الكرامة يودّع البطولة الآسيوية

[ابو الليل]

[frame="7 10"]السلام عليكم
[frame="7 10"]سيونغنام الكوري ينهي مشوار الكرامة الأسيوي [/frame]

لقي فريق الكرامة السوري خسارته الأولى على إستاد خالد بن الوليد أمام سيونغنام الكوري الأربعاء 2-0 لينتهي مشوار الكرامة في دوري أبطال آسيا من الدور ربع النهائي .
الفريق الكوري استحق الفوز بعدما لعب على أخطاء الكرامة فيما غاب التركيز على أداء الفريق السوري طيلة مجريات المباراة .
الهدف الأول للفريق الكوري في الدقيقة 9 كان من ضربة حرة نفذها البرازيلي موتا بنجاح ليصعب من مهمة الكرامة .
هذا الهدف المبكر كان له تأثير سلبي على أداء الكرامة فسيطر التسرع على لاعبي الكرامة مما أفقد الهجمات خطورتها .
وظهر اعتماد الكرامة على الكرات المرفوعة جهة سانغو والتي تمكن الدفاع الكوري من إبعادها في أكثر الأحيان .
وفي الدقيقة 35 أضاع الكرامة ركلة جزاء عبر السنغالي سانغو بعدما أعاد الحكم الإماراتي علي حمد الركلة مرتين ، كما أضاع اللاعب نفسه كرة رأسية في الدقيقة 44 .
عموما غياب التركيز والتسرع كان سمة الكرامة في الشوط الأول لينتهي هذا الشوط بتقدم الفريق الكوري بهدف .
مجريات الشوط الثاني شهدت بداية هجومية للكرامة وأطلق سانغو تسديدة قوية في الدقيقة 48 انحرفت عن القائم .
وحاول المدرب محمد قويض تعزيز الهجوم بإدخال البرازيلي لاندرو مكان سانغو ، وفهد عودة بديلا لاياد مندو ومهند ابراهيم مكان فراس اسماعيل ، وفي الدقيقة 61 أتيحت فرصة خطرة للبرازيلي لاندرو من تسديدة لكن الكرة علت المرمى .
من جهته استطاع الفريق الكوري إغلاق المنافذ الهجومية على الكرامة ، والاعتماد على الكرات المرتدة .
وفي الدقيقة 71 أطلق الفريق الكوري رصاصة الرحمة بتسجيله الهدف الثاني ليقضي على آمال الكرامة .
وبهذا الفوز يتأهل الفريق الكوري إلى الدور نصف النهائي لملاقاة اوراوا ريد الياباني .
مثل الكرامة مصعب بلحوس ، فابيو ، بلال عبد الدايم ، أنس الخوجة ، عاطف جنيات ، حسان عباس ، فراس اسماعيل ، جهاد الحسين ، زياد شعبو ، سانغو ، اياد مندو [/frame].



المصدر

[hutteenvalencia]

ياحرام على ضياع هذه الفرصة نتمنى التوفيق للكرامة في البطولة القادمة من دوري أبطال أسيا

[BaTiGoAl]

صرنا قايلين مليون مرة
اي واحد ما عندو كلمة حلوة لاخوتنا بحمص وللكرامة رجاء لا يعطينا رأيو....
اللي بيكتب اي كلمة مش ولا بد تجاه أي نادي تاني غير حطين
الموضوع ما رح يوقف على حذف الرد ..

[أحمد وزان]

أرسل أصلا بواسطة BaTiGoAl

صرنا قايلين مليون مرة
اي واحد ما عندو كلمة حلوة لاخوتنا بحمص وللكرامة رجاء لا يعطينا رأيو....
اللي بيكتب اي كلمة مش ولا بد تجاه أي نادي تاني غير حطين
الموضوع ما رح يوقف على حذف الرد ..

لك أأأأأأأأخ والله شغلة بتوجع الراس يا أبو حميد
لازم تبعت لكل واحد رسالة خاصة تحذروا فيها
طول بالك شو بدك تعمل


سلمات

[أحمد وزان]

بس سؤال فني ليش تسكر موضوع أبو هشام لأنو مكرر مع أنو هاد الموضوع انحط بعد موضوع أبو هشام ب 3 ساعات و نص
يعني موضوع ابو الليل انحط 27/09/07, 03 :33 03:33:19 Am
و موضوع أبو هشام انحط 27/09/07, 12 :04 12:04:44 Am
؟؟؟؟؟؟؟؟؟؟؟؟؟؟؟؟؟؟


سلمات

[InVaDeR]

ودّعتك ما نسيتك أنا..............................

[عاشق الآغا]

[align=center]يا سيدي انشالله خيرها بغيرها وأنا بعتذر على أي شي طلع مني غلط بس بربي ما بعرف كيف حكيت هيك لأني كنت جانن وما تواخذوني والتوفيق للحيتااااااااااااااااااااان مرعبين الكبار والصغار



الحووووووووووووووووووووووت سيبتلع كل أسماك المحيطات[/align]

[BaTiGoAl]

أرسل أصلا بواسطة حطيني-موت

بس سؤال فني ليش تسكر موضوع أبو هشام لأنو مكرر مع أنو هاد الموضوع انحط بعد موضوع أبو هشام ب 3 ساعات و نص
يعني موضوع ابو الليل انحط 27/09/07, 03 :33 03:33:19 Am
و موضوع أبو هشام انحط 27/09/07, 12 :04 12:04:44 Am
؟؟؟؟؟؟؟؟؟؟؟؟؟؟؟؟؟؟
سلمات

ابو حميد الغالي
هالموضوع في تحليل للمباراة موضوع ابو هشام اخد منحى تاني للاسف ... والله يعطيه العافية لابو هشام الحطيني عم يعطينا الخبر مباشرة قبل ما ينحط بأي موقع عالمي
بس هيك القصة لا اكثر ولا اقل

[أبو هشام الحطيني]

أرسل أصلا" بواسطة BaTiGoAl
ابو حميد الغالي
هالموضوع في تحليل للمباراة موضوع ابو هشام اخد منحى تاني للاسف ... والله يعطيه العافية لابو هشام الحطيني عم يعطينا الخبر مباشرة قبل ما ينحط بأي موقع عالمي
بس هيك القصة لا اكثر ولا اقل

ع راصي أخوي حطيني-موت و أخوي باتيغول

ما في مشكلة مين حط الخبر و مين تسكر موضوعو و ما في فرق بيناتنا انشالله لأنو بالنهاية الكل عم يشتغل للموقع

أنا حطيت الخبر مباشرة بعد انتهاء المباراة و ما حطيت أي تحليل منقول من أي موقع تاني ليكون الخبر حطيني 100 بالمية و كان ممكن ينحط 50 تحليل بهالموضوع لكن ممكن للإدارة رأي تاني بالنسبة لنقل المواضيع

المهم بالموضوع انو للأسف فريق الكرامة فشل بالاختبار الآسيوي من الدور الربع نهائي

بس برجع و بقول بتمنى ما بئا حدى نظرلنا على الكرامة أو غيرو من الأندية السورية خصوصا" أنو هلق نحنا بمرحلة تأسيس بداية جديدة لنادينا و لازم يكون التركيز على الحوت و على لاعبينا و نترك المهترات اللي عم تصير حول الكرامة أو غيرو

و هيدا هو المهم

[ذئب روما]

السلام عليكم يا شباب نادي حطين المحترم والكبير والنادي الاخ لنادي الكرامة بكل شيء...

نحن لسنا بصدد العتاب ولكن صدقوني انا ما نفسي انو نتذكر النتيجة المرًة وخاصة بملعب خالد بن الوليد الذي هزمنا بها امام سيونغنام الكوري..
بعد الخسارة صرح المدرب ابو شاكر الذي وانا اقولها انه هو سبب الخسارة الكبيرة والقاسية لنادينا:
التصريح: انا كنت مفكر كيف سنلاقي فريق اوراوا ريد الياباني...
المفهوم من تصريحو انه غير مركز على مباراته الحاليه وايضا التشكيلة التي وضعها نفس التشكيلةالتي وضعها في كوريا ومع هذا نحن نفكر ان مدرب سيونغنام الكوري غبي وطلع اذكى مننا بكتير والغرور اصاب المدرب قبل ان يصيب اللاعبين والجمهور ايضا ونتمنى ان يكون درس يتعلمه المدرب واللاعبين ايضا في مشوار البطولة الاسيويه وليتجه نظر الكرامة الى الدوري السوري وان شاء الله يكون خير خروج الكرامة من البطولة وخاصةً ان مشواره السوري صعب كتير .. وبالتوفيق لحطين بمشواره ايضا ولتكون المباراة القادمة للكرامة وحطين مباراة كبيرة بكل شيء وبالتوفيق...
ــــــــــــــــــــــــــــــــــــــــــ ذئـــــــــب رومــــــــــــــــــــا ــــــــــــــــــــــــــــــــــــــــــــــــــــــــــــــــــــــــــــــ

[ehab]

أرسل أصلا بواسطة BaTiGoAl

صرنا قايلين مليون مرة
اي واحد ما عندو كلمة حلوة لاخوتنا بحمص وللكرامة رجاء لا يعطينا رأيو....
اللي بيكتب اي كلمة مش ولا بد تجاه أي نادي تاني غير حطين
الموضوع ما رح يوقف على حذف الرد ..

اخي الكريم رسالتك انا قريتها بس هيدا منتدى لحتى نكتي فيه ارائنا وافكارنا على ما اعتقد وشغلة تانية انا ما سبست الكرامة ولا اهل حمص وبتصور لو قريت ردي مظبوط كنت شفت انا شو كاتب يعني انا ضمن حدود الادب 100 بال 100 .
اذا حضرتك بتشجع فريق الكرامة انا ما بحب فريق الكرامة وانا بدي عبر عن رايي الي لازم يكون محترم من قبل الجميع لاني ما وجهت اي اساءة لنادي الكرامة ولا لجمهور نادي الكرامة لو سمحت طالما انا ضمن حدود الادب ما بيصير تحكي معي بهالطريقة .
بصراحة انا قريت رسالتك قبل ما افتح هيدا الرابط