للبرازيلين فقط ماذا فعلت ياكارلوس البرتو

[أحمدعيد]

أولا الفريق البرازيلي لا يستحق التأهل
لماذا لم يتعلم كارلوس البرتو من درس مباراة اليابان
ألم يلاحظ هذا الاحمق ان سيسينهو و روينيهو و جيلبرتو قد قدموا اداء رائعا وأنه من الغباء أن يجلسوا على دكة البدلاء
طيب يا أخي الزلمي مخو سميك طيب ما شاف الشوط الاول كيف كان
ما شاف كيف كافو ما عم يحسن يجاري سرعة الفرنسيين
ما شافو كيف ما سلم ولا طابة صح
بعدين من ايمتا البرازيل بيلعب بمهاجم واحد
يا شباب مو معقول اللي عملو البرتو اليوم
يعني الشوط الاول بينت سيطرة الفرنسيين ومسكهم للنص معقول ما عرف يقلب دفاعو لمان تو مان ويضيق المساحات ع زيدان وريبيري
ومعقول ومعقول...................
الكول اجا بالدقيقة 57
وربينيهو ضل ع الخط للدقيقة 80 يمكن
كافو وكارلوس ادريانو .......كارلوس البرتو أخرجت البرازيل فلا سلمت يداك
مبروك للفرنسيين .......قدمتم مباراة للذكرى


سامبا سامبا ستظلون ملوك الكرة رغم أنف الحاسدين

مبروك لزيدان وريبري وهنري وفييرا (الله ينصر دينكم)

[مهند شاويش]

أخي احمد عيد انا بقلك هاردلك من كل قلبي بس هي حال المونديال ما بيعترف بالاسماء
بس ما بتوافقني الرأي بانو البرازيل ما قدمت مستوى هالمونديال بخلينا نتعاطف معها
حتى مع اليابان بالشوط الاول كانت صفر
بعدين وين رونالينيو برشلونة وين كاكا ميلان وكارلوس ريال مدريد
ما رح احكي عن ادريانو او كافو بس بصراحة كان في نوع من الغرور عند معظم لاعبي المنتخب وهاد اللي وصلون لهون
هاردلك مرة تانية

[ابوروما]

أين هم من الملوك يا عزيزي أحمد؟؟؟؟

هذا مستوى الرازيل
والحظ والشهرة والإعلام أوصل البرازيل لهذا الدور فقط

[أحمدعيد]

رجاء اخ ابو روما فريقي وبقول عنو اللي بدي ياه
اذا حابب تناقش اسباب الخسارة تفضل والا فيا ريت بلا تجريح
ويا حبيبي هني ملوك لانو الارقام بتثبت ذلك 7 مباريات نهائية وخمس كوؤس عالم وما رح زيد


السامبا هم الملوك

[abu kamal]

هي هي الطابة اليوم الديوك قاتلوا ورغم أنهم أهلكوا من التعب ولكن الكرة تعطي من يعطيها وكارلوس ألبيرتو لم يعطها نصف ثمنها فاستحق الخسارة والذي لايخسر لا يربح
بتمنى من الجميع أن يتحلى بالروح الرياضية

[hutteen my love]

الله لا يوفقك يا كارلوس ألبيرتو أنت وكافو

[the-boss15]

يا أخي الغلط غلط مدرب عم يلعب بدون خطة يعني عم يعتمد بس لى مهارة اللاعبين و فنياتون و هاد الشي ما بيمشي حالو بكأس العالم