الكرامة يودع بطولة آسيا

[أبو هشام الحطيني]

خسر منذ قليل فريق الكرامة في حمص مباراة العودة مع فريق سيونغنام الكوري بنتيجة 2-0 ليخرج من الدور الربع نهائي من بطولة آسيا للأندية الأبطال

هاردلك للكرامة

و نتمنى ان يستخلص الكرامة العبر من هذه المشاركة

[SAHED]

هاردلك للكرامة

[H i c h a m]

فريق قدم خلال سنتين مستوى ممتاز و نتائج تاريخية ..

بتصوري النتيجة عادية و ممن قبولها من بطل كوريا رابع العالم ..

[hutteen my love]

شباب رجاء الالتزام بالأدب تجاه أخوتنا الكرماوية

وهاردلك للكرامة لأنهم رفعو راس سوريا بالعالي

[LIVERPOOL 22]

هاردلك للكرامة وبأعتقادي ان الفريق الكوري عرف كيف يسير المباراة متل ما بدوا وقدر يمص فورة الكرامة وايضاً تخلص من رهبة الجمهور.....

حظاً اوفر بالبطولات القادمة ومازال الطريق طويل امام احراز الالقاب الخارجية والكرامة يبقى كبير...

حيتان سوريا عادوا من جديد....

[عاشق الآغا]

[align=center]هارد لك للكرامة ويالله خيرها بغيرها وبأزن الله هادا الشي بكون فال خير بالنسبة للعبتنا وعلى قبالنا يا غاليين لما منفوزهم ويالله بدنا همتكم بحمص


حطيني أصيل شو ما صار يصير


1 2 3 حطين يا حياتي [/align]

[نتالي]

[align=center]آخر شي كنت بتوقعه نتيجة امبارح انا وأي شخص بحمص

اللي بشوف حمص قبل المباراة وحمص بعد النتيجة بيعرف الحرقة الكبيرة اللي دقناها امبارح

أول مرة خسرنا أحلى تتويج كان المفروض يكون إلنا وهي المرة الختام بكون بخسارتنا

ومع هيك الله يعطين الف عافية وصولنا للوصافة الآسيوية وبيبقى فريق الكرامة كبير

وبذل مجهود لا ينسى بس هيك الله راد والحمد لله على كل شيء ... [/align]

[بشير حطين ياروح]

خيرها بغيرها والفوز التاني على ملعب خالد بن الوليد للحوت الأزرق بأذن الله

[نتالي]

أرسل أصلا بواسطة ehab

اذا سمحتوا انا عمأحكي رايي بمنتدى لنادي حطين بتمنى انو ما ينحذف وبعتقد كلمة بيستاهلوا وانشالله بيتبهدلوا معنا يوم السبت ما فيها قلة ادب ابدا انا ما سبيت الكرامة انا حكيت رايي الشخصي وبتمنى ما ينحذف وانشالله بيتبهدلوا معنا السبت ومبروك للاخوة في في كوريا

[align=center]

الله لا يجعلنا من أهل الشماتة يارب ....لاحول ولاقوة إلا بالله [/align]

[نوار مالك مجبور]

[align=center][frame="7 80"]رفيق أيـــهــاب معروف عني العضو الأكثر تعصبا لحطين

وصلت لدرجة العنصرية من كتر عشقي لهالنادي

بـــــس رفيقنا الغالي

الناس بكوريا

اخوتنا بشو ؟ ؟ ؟

بالعروبة

بالدين

بالوطن

لذلك كلامك غير منطقي

انت و غيرك على راسنا

بس احكي بمنطقية

:::::::::::::::::::::::::::::::::::::::::::::::::

والمقولة الســـورية الشـــهيرة بتقول :

مهما اختلفنا فسوريا توحدنا

ما قالوا مهما اختلفنا كوريا توحدنا ..... ؟ ؟ ؟

:::::::::::::::::::::::::::::::::::::::::::::::::::

أما فريق الكرامة :

فكان عبارة عن فريق مشـــــلول

غير قادر على الحركة

للآســـــــف للآســــف

و مع ذلك نســـور ســـوريا

ابهروا الجميع بما قدموه سابقا

هارد لك ... والسنة الجاية للكرامة إن شـــاء الله

::::::::::::::::::::::::::::::::::::::::::::

أبو النور[/frame][/align]

[ahmad_hutteen]

نهاية الغرور الكرماوي

[مهرتوو]

انا ما بدي غير انون يتعظوو شوي من هل كبريائ يلي اصابون وهاردلك

[ehab]

يا جماعة انا عمأكتب بمنتدى حطين او لا بس حابب اسال يعني هي تالت مرة بكتب رد وبينحذف مع انو ما في شي بردي في اي كلمة قلة ادب انا عبرت عن رايي بكل صراحة انا ما بحب لا نادي الكرامة ولا اي نادي غير حطين وانا عمأكتب بمنتدى لنادي حطين ارجو عدم الحذف مرة اخرى لانني اعبر عن رأيي وبس الا اذا كان هيدا الشي ممنوع بالمنتدى هيك بيكون شي تاني تماما للمرة الالف اقولها

[عاشق الآغا]

لك ولا يهمك يا غالي أنت عالعين والراسو هاد منتدى الحيتان يا غالي وبتعبر عن رئيك يا غالي كيف ما بدك بس المهم ضمن الأدب وأنت أخ عزيز وطول بالك يا غالي ما بدها كل هالشي ومشورين يا حيتااااااااان ويالله انشالله كمان نحن منفوز عليهم بكرا بأزن الله

[ehab]

أرسل أصلا بواسطة عاشق الآغا

لك ولا يهمك يا غالي أنت عالعين والراسو هاد منتدى الحيتان يا غالي وبتعبر عن رئيك يا غالي كيف ما بدك بس المهم ضمن الأدب وأنت أخ عزيز وطول بالك يا غالي ما بدها كل هالشي ومشورين يا حيتااااااااان ويالله انشالله كمان نحن منفوز عليهم بكرا بأزن الله

يا عاشق هي صار تالت مرة بتصير معي ليش يعني انا كلماتي ما فيها قلة ادب ابدا يعني اذا تمنيت الخسارة للكرامي بكون قللت ادب بعدين ما حلوة كل مرة ينقال ضمن حدود الادب شو انا قليل ادب يعني ؟يمكن تقولوا ما بعرف بس انا ما كتبت ولا اي كلمة خارج حدود الادب ومشكور يا عاشق

[أبو هشام الحطيني]

مع اني ما برضى أنو الكرامة يخسر خارجيا"


مع اني بشجع الكرامة متلو متل الاتحاد متل الطليعة متل المجد متل أي فريق سوري يلعب بالخارج لأنو بيرف اسم سوريا


مع اني ضد الاساءات و الكلمات الاستفزازية بالمنتدى


لكن الأخ إيهاب من حقو يحكي رأيو بشكل ديموقراطي اذا كان بيكره فريق الكرامة أو غيرو


و لازم الجميع يحترم رأيو


لكن ضمن حدود الأدب و تحت قوانين المنتدى

[BaTiGoAl]

أرسل أصلا بواسطة ehab

يا جماعة انا عمأكتب بمنتدى حطين او لا بس حابب اسال يعني هي تالت مرة بكتب رد وبينحذف مع انو ما في شي بردي في اي كلمة قلة ادب انا عبرت عن رايي بكل صراحة انا ما بحب لا نادي الكرامة ولا اي نادي غير حطين وانا عمأكتب بمنتدى لنادي حطين ارجو عدم الحذف مرة اخرى لانني اعبر عن رأيي وبس الا اذا كان هيدا الشي ممنوع بالمنتدى هيك بيكون شي تاني تماما للمرة الالف اقولها

لا حول ولا قوة الا بالله
اولا اول رد لئلك ما كان انو ما بتحب الكرامة
كان اكيد ما رح اجبرك على شي انت ما بتحبو وانت حر بها الشي... بس كان ردك غير هيك !
بتمنى الرسالة الخاصة تكون وصلتك بها الموضوع

والموضوع للاغلاق لانو مكرر

الكرامة يودّع البطولة الآسيوية