هل ألمانيا استحقت الفوز على الارجنتين؟

[BaTiGoAl]

هذا الذي اكتشفته بعد مباراة أرجنتين×ألمانيا
مرحبا شباب عنجد اكتشفت كتير شغلات ... بعد هيك لعبة ....
1- ان المدرب بيكرمان اخطأ خطأ فادح عندما اعتقد ان المباراة انتهت لصالحه قبل النهاية ب15 دقيقة حيث اخرج ريكلمي ...
2- أن هناك لاعبين من المنتخب الالماني مع احترامي الشديد يعني ... ما بيعرفو يهدو الطابة ....
3- أن بالاك اللاعب المعتمد عليه من قبل المنتخب الالماني متواضع جدا في الاداء ومرر اكتر من 7 تمريرات خاطئة وقطعت منو الكرة
4- أن كلوزه لا يفعل شيئا بجميع المبارايات سوى ان يضع هدف ... بعد صناعة من لاعب اخر ...
5- أن المنتخب الارجنتيني هو البطل الذي لم يتوج
6- أنني لم ارى فريق متكامل مثل الارجنتين من قبل طوال كاس العالم الماضي
7- الاخراج الفاشل جدااااا لتصوير المباريات .... خاصة بعدة كرات رح اذكرها كلها بس مشان اكد انو الالمان ربحو ....بس ما بيستاهلو الفوز
فاول على سورين تغاضى عنو الحكم و((التصوير الرائع)) ومنها اتت الهجمة العكسية المرتدة وجاء هدف المانيا
ماكسي رودريغيز تعرض لفول واضح .... من قبل لاعبين لكن الحكم كمل المباراة للالمان وبعد اصابة ماكسي نتيجة هذا الفول رفض الحكم دخول الطاقم الطبي لعلاج اللاعب ((شوفو المهزلة))
بعدين صار احتكاك واضح داخل منطقة الجزاء لنفس اللاعب قرر الحكم اعطاءه كرت اصفر
كلوزه لما بيقفز عالكرة ما بيعرف شو بدو يعمل بس يكسر ((شوفو كول ايالا وحارس الارجنتين))
انو صار فول واضح للحارس من قبل كلوزه ادى لاصابة الحارس بس الحكم ما شافو ((مع اني الفول جوا منطقة الستة ياردات اللي بتحكم باي اشتراك مع الحارس فهو خطا له ولولا لطف الله كان اجا كول للالمان ما الو علاقة بالصحة))
تيفيز شال الطابة من لاعب الماني فما كان من اللاعب الالماني الا انو شلف حالو مترين لقدام والحكم انبسط وصفرلو فاول عالسريع .... برافو تمثيل
من ركنية للارجنتين تم رفع الكرة ولكن اللاعب الالماني قطع الكره ((لا اجزم ولكنني مع اعادتي للكرة على الشريط الفديو جزم الكل انها بايدو يعني ضربة جزاء ومع هيك الحكم ما عمل ولا حسب ولا حتى التصوير كمان ما عادها))
بالاعادة للتحكيم على الart قرر الحكم العظيم محمد بودة انو هناك ضربة جزاء لمايكل بالاك للالمان والنكتة بالموضوع انو انعادت اللقطة اكتر من 5 مرات كل مرة من كميرا بجهة مشان تاكيد انو ضربة جزاء واضحة
8- واخيرا تعليق قناة art الهزيل جدا والمتواضع والاخطاء التحكيمية والتصويرية اللي تم التغاضي عنها ....
وأخيرا بقول
ألمانيا كان فريق قوي فعلا بس ما هلق من سنة ال90 حتى ال98 حتى من افضل الفرق لكن حاليا مع احترامي الشديد فما عندو شي يقدمو ابدا ... لكن صفارات الجمهور بالجزاء لحالا تكفي للاعب الارجنتين من انو يكب الطابة برا .
وسؤالي هو فعليا
هل ألمانيا استحقت الفوز على الارجنتين معلشي بدي رايي حيادي وتكلمو الصراحة واللعبة انا مسجلا يعني كل الي قلتو كام من اعادة واستغراب كامل من اللي صار

[نوار مالك مجبور]

أرسل أصلا بواسطة باتيغول

- أن هناك لاعبين من المنتخب الالماني مع احترامي الشديد يعني ... ما بيعرفو يهدو الطابة ....
3- أن بالاك اللاعب المعتمد عليه من قبل المنتخب الالماني متواضع جدا في الاداء ومرر اكتر من 7 تمريرات خاطئة وقطعت منو الكرة
4- أن كلوزه لا يفعل شيئا بجميع المبارايات سوى ان يضع هدف ... بعد صناعة من لاعب اخر ...

بشـــــــــــرفي عيب عليك تحكي هالحكي
لا حول ولا قوة إلا بالله
أبو النور

[BaTiGoAl]

ههههه لك يا نوار اللعبة مسجلة عندي وعدتا اكتر من مرة لك حضار وشوف على فكرة حضرتا مع اكتر من 7 شباب وكلن ما بشجعو الارجنتين بشجعو برازيل وايطاليا والكل جزم وقال انو الالمان ولا شي وهالكلام ما من عندي عيد المباراة بتعرف ........ وانا ما رح احكي خلي الشباب الحيادية كمان تحكي حتى تتاكد بالاك حسبت اخطاؤو هلق ومن قبل وهو اكتر من لاعب عادي بشوي ما اكتر يا نوار لا تضحك على حالك فريقكن كويس بس مانو الافضل بالبطولةةفريقكن لولا الجمهور كنتو كتير عادييننننننن جدا جدااااااااااااا ...

[BaTiGoAl]

والله يا نوار صدقني ما قلت شي من بطني حضرت اللعبة وحكمتتتتتتتتت قال عيب شو عم سبن يعني؟ هاد اللي شافو كل اللي قاعدين معي ما بس انا

[نوار مالك مجبور]

يا غالي شو الفائدة تكون الافضل وما تجيب نتيجة
الغاية الفوز ولم تحققوه
واذا اخدت على كلامك فريق الالمان فرق حارة ليش ما فزتوا أه
واذا المباراة مسجلة عندك ما شفت ضربة الجزاء تبع بلاك أم هي ما بتشوفها
أبو النور

[BaTiGoAl]

أرسل أصلا بواسطة باتيغول

بالاعادة للتحكيم على الart قرر الحكم العظيم محمد بودة انو هناك ضربة جزاء لمايكل بالاك للالمان والنكتة بالموضوع انو انعادت اللقطة اكتر من 5 مرات كل مرة من كميرا بجهة مشان تاكيد انو ضربة جزاء واضحة

ابو النور بحكي اللي الي واللي علي بعدين لو بدو يحسب هي كان من الاجدر يروح يتطلع عطابة ماكسي رودريغيز اللي فعليا بتستحق ضربة جزاء صدقني ما بجامل فريقي انا ...
لكن بتمنى منك انت كمان ما تجامل فريقك .....وتقول ربحتو علينا بجدارة واستحقاق
فريقكن ما فريق حارة ما قلت هيك بس فريقكن ما بيستاهل الفوز صراحة وعشهادة الكل والتحكيم ساعد الحمد لله بقراراتو ومع هيك شوف لاعبين الارجنتين ضلو متماسكين باللعبة بس تحطمو نفسيا عهيك تحكيم .... الحكم ما بيقصد يربح اللعبة للالمان بس عامل الجمهور واللاعبين والفيفا لحالو بكفي لينهي اللعبة للالمان ....

[BaTiGoAl]

الفيفا ما بطيق الارجنتين من كل عمرو بتعرفو من ايام مارادونا والفيفا ضد الارجنتين بالذاتتتت

[نوار مالك مجبور]

أرسل أصلا بواسطة باتيغول

الفيفا ما بطيق الارجنتين من كل عمرو

/////يرحم ابوك هاد حكي //////
ما بيصح إلا الصحيح
أبو النور

[BaTiGoAl]

مين قلك ما بصح الا الصحيح؟ نحنا مانا بزمن الكل شريف ...
انت ادرى ابو النور

[مهند شاويش]

انا اللي بعرفو وشفتو انو ما في جزاء لبالاك وفي جزاء صحيحة مية بالمية لماكسي الارجنتيني

[syriana]

لك التحكيم مهزلة بكل كاس العالم شباب
والله خايف بكرا اتحاد الطابه(د جبان يعني ) يصرعنا السنة الجاية على كل غلط تحكيمي ..
رح بيقلنا شوفو صارت بكاس العالم ...
بس عن جد الالمان ما بيستاهلو الفوز ابدا وعندهم لاعب واحد بس غير شكل هو كلوزة ..
بلاه .. ما بيعملو شي ...
على كل كاس العالم الجاية بيكون فريق الارجنتين غير شكل .. بيكون بقيادة ميسي ورفقاتو متل مالبرازيل رح بتكون غير شكل بقيادة روبينهو ورفقادتو وبعد ما يخلصو من الختايرة البايخين
وهاردلك ارجنتينيا

[أحمدعيد]

هلق
كان في ضربة جزاء ل بالاك صحيحة بس كانت النتيجة 1-0 للارجنتين يعني لو حاسبها الحكم كانو جابو التعادل ورجعوا
بس ضربة الجزاء تبعيت ماكسي كانت نهت المباراة لصالح الارجنتين
وشيلك عن ضربة الجزاء كان الحكم عم يغازل الالمان غزل بنص الملعب وع بواب منطقة الجزاء تاع الارجنتين
والدليل الركلة المباشرة اللي عطاها الحكم بعد ما اللاعب الالماني شلف حالو مترين بعد ما خسر الطابة
والمانيا لا تستحق الفوز

[Saeedoo]

لك آآآخ يا ميدو ...ما بقى تذكرني بحياة الله ...
والله من مبارح لليوم مالي نفس شم الوردة ...

كل كلامك مظبوط والأخطاء كلها بتذكرها بالحرف والفاولات والإنذارات وعلى فكرة لو الحكم أعطى إنذارات للاعبي ألماني في اتنين كان لازم ينطردو من كتر ما عملو فاولات ..لك وفاولات ضرب عالرجلين بالقصد للأسف...
بس الحق يقال كلوزة لاعب قناص وماهر وسجل هدف حلو وملعوب ...مع أنو نزل من عيني قبلها بسب ضرب الحارس اللي طلعو برا ...
واليوم والله كنت عمقلو لرفيقي ...ياريت الأرجنتين لا لعب ولا أدى بهالبطولة ما كنت انقهرت .....يا أخي ما بدنا فريق يلعب ...بدنا بس نتائج ..متل كل هالفرق ما عمتعمل
كل هالحكي ما عاد يفيد هلق.....الموضوع انتهى
وألف مبروك للألمان وللشباب مشجعي ألمانيا
وبالتوفيق لكل الفرق في المونديال

[Digital-Zero]

أرسل أصلا بواسطة Saeedoo

.....يا أخي ما بدنا فريق يلعب ...بدنا بس نتائج ..متل كل هالفرق ما عمتعمل

أنا بعارضك بهالشغلة اخ سعيدو
يعني صحيح طلعنا بس رفعولنا راسنا الشباب
وما كانت بتهمني النتيجة المهم انو لعبوا منيح

[ابوروما]

أشكرك باتيغول على التحليل الممتاز
فعلاً حرام ألمانيا تتأهل

ولعنة الله عليك يا بيكرمان

[BaTiGoAl]

عراسي الشباب ...
والله يا سعيد انا زعلان كتير ومقهور لهلق صدقني مع اني ايطاليا مبارح فشتلي خلقي بس لعبة الارجنتين وهالفريق هو الوحيد اللي كان منيح وممتاز وعلى فكرة يعني الارجنتين لسا ما طلع كل وراقه الرابحة هون القضية يعني الارجنتين طلع وولسا قادر كان يعمل الكتير بس بيكرمان ...

[نوار مالك مجبور]

لله في خلقه شؤون
بالردود فوق المانيا ///مشترية ///المونديال وما في حدا شريف لما طلعت الكل شمت
والله كل واحد قال المانيا عم تشتري اللعب عقلو قد عقل الذبابة إذا ما أصغر وفعلا يستحق الشفقة
أبو النور

[BaTiGoAl]

حبيبي نوار مين قلك انو المانيا مشتريتو ؟؟!!
انا ما بتصور انو لا الالمان ولا الفيفا ما ناقصن مصاري ولا بتعنيهن المصاري حتى يقولو فيه شرى بالموضوع
بس بالنسبة للتنظيم ..سمحلي قلك انو التنظيم سيئ وكان فيه تحيز كتير للالمان ما لقصد من قبل بس ضغط الجمهور واللاعبين لحالو كان عم يخلي الحكم يخطئ ومتل ما عم نشوف بكل لعبة لالمانيا الحكم ما بعرف شو بصرلو ايام ...
والاخراج التلفزيوني ما شاءالله يعني لو مونديال 1930 كان التصوير وكانو بعيدو الفرصة احسن من هيك فما فينا ما ننتقد فيه اخطاء كتير ...
ولا تزعل مني المانيا حاجتا هيك مركز ... اخدت زيادة عن اللزوم من مكانا هي الحقيقة صدقني ما عم بنتقد فريقك لقصد معين بس كلينزمان برايي عمل انجاز وكلنا منعرف كنا شو مقومات الالمان قبل المونديال مشان هيك ما كتير كنت لازم تتوقع منن
بقلك هاردلك ابو النورررر اخر كلامي احلا بوسة من شواربك

[نوار مالك مجبور]

بسيطة إنشا الله خير والله يعيشنا لمونديال 2010
وعراسي يا طيب
أبو النور

[BaTiGoAl]

اهلين ابو النور والله