير كتير

ودقتي ببعدي طعم الغربة.............خسرتي وما ربحتي هاللعبة


محاولة ناجحة بكل معنى الكلمة

ولكن شعرك العامي يجعلني اقرأ القصيدة مرارا وتكرارا

محاولة جميلة جدا

جدا

بتمنى منك تكتب قصيدة بالعامي او الموزون

عن اللادئية

طلبت منك هالطلب

لغاية في نفس يعقوب

وانا واثق انك لح تقدر

خووووووووووود وقتك كلو حتى لو سنة

انت بركة لمنتدانا

بوركت جهودك الجبارة

:::::::::::::::::::::::::::::::::::::::::

أبو النور [/frame][/align]

[فتى المتوسط]

أهيك خلينا نستأنس بكلامك أبو النور الغالي
شكراً ع التثبيت....
وبخصوص طلبك فاعتبره امر يقتضي التنفيذ سأحاول من هون لمنتصف الشهر القادم((موعد توقف نشاطي الالكتروني على المنتدى وكل الانترنت بسبب البكالوريا)) أكتبلك غنية عن اللادقية...
وان شاء الله رح تكون بعد غنيتين قادمتين الاولى بعنوان
((بعشقك انا))...
والثانية تحمل عنوان
((رجّع غرامك))..
مع حبي.......