::باداء باهت , تعادل باهت مع الوحدة ::

[Kh@led]

في ختام مبارياته الاستعدادية ضمن المعسكر الذي يقيمه الفريق في مدينة القنيطرة تعادل حطين مع الوحدة الدمشقي سلبا , بعد مباراة من درجة الوسط , انحصر اللعب معظم المباراة في منتصف الملعب , كما اظهرت المباراة ضعف الخط الهجومي للفريقين ,و خاصة بعد ان ظهر اللاعب الروماني بمستوى مخيب للامال .
عموما التعب ظهر واضحا على اداء الفريق , بسبب الحمل التدريبي العالي و المباريات التجريبية اليومية , ولكن ظهر جليا ضعف مستوى بعض اللاعبين , و ظهورهم بمستوى اقل من مستوى لاعبي الدرجة الاولى , كما اظهر المعكسر حاجة الفريق الى عدد لاباس به من اللاعبين المحليين , و سيترك الامر للمدرب, اما اعتماده على لاعبي الشباب بالفريق و العمل على تطويرهم , وهذا يحتاج وقت كبير , او الاستعانة بلاعبين من خارج المحافظة و هذا يحتاج مصروف كبير , كما ظهر اللاعب عبدالله عودة بمستوى جيد , وهو يلعب بمركز( جناح ايسر ).

مثل الفريق : علي شعبان , احمد ابو الريف , عمار ياسين , احمد ديب , عبدالله عودة , علي حسونة , ياسر عكرة , هشام عابدين , ياسر عكرة , مروان سيدة , مهاجم روماني .

و اشترك كبديل كل من : علي طه , صبحي عقول , السيد بيازيد , علاء ارناؤوط , محمد فياض , احمد حاج محمد (طرد بعد دخوله ب عشر دقائق ) , نزار الخطيب .

يذكر ان المعسكر قد انتهى هذا اليوم , و قافلة الفريق عادت بسلامة الى اللاذقية.

[abu kamal]

كل الشكر الك خلود الغالي
واليوم حكيت نقطة كتير مهمة هي اللي كنا عم نحاول نحكي علي
اللعيبة الشباب ماخرج يعتمد عليون لعدة أسباب أهمها المستوى بس مارح يطلعوا برا النادي لأ راح يضلوا يدربوا لنهاية الذهاب ليتجربوا مرة تانية غذا كان مستواهم تحسن واستفادوا وتعلموا من فترة التدريب رح يكون دعم قوي للفريق
وبالنسبة لنقطة خالد انو في لعيبة مستواها أقل فحسب اللي عندي راح يتم استبعاد عدد لابأس به من اللاعبين والقائمة كاملة تبعيت الفريق اللي راح يدخل الدوري راح تكون الأربعا أو الخميس هون للشباب طبعاً القائمة تشمل فقط اللاعبين أولاد النادي

[ابو البحر]

[align=center]بكل صراحة يا شباب حسب ما عم ائري عم شوف انو الفريق ما بيطمن ابدا وعم حاول انو ضل بعيد شوي عن جو الفريق يلي ناطر متل ما تفضلت ابو كمال الغالي لائحة بالاسماء يلي بدنا ندخل الدوري فيها
انا من ناحيتي مافيني غير انو قول الله يوفق الحوت وان شاء الله بينتصر على كل هالمصاعب يلي عم تعترض طريقو
بالنسبة لبداية الدوري يا ريت نعرف قديش باقي ليبلش الدوري ومشكورين شباب على جهودكم [/align]

[hutteen my love]

أقولها وبصراحة تامة وبحسب رأيي الشخصي أن معظم لاعبينا الشبان الذي تم ترفيعهم لايستحقون أن يكونوا في صفوف الفريق الأول والسبب أن مستواهم بعيد جدا عن مستوى دوري الرجال وبأعتقادي أنه من الممكن أن يفيدنا عبدالله جمعة وخليل حموي ويوسف كركوتي فقط
أما الباقين لاينفعون
ونحن بحاجة الى ظهيرين ورأس حربة فقط
هذا كل مانحتاجه

أما بالنسبة للاعبان نزار الخطيب وبلال صاري فمكانهم الأحتياط فاذا أرادو التوقيع بهذه الشروط وبدون مقدم عقد وبراتب شهري فقط فأهلا وسهلا بهم أما غير ذلك فهو غير مقبول.

[BaTiGoAl]

شباب معلشي سؤال انا بتفق معكن انو الشباب ممكن ما يكون عندهن الخبرة الكافية ... ليكونو اللاعب رقم واحد بالملعب.......
بس وين الشباب بتشكيلتنا مع الوحدة !!!
عقولة خالد متل ما حط التشكيلة .... مع التبديلات ما في الا4 شباب تجربو طبعا لعبو معنا سابقا ...
احمد حج محمد احمد ابو الريف احمد ديب وعلاء ارناؤوط وباقي التشكيلة
لاعبين منتدبين
صبحي عقول- عبد الله عودة
جل التشكيلة من اللاعبين اصحاب الخبرة ..... فالاداء الباهت لا يجب أن يسمى على فريق الشبان
لانو :
سيد بيازيد-نزار الخطيب-عمار ياسين- علي طه- صبحي عقول-عبد الله عوده-هشام عابدين الخخ...
هاد جيل الرجال.....
عكل اتمنى انو بالنهاية حطين ييرجع لمكانو ... وما عندي غير هالكلام حاليا لانو ما بدي اظلم المدرب عماد بالكلام وانا لسى ما شفت شي
بس أتمنى الخير ...
والتفاؤل بالشباب اكتر من هيك.....

[hutteen my love]

أرسل أصلا بواسطة BaTiGoAl

شباب معلشي سؤال انا بتفق معكن انو الشباب ممكن ما يكون عندهن الخبرة الكافية ... ليكونو اللاعب رقم واحد بالملعب.......
بس وين الشباب بتشكيلتنا مع الوحدة !!!
عقولة خالد متل ما حط التشكيلة .... مع التبديلات ما في الا4 شباب تجربو طبعا لعبو معنا سابقا ...
احمد حج محمد احمد ابو الريف احمد ديب وعلاء ارناؤوط وباقي التشكيلة
لاعبين منتدبين
صبحي عقول- عبد الله عودة
جل التشكيلة من اللاعبين اصحاب الخبرة ..... فالاداء الباهت لا يجب أن يسمى على فريق الشبان
لانو :
سيد بيازيد-نزار الخطيب-عمار ياسين- علي طه- صبحي عقول-عبد الله عوده-هشام عابدين الخخ...
هاد جيل الرجال.....
عكل اتمنى انو بالنهاية حطين ييرجع لمكانو ... وما عندي غير هالكلام حاليا لانو ما بدي اظلم المدرب عماد بالكلام وانا لسى ما شفت شي
بس أتمنى الخير ...
والتفاؤل بالشباب اكتر من هيك.....

محمد نحن ماعم نقول انو ماعندون الخبرة بس نحن عم نقصد أنهم مانون لاعبين يعني اللاعب يخلق لاعب موهوب بالفطرة وبالتمارين بصير لاعب سوبر ستار بس للأسف هيدول مانو لاعبين سوبر ستار ولا حتى نص أو ربع ستار

محمد بدي أسألك سؤال أنت دوري الشباب كام لعبة حضرت منو

[LIVERPOOL 22]

شباب انا بدي اسأل خلودة كيف كان مستوى فريق الوحدة هل هو مثلنا او نحن اقل مستوى او اكثر بقليل ولنفترض انها التشكيلة النهائية هل نحن قادرين بمنافسة الفرق الاخرى دعونا نحكم
على الفريق بعد المرحلة الثانية من فترة التحضير وبعدها يمكننا ان نضع بعض النقاط على الحروف..
اما اللاعب الروماني باي باي يعني على البيت....

[ابو البحر]

[align=center]والله يا ابو هيثم من كلام الشباب مبين انو الوضع كتير خطر ولا حظت هالشي بأكثر من موضوع والحلول قليلا وربما نادرة والبدلاء (شاغر ) يعني وبصراحة كأنو الفريق عم يتسكج تسكيج
الله يصبرنا على بلوتنا احسن شي والله يعين الادارة الحالية يلي ما عم تقصر [/align]

[Kh@led]

الوحدة ادائو سيء كمان..لنشوف مرحلة التحضير .=التاني .... و مع ذلك .. ما فينا نحكم قبل مرحلة الذهاب .. كحد ادنى ....

[wahdawi]

أرسل أصلا بواسطة ليفربول22

شباب انا بدي اسأل خلودة كيف كان مستوى فريق الوحدة هل هو مثلنا او نحن اقل مستوى او اكثر بقليل ولنفترض انها التشكيلة النهائية هل نحن قادرين بمنافسة الفرق الاخرى دعونا نحكم
على الفريق بعد المرحلة الثانية من فترة التحضير وبعدها يمكننا ان نضع بعض النقاط على الحروف..
اما اللاعب الروماني باي باي يعني على البيت....

السلام عليكم
والله ياأخي الفريقين و للأسف الشديد مابيسروا و إذا بقوا هيك بالدوري راح يتعبوا كتير
و تعليقات منتدى الوحداوية بالنسبة للوحدة متل تعليقاتكم تمام بالنسبة للحوت
الله ييسر أمور الفريقين أحسن الشي ":"016

[BaTiGoAl]

أرسل أصلا بواسطة hutteen my love

محمد نحن ماعم نقول انو ماعندون الخبرة بس نحن عم نقصد أنهم مانون لاعبين يعني اللاعب يخلق لاعب موهوب بالفطرة وبالتمارين بصير لاعب سوبر ستار بس للأسف هيدول مانو لاعبين سوبر ستار ولا حتى نص أو ربع ستار
محمد بدي أسألك سؤال أنت دوري الشباب كام لعبة حضرت منو

حضرت 3 لعب وبصراحة المباريات تختلف فنيا بشكل كبير عن دوري الرجال انا ما بنكر هالكلام
بالاضافة بحب ضيف انو ارضية الملعب كانت بالمدينة شي مذري تختلف عن ارضية الملعب البلدي.....
لكن ما لازم ننسى انو فريقنا الشباب قدر ياخد وصافة الدوري بعد ست هزائم متتالية.....
الشباب مانن سيئين الشباب كان ينقصهن العمل والجدية وبعد ما اجى ابو كنان شوف شو صار....

--------
اللاعبين حاليا في حالة بناء ...
انا بختلف معك الراييي بتقييم اللاعبين بها العمر بتعرف ليش؟؟؟
اول سبب اللاعبين بمواليد 1990لسى بحالة نمو جسماني فممكن اللاعب ينقلب كتير بها العمر ومن الممكن ينمي موهبته بشكل كويس في حال تم الاشراف عليه بشكل متميز وان شالله ابو كنان ما عم يقصر
شوف محمد فارس كيف كان ... وشوف محمد فارس هلق
بعتبرو افضل لاعب حاليا بالفريق واكتر لاعب بحبو هلق بكل صراحة ........ فانا بتوقع
يكون فيه كتير لاعبين عنا بالفريق متل محمد فارس ان شالله بس هن بحاجة لينزلو عالملعب ولينمو جسمن وياخدو الخبرة الكاملة...
ابو كمال بعض الاحيان منحتاج للمغامرة متل ما عم نغامر هلق بلاعبين مع احترامي لئلهن ...صعب يلعبو تسعين دقيقة كاملة لانو العمر اله حقو......


بالنهاية انا ما بتمنى الا انو حطين يرجع متل قبل ياسس فريق نقدر نعتمد عليه المواسم القادمة وبتصور الموسم الماضي كان في هيك شي لانو بحمد رب العالمين انو جربنا احمد ديب وحج محمد وسليم خضرة ... وابو الريف لانو لو ما جربناهن كنا هلق بورطة كبيرة..... بكل معنى الكلمة
ولسى لازم نجرب الباقي من نفس عمرهن....

[حمودة الحطيني]

أرسل أصلا بواسطة Kh@led

الوحدة ادائو سيء كمان..لنشوف مرحلة التحضير .=التاني .... و مع ذلك .. ما فينا نحكم قبل مرحلة الذهاب .. كحد ادنى ....

يعني الذهاب مناكلها كلها ..... و منجي اخر الشي عم نشحد نقطة و نقطتين ...




ابو عدنان

[abu kamal]

لك أنا ولله مابعرف هلأ
حمودة حبيبي حكيك شوي بناقد حالو بدون زعل
هلأ اول شي اللعيبة والديدون 88 تاني شي مالأنو بشار استلم الفريق بس لو واحد غيرو صدقني 8 مابيخلصو أنا تقريباً حضرت كل لعبون وكل تمارينون وبعرف شو إمكانياتون وحضرتون ع الرول مع فرق الشباب وحضرتون ع المدينة وكانوا ياسيدي ع المدينة أحسن
في نقطة ماحدا بيعرفا ياشباب الفريق كان ينزل ع الملعب وقت كانوا شباب وكانو يلعبوا بخطة حرفية من أبو كنان وكان يكمل هالشي باللعبة واللي حضر دوري الشباب بيعرف كيف كان يكون الفريق وقت يكون بشار ع الخط وكيف الفريق وقت اللي بكون بشار قاعد ع مقاعد الاحتياط
انا مابدي قول انو اللعية سيئين ولا بدي دافع عن الفريق الختيارة ع حسب كلامك حمودة لأ
الشباب ممكن يكون في عندون شي بس مانو قد نادي حطين أو حتى قد دوري الشباب
محمد فارس لما طلع ع الرجال كان لاعب وكان مميز كتير بس لعب بغير مركزو وجمهورنا ماكان يرحمو مشان هيك ضل سنتين سيء بنظر جمهورنا بس هو كان الو دور كتير كبير وحتى مابس مهورنا كمان كان في لعيبة بالفريق تشتغل في وسأل لعيبة كبار بالنادي ومع ذلك هو رجع وبين رغم كل شي ونحن معروف شو مصير اللاعب عنا إذا بيكرهو جمهورنا ...!!! واسا بتقلي مانو موهوب هيدي شغلة اللعب والموهبة بتجي من الصغر وبتطور مع الكبر و بتنمى وبتنثقل بمرحلة الصعود للرجال ما بدي كون لاعب رجال وبلش اتعلم ألف باء الطابة ومع كل هالشي المدرب ماصغر اللعيبة الشباب بالعكس هو بدو يخليون مع الفريق ويمرون ويعطيون فرصة لنهاية الذهاب ليثبتوا حالون وإذا حدا منون عندو شي راح ينرفعلوا كشف أكيد بعدين


هلأ بجي ع نقطة تانية أنا مابدي دافع عن فريق الرجال ولا بدي ارسم قصور وأنسجة الكل عم يحكي انو الفريق سيء وماعم يقدم مستوى
أول شغلة بدي اول انتوا نسيانين انو اللعب الودية هي لكشف العيوب ورفع مستوى اللاعبين وتكتيك الجماعة بالفريق وتوليف التشكيلة الأمثل وحفظ اللاعبين لبعضهم وتصحيح العيوب هي أولاً

تاني شغلة انتوا نسيانين انو أغلب لعبنا كانت مع فرق درجة تانية ويومياً وفينكون تسألوا أي خبير كروي ع فرق الدرجة التانية وقوتون الجسمانية يعني أي احتكاك ممكن يعرض اللاعب للإصابة وماتنسوا انو نحنا بمرحلة التحضير الأولى وهي ثانياً

تالت شغلة انو عم تحكموا ع أداء الفريق اليوم مع الوحدة وعم تقولوا هل الختايرة ماقدرين يلعبوا تسعين دقيقة طيب معكون خبر أنو أقل واحد فيون لعبان شي 450 دقيقة من اسبوع لهلأ بمعدل 65 دقيقة يومياً ولسا بتقولوي ختايرة ياعالم نحنا الفريق الو من السبت الماضي يومياً للتلاتا الماضي تمرين صباحي 2.30 وتمرين مسائي ساعتين ومن التلاتا لليوم تمرين صباحي ساعتين ونص ولعبة والختايرة أغلبون يشارك كل لعبة شوط ونص بقا ع أي أساس عم تحكموا عليون وهي ثالثاً وأخيراً وليس أخراً

الله يخليكون ياشباب نحنا حكينا ميتين ألف مرة نحنا من حقنا ننقد بس يكون النقد بناء مابدنا نشلح حكي والسلام لأنو بالنهاية نحنا الخسرانين

القصة كلا متل ماحكا أبو كمال الفريق بحاجة لباغ شمال ومهاجم وصانع ألعاب إن وجد وخلص يعني وهيك بكون في شي 21 23 لاعب وحاجة وبكفي مع بقية الشباب برأيي البسيط بكفي وزيادة من خلال الانتقالات اللي صارت بسوريا وبعد ماضل لعيبة بسوريا مابقا عنا غير اللاعب الأجنبي بهل الفريق اللي ماعاجب حدا قادرين نكون ع القليلة بين أول 6 أو ع القليلة مانتهدد متل أخر 5 سنين وهادا برأيي يعد خطوة أولى بظل الظروف اللي مرت واللي عصفت بالنادي واللي لو عطف الله كانت شالتو للنادي من جذورو نحنا متل ماحكا خالد مافينا نحكي ع الفريق لبعد مرحلة الذهاب أو ع الأقل لبعد أول 6 لعب لأني وسط اللي عم يصير واللي ممكن يصير شو ماعم حطين حالياً هالسنة هو انجاز


بعدين ياأخي بتمنى لما بدنا نحكي نتذكر دائماً انو نحنا عم نحكي عه حطين اللي منحبو واللي منعشقوا
والكل بيعرف انو نحنا مامنسكت ع الفريق وقت اللي منشوف الغلط



عنجد صايرة مملة الدخلة ع المنتدى ع كتر الكلام اللي عم يصير فا
حاسس انو العالم عم تحكي الريال أو مدري مين مع انو حطين بنظري أحسن منون بس للأسف الكل نسيان شغلة واللي هي
انو اللي انكسر بسبع سنين مستحيل يتصلح أو يترمم بيوم وليلة



والعبرة بالخواتيم

[abu kamal]

حتى انت يا أبو عدنان
لعما إذا انت عم تحكي هيك
سلام ياعمي أحسن شي

[abu kamal]

ولكي لا نظلم أحد بالنسبة لموضوع العبدو هون أنا معكون بكلامكم لأني أكيد ممكن نستفيد منو لطلال

[أبو هشام الحطيني]

لاعبي الشباب ما منقدر نستفيد منون دفعة و حدة
و ما فينا نعتمد على لاعب الشباب ليلعب موسم كامل أو حتى نص موسم أو حتى نعتمد عليه كأساسي

ممكن اللاعب الشبا يظهر و لو لعب 15 دئيئة بالشوط التاني و لعبة ورا لعبة اذا اثبت جدارتو ممكن ساعتا نعتمد عليه

أما انو نعتمد على فريق الشباب هيم ما بالتدريج بحياة عمرنا ما منوصل لنتيجة

و بالنسبة لكل الحكي على الفريق و مستواه الحالي

بحب ذكر كل المنتقدين أنو يا جماعة مستوى الفريق في السنوات الخمسة الماضية كان شي بيهوّي على الآخر و جايين هلق بعد كل اللي صار بالنادي و المشاكل الفظيعة و تأخير العقود و لهلق لسا ما في تشكيلة ثابتة تحكمو عليها

ما تزعلو مني
بس انتقادون بعيد نهائيا" عن العقلانية و بيدل على ثقافة ضحلة و سطحيّة

و هيدا هو الشارع الحطيني بمعظمو و انتو ما كتير بعيدين عنو للأسف

[nedved juve11]

يعطيك العافة خالد عالتقرير .....
انا شايف انو الفريق مابطمن ابدا يعني معليش خط الهجوم في ضعف واضح ولازمنا لاعبين بهالمركز واحد اساسي وواحد إحتياط...........
وصحي الفرق اللي كنا عم نلعب معا بالمعسكر ماكشفت عن نقطة الضعف الواضحة فينا وهي الباغين .... عنا ضعف كبير بالشمال واليمين ... ولازم يجيبوا لاعبين من جوا سورية ليشغلوا هالمركز...
والمحترفين لهلق مارسينا على بر الروماني قالوا عنه فلتة طلع عادي ومستواه سيىء
لازم نتحرك اكتر من هيك لسه مشان التعاقدات لهلق ماجبنا لاعب متل العالم غير الشعبان...
والله يعطيكم العافة أبو كمال وخالد على تعبكم بالموقع

[فتى المتوسط]

قلتها سابقاً الاختلاف بالرأي لا يفسد للود قضية
نعم هنالك شبان مستواهون كتير متواضع وبدون شغل يعني النادي مارح يتركون رح يتمرنو ع شكل فريق رديف
يعني الواقعية مطلوبة شبابنا ان راحو وان اجو ما رح يكونو متل شباب الكرامة اللي انصبر عليه قبل 5 سنين
ولسا بدهون موسم بفريق الشباب
ونحن بحاجة الى مجموعة أربع خمس لاعبين من برا النادي لحتى تقدر تدخل الدوري وما تتبهدل
يعني كمان ما حدا رح يتحمل البهدلة اللي رح ناكلها بعد كل خسارة
أبو كمال أنا معك انو في معنا شباب للاسف لاينظرون الا الى النصف الفارغ من الكأس...
وحاكمون التشاؤم من لما خلص الموسم الماضي...ليش ما بعرف
ومتل ما قلت أخطاء ال 7 سنين الماضية لاتتصلح بغمضة عين
ولن ننجح في الاعتماد على ولاد النادي بشكل كامل الا اذا أصلحنا فرق قواعدنا...
1+1=2
يعني اللي بصير بالكرامة صعب يصير عنا حالياً

[ahmad_hutteen]

طيب وينو سليم خضرة ليش مالعب

[YOUSEF..MS]

ابو كمال حبيب القلب كلامك صحيح انو الشباب ما خرج نعتمد عليهم بس ما لازم نستغني عنهم بهالطريقة يعني لو المدرب يتركهم لنهاية الدوري وبالاحرى بأخر المباريات اذا بيكون ترتيبنا آمن يشركهم في جميع المباريات وبالاخص اذابيكون المباريات الاخيرة مع فرق قوية منها بيكتسبو الخبرة من هالكام مباراة ووقتها بيحدد مين بدو يضل ومين بدو يستغني عنو واللي بدو يستغني عنو ما لازم ما نتركهم بهالسهولة يعني معقولة لاعب قضى عمرو بالطابة نجي نستغني عنو بهالطريقة عم قول انا انو لو كانت الادارة تعمل فريق رديف وتخصص مدرب خصوصي لالو وتخليه يشارك بمباريات ودية والاعب اللي بيترفع عالرجال بعد نهاية دوري الشباب بيشارك مع فريق الرديف و الا ما يطلع شي لاعب نستفيد منو ويضمو المدرب للرجال ..
الشغلة بدها تعب شوي بس بظن انها تفيدنا بالمواسم الجاية .

ابو كمال ما تاخد مني غير الراي لان الصراحة انا ما بعرف مستوى اللعيبة الشباب ابدا وانت ادرى مني .

اخر الشي الواحد يحكي اللي الو واللي عليه الادارة عم تشتغل الله يعطيهم العافة وما لح الكم غير انو افتحو المواضيع القديمة وشوفو الفرق بين عمل الادارة السابقة والحالية .

والله ولي التوفيق .