صحيح لم نرفع الكأس.....ولكننا خرجنا مرفوعي الرأس

[Saeedoo]

هاردلك للمنتخب الأرجنيني...
كنا الأفضل في الملعب اليوم ..
وخرجنا متعادلين مع المنتخب الألماني صاحب الأرض والجمهور
ولم نخسر إلا بضربات الحظ الترجيحية ...
مع حارس كبير وخبير...وبوجود حارسنا الاحتياطي
والعديد من إشارات الاستفهام على التحكيم ...؟!؟!؟!!؟

ولكن الخطأ الكبير والمذنب الكبير هو بيكرمان الذي أخطأ كثيرا في التشكيلة والتبديلات فاشلة جدا
كان ممكن يحسم النتيجة في الوقت الأصلي
حرام عليك يابيكرمان حرام ...عندك لاعبين ذهبيين تقعدهم على الاحتياط

على كل مبروك للمنتخب الألماني...
ووداعا" للمونديال ...لأنه لم يعد يهمني بشيء

[محمد ديب]

هاردلك للأرجنتين - الفريق الساحر و أوافقك الرأي بان بيكرمان الذي استقال بعد المبارة مباشرة قد أخطأ بالتشكيلة التي بدأت المباراة و لكن الخطأ الأكبر كانت تغيراته التي قتلت الفريق الأرجنتيني و خصوصاً خروج ريكيلمي و جعلت كفة اللعب تميل للفريق الالماني الذي تميز مدربه كلينسمان بتغيراته الموفقة . و يا خسارتك يا أرجنتين و مبروك للماكينات الألمانية التي أسنحقت العبور لدور النصف نهائي .
أبو خالد - مشجع الفريق الألماني

[محمد ديب]

هاردلك للأرجنتين - الفريق الساحر و أوافقك الرأي بان بيكرمان الذي استقال بعد المبارة مباشرة قد أخطأ بالتشكيلة التي بدأت المباراة و لكن الخطأ الأكبر كانت تغيراته التي قتلت الفريق الأرجنتيني و خصوصاً خروج ريكيلمي و جعلت كفة اللعب تميل للفريق الالماني الذي تميز مدربه كلينسمان بتغيراته الموفقة . و يا خسارتك يا أرجنتين و مبروك للماكينات الألمانية التي أسنحقت العبور لدور النصف نهائي .
أبو خالد - مشجع الفريق الألماني

[Khalil]

باي باي مع السلامة أرجنتين

[Khalil]

فعلا انها مباراة تكسير عظام يا سيد سعيدو
بس لمن ؟؟؟؟؟؟؟

[Saeedoo]

حبيبي كانت مباراة مصارعة حرة من الألمان وليست كرة قدم
والله يخليلكم الحكم ...

والله يلعن الفيفا...فرق بتوصل للنهائي بدون ما تلعب مع فريق متل العالم وفرق بدها تقابل كل الفرق الصعبة

الله لايوفقك يا بيكرمان لولا تجحيشك ماكان هاد حالنا هلق

[kuber]

الى اللقاء

[SALAHDIN]

لو لا الغباء تع المدرب لكان الألمان هم من ودعوا المونديال بجدارة

[Digital-Zero]

هلئ ليش حاسس انو المدرب ما جحش
كاني حاسو متآمر مع شي حدا

لك الاجدب بيعرف انو لا عبين متل ريكيلمي وسافيولا وميسي ما بينتركو احتياط
وريكيلمي بالعادة بيلعب كل اللعبة ليش هالمرة ما لعب
وبعدين التبديل الجلطة كان تبديل كريسبو بكروز
اللي ما عمل شي غير انو جلطنا
عكل مبروك للالمان هالفوز اللي ما بيستحقوه ابدا ابدا
وشكرا للحكم على انذار ماكسي بدل من الجزاء
وشكرا لكل مين تآمر لتطلع الارجنتين برا

[أحمدعيد]

والله العظيم حرام
وفعلا انو هالحيوان المدرب تقول بايعها للعبة
يعني شو التفسير انو يطالع ريكولمي بالدقيقة 70 وينزل كمبياسو محلو
وبعدين كأنو هالحمار كروز اول مرة بيشارك بالمونديال طيب ليش نزلوا بهيك لعبة حساسة وشو مشان العالم القاعدة عالخط
انا هلق اقتنغت انو المونديال مافيات ومكاتب مراهنات وليس الا

[Khalil]

بشكر رأيك الغالي
بس بدي أسألك
سمعت التعليقات حبيبي بعد المباراة
وأيمتن طيارتكون عل الأرجنتين

[نوار مالك مجبور]

أرسل أصلا بواسطة Saeedoo

...
كنا الأفضل في الملعب اليوم ..

لم تكونوا ولن تكونوا الأفضل عندما تلعبوا مع الألمان
نعيما يا غالي و مباشرة على بيونس أيريس
نعيما
أبو النور

[Kh@led]

علقت .. رجاء من الجميع .. ينرفع مستوى الحديث ..

[مهند شاويش]

انا بصراحة انقهرت من قلبي على الارجنتين لأنن طلعوا ظلم
الكل شاف وانا كرأي محايد ضربة جزاء سليمة مية بالمية للأرجنتين
بس منقول هاردلك وتبديلات بيكرمان مشكوك وفيها وعلى سيرة المافيات برجع بأكد على موضوع مكاتب المراهنات والشركات التجارية والهدف المرسوم هوة البرازيل المانيا على النهائيبس رح اطلب من الكل يفتح عينو من هلأ على حكم المانيا ايطاليا ورح تشوفو الدليل على كلامي اذا خسرت ايطاليا
لأنو ما رح نخسر الا بظلم تحكيمي
ولا حدا ينسى انو ايطاليا لهلأ من خمس مباريات ما دخل مرماها الا كول واحد ومن خطأ مدافع
خلونا نشوف شو رح يصير؟ وكيف رح يمشي هالفيلم المكسيكي ذو النهاية المعروفة سلفا
كمان انتبهوا على حكم لقاء فرنسا برازيل ما بتخسروا شي

[NARAMoo]

holeee بالفعل يا شباب حرام نخسر هالمباراة بس بقول المدرب ماأخطأ لأنو ريكلمي كان شكلو تعبان كانت مباراة قوية جسديا وسط الميدان ومتل ماشفتو كريسبو ما عمل شي كل ما يمسك الطابة تروح منو حتى ما عرف يرقص حدا او يهرب من الرقابة اللي كانت عليه وكروز جسمو احسن من سافيولا والله الألمان بياكلو اكل لسافيولا شو بدنا نساوي حظنا انو حارسنا أصيب بهالمباراة holeee ومبروك للألمان وبتمنى الطليان يحملو الكأس لأنون محظوظين بهالمونديال وتصبحوا على خير

[abu kamal]

الله يلعنك يابيكرمان ولله أنا بربحا لألمانيا بولاد حارتي أأأأأأأأأأأأأأأخ

[abu kamal]

شباب ياريت الحكي يكون بدون تجريح عنجد اليوم الألمان ساعدهم الحكم كتير يعني
وكفاها بيكرمان

[Saeedoo]

أرسل أصلا بواسطة FC Bayern

بشكر رأيك الغالي
بس بدي أسألك
سمعت التعليقات حبيبي بعد المباراة
وأيمتن طيارتكون عل الأرجنتين

عزيزي أنا شفت كل الأراء وكل الناس المحايدة شو عمتحكي
وهات لنشوف شو رأيك إذا بدك ...!!!
ولا كل أرءك مع السلامة وإيمت الطيارة ...!!
بدون تعليق

[Saeedoo]

أرسل أصلا بواسطة نوار مجبور/أبو النور/

لم تكونوا ولن تكونوا الأفضل عندما تلعبوا مع الألمان
نعيما يا غالي و مباشرة على بيونس أيريس
نعيما
أبو النور

حبيبي أبو النور لما بتكون السيطرة 65 %
وفريق عميلعب ضد 11 لاعب + جمهور+ حكم ...وبتقلي ما كنا الأفضل
بيكفي ككلوزة طلع بركبتو عحارس الأرجنتين وما عطاه شي الحكم
وضربة جزاء ولا أوضع معلق الأرتي خرس لما شافها عطاها إنذار أصفر..!!
بينما لما مثل بابالاك ووقع بمنطقة الجزاء الحكم ماعطاه شي ..
هاد غير الأخطاء الوهمية اللي عطاها كل المباراة للاعبي ألمانيا
بينما بالرغم من كل تكسيرهم ولاشي ...
لك حتى بضربات الجزاء ليمان تحرك قبل تنفيذ الضربة الرابعة والحكم ولا حاجة

إذا عهالطريقة مبروك الكأس من هلق ...!!!
وسلامي عهيك كأس عالم

[Saeedoo]

أرسل أصلا بواسطة NARAMoo

holeee بالفعل يا شباب حرام نخسر هالمباراة بس بقول المدرب ماأخطأ لأنو ريكلمي كان شكلو تعبان بياكلو اكل لسافيولا شو بدنا نساوي حظنا انو حارسنا أصيب بهالمباراة holeee ومبروك للألمان وبتمنى الطليان يحملو الكأس لأنون محظوظين بهالمونديال وتصبحوا على خير

أنا متوقع أنو يطالع ريكلمي ..بس بديلو الأفضل والمعروف هو أيمار
وأيمار كان ممتاز بهاللعبة لأنو لاعب سريع ومهاري ..
وكمان ميسي بدي أفهم ليش ما لعبو ...كان الصح أنو يكالع كريسبو ويدخل تيفز مكانو كمهاجم صريح وبينما يكون ميسر بجنبو عاليسار أو للخلف شوي ...
أخ بس لو لعب أيمار ميسي تيفز ثلاثي هجوم شو كان صار. ..
بس شو بدنا نعمل كلمة ياريت ما بتعمر بيت ....الله لا يوفقك يابيكرمان