أعيدو بشّار إلى فريقه ولا تضيّعوا الوقت

[InVaDeR]

مرحبا شباب:
من الضروري إعادة الكابتن بشّار سرور لتدريب فريق الشّباب الّذي تعب عليه و حدّد مواصفاته هو و لأسباب عديدة منها:
النتائج السيئة للفريق و اللي مستحيل تتوقّف إلا اذا رجع بشار
انّو بشّار ترك الفريق كرامة للاعبين و ليس لمصالح شخصيّة لعدم تأمين مستلزمات الفريق ولو تأمنت المستلزمات لن ينجح الفريق لأن اللاعبين يكنّون له موقفه الشجاع بالنسبة لنظرهم
و هوه الوحيد الذي يعلم إمكانات فريقه بل و أكثر من ذلك و هو من تعب على هذا الفريق فكيف يذهب جهده عالفاضي
و بمناسبة العيد لازم تصفى الأمور و بنتمنّى نسمع خبر رجعة بشّار عن قريب و اذا الإدارة ما عادت بدّا الكابتن بشّار طيب رجعوه هل سنة ليكمّل من هل فريق و بعدها اعملوا اللي بدكن بفريق غير هل تشكيلة
و إلّا فالنتائج رح تكون كارثيّة حسب توقّعاتي و أحسن ما نلحق القرداحة عالدرجة التانية بالشباب

[ehab]

وبرأيك الحل انو تنكسر الادارة ادام الكابتن بشار وأدام اللعيبة عدم المؤاخذة أخي الكريم الأنتماء دائما للنادي وليس للأدارة أو المدرب أو أي شخص كان أنا حزنت لأن الكابتن بشار ترك الفريق وانا لا أنكر أبدا جهده بتجهيز الفريق ولكن هل هذا معناه اذا لم أكن أنا فلا أحدا غيري ولكن بربك قل لي ما هذا الفريق الذي يملي شروطه على ادارته انا برأيي ان لا ترضخ الادارة لشروط اللاعبين حتى لو كلفنا الأمر الأنسحاب من دوري الشباب ذلك لأن هذا اللاعب الشاب الذي لا ينصاع لقرار ادارته الأن لن ينصاع لها أبدا أنا أقترح عقوبات على اللاعب الذي يعلن ولاؤه لاي شخص غير نادي حطين وتقبل مني كل الأحترام أخي

[صلاح الدين شاويش]

":"016 بمناسبة العيد لازم تصفى الأمور و بنتمنّى نسمع خبر رجعة بشّار عن قريب

[InVaDeR]

ehab
-------------------------------------------------------------------------------
وبرأيك الحل انو تنكسر الادارة ادام الكابتن بشار وأدام اللعيبة عدم المؤاخذة أخي الكريم الأنتماء دائما للنادي وليس للأدارة أو المدرب أو أي شخص كان أنا حزنت لأن الكابتن بشار ترك الفريق وانا لا أنكر أبدا جهده بتجهيز الفريق ولكن هل هذا معناه اذا لم أكن أنا فلا أحدا غيري ولكن بربك قل لي ما هذا الفريق الذي يملي شروطه على ادارته انا برأيي ان لا ترضخ الادارة لشروط اللاعبين حتى لو كلفنا الأمر الأنسحاب من دوري الشباب ذلك لأن هذا اللاعب الشاب الذي لا ينصاع لقرار ادارته الأن لن ينصاع لها أبدا أنا أقترح عقوبات على اللاعب الذي يعلن ولاؤه لاي شخص غير نادي حطين وتقبل مني كل الأحترام أخي

القرارا مانو مين بيكسر رأي التاني الشغلة شغلة انو استقال لعدم توفيه مستلزمات الفريق و انا حكيت انو خلوه يكمل هل سنة و بعدين عملوا فريق جديد و ما تحطوا اذا ما بدكن

[حمودة الحطيني]

طيب اخووي بناسبة العيد لازم تتصفى القلوب .. و لازم كل شي يرجع لمجراه الطبيعي ..

و لكن الادارة تعرف ما عليها باعتقادي ...


و انا من الاشخاص اللي بيتمنو يرجع الكابتن بشار لفرريق الشباب ...

بس الادارة اعلم بما تفعل .. و نتمنى منها ان تكون قدر ما تفعل .. و تعرف ما تعمل .

و اتمنى ان يكون بشار سرور بين فريق الشباب بأقرب وقت ..



ابو عدنان

[LIVERPOOL 22]

أرسل أصلا بواسطة حمودة الحطيني

طيب اخووي بناسبة العيد لازم تتصفى القلوب .. و لازم كل شي يرجع لمجراه الطبيعي ..
و لكن الادارة تعرف ما عليها باعتقادي ...
و انا من الاشخاص اللي بيتمنو يرجع الكابتن بشار لفرريق الشباب ...
بس الادارة اعلم بما تفعل .. و نتمنى منها ان تكون قدر ما تفعل .. و تعرف ما تعمل .
و اتمنى ان يكون بشار سرور بين فريق الشباب بأقرب وقت ..
ابو عدنان

36_1_11[1 36_1_11[1 36_1_11[1

[مجنون حطين]

يا جماعة الكابتن بشار استقال لأني الأدارة ما لبت طلبات بتفيد العيبة ما لغير أسباب أنا بشوف أني لازم الأدارة تتحرك بسرعة قبل ما يصير شبابنا متل النزهة للفرق و بعد سنة أو سنتين نشتري فريق كامل للرجال

[الربان]

بشار ابن النادي وبحب النادي اكتر مني ومنك

وكل عام وانتو بخير

كل عام وانت بخير

[صلاح الدين شاويش]

أهلا بمجنون حطين بمنتديات حطين : محمد بركات لو كتبت أسمك ما كان أحسن





شاويش حطين

[BaTiGoAl]

يعني انا بدي اسال سؤال؟
كيف تعتبرو مطالب ومستلزمات الفريق هي عبارة عن اوامر من الكابتن ابو كنان للادارة !
ثم انو ولنفرض ...
انو اي واحد منكم استلم ليبني بناية لازم تكون ممتازة طبعا
بس ما في حديد كتير بدك تدبر حالك !
باي منطق بتمشي هي
الشغلة ما شغة تكبير راس الشغلة مبادئ واساسيات من حق أي مدرب يطالب فيها لياثبت نجاحه ونجاح فريقه اللي بحبه
والا ليش ليدخل حرب بلا سلاح !

[فتى المتوسط]

القصة مانا قصة تجهيزات
بعدين ضروري يكون طقم الفريق متل طقم الرجال شغل اسبانيا
طقم الكرامة شغل ديادورا بس الله يرحم ايام زمان كانو يلعبو كرمال حطين ولو بالشحاطة
القصة الادارة من وين بها تلاقيها
الدعم المادي مقطوع بتحريض من........
ارحمو من في الارض يرحمكم من في السماء

[syriana]

بعدين ضروري يكون طقم الفريق متل طقم الرجال شغل اسبانيا

هون الغلط .. ان نعتقد ان الشباب اقل اهمية من الرجال .. .. يعني طقم كيف ماكان ..تدريب كيف ماكان .. مدرب شو ماكان .. وتمشاية حال ..

هل نتناسى ان اللاعب في فريق الشباب هو ثروة المستقبل .. وانه ...



ليجب احد على هذا السؤال :
منذ متى بدا الانهيار في النادي ..
انا اجيب .. منذ ان اهملنا فريق الشبان .. هل تذكرون باي موسم ...؟؟

[Kh@led]

بتمنى من يلي بيسمع الحكي ..ما يلزقو هون .. اتاكدوا و بعدين اتفضلو اكتبوا... القضية بسبب بواط اللاعبين يلي وصى عليون بشار من عند ديادورا .. و صار في مماطلة بالتسليم من قبل ديادورا لاسباب مجهولة.....
و منشان الطقم.. الطقم صمم بالسعودية .. و ما حدا طلب يكون من اسبانيا ..و النادي كان معارض انو طقم فريق الرجال بيختلف عن بقية فرق القواعد...

و شي طبيعي ينقطع الدعم .. لما بيكون ما في نتائج على شو بدا تدعم العالم؟؟؟
و ما حدا ينسى انو في يوم من الايام .. بعض اعضاء الادارة كانو اعضاء لجنة دعم و قطعو وقتا الدعم عن ادارة النادي ....
بعدين ما حدا هل الايام مستعد يدفع , و الباقي يتبروز من وراء مصرياتو
..

[mido31]

والله ياشباب الواحد مابيعرف شو بدو يحكي بس لا حول ولا قوة الا بالله

انا برأي لازم ننسى ليش استقال ابون كنان
لازم يااخواتي نشوف الحل كيف لازم نرجع المدرب
وعساكم من العوادة

[فتى المتوسط]

خالد الغالي شكراً لمرورك على مشاركتي وصدقني انا ما اكتب غير رأيي بس هيك نظرتي للمشكلة وكل واحد مننا الو نظرتو ومنشان الدعم صديقي بعتقد الدعم ما انقطع عن ادارة ابو الحكم من قبل لجنة الدعم الا من بعد خسارة لعبة تشرين موسم 2005/2006 واتخاذ قرار بتعيين الكابتن احمد هواش مدرباً للفريق ووقتها الدعم قطع عن الادارة المذكورة من جميع الفعاليات الاقتصادية ولما اصدر الفرع الرياضي قراراً بقبول استقالات اعضاء تلك الادارة علل ذلك باجماع الاطراف الرياضية والاقتصادية الحطينية على ضرورة تغيير الادارة تلك
وقبل لعبة تشرين كانت لجنة الدعم و(غيرها) عم يدعمو النادي وخصوصاً بعد زوال ما يسمى بالوصاية عن النادي وفي فترة النتائج وغيرها ولما بديت لجنة الدعم بعملها كان اسمها اللجنة الاسعافية ((والاسعاف بيكون بالحالات الخطيرة يعني لما كانت النتائج متراجعة وكان ذلك حسب ما اذكر بعد لعبتي الكرامة(4/0 للكرامة) والوحدة(2/0 للوحدة))
يعني الشباب كانو عم يدعمو في ظل النتائج السلبية قبل الايجابية وليس كما ينتظر الان الداعمون النتائج الايجابية ليغدق الدعم حسب المقولة الفوز له مية اب والخسارة يتيمة
مو متل ما يحصل الان من لحظة ولادة الادارة والدعم مقطوع
وقلتلك ياها سابقاً:يبدو لا احد مستعد ليدفع بس لا احد يمانع بتدمير النادي
مرة تانية تعدد الاراء دليل عافية وانا اتقبل بكل رحابة صدر الرأي الاخر وبكل شفافية
عتب على قد المحبة:أتمنى أن تكون هذه المرة هي آخر مرة اوصف فيها بأنني أسمع الحكي والزقه هون بالمنتدى
رأيي نابع عن وجه نظر خاصة لا علاقة لأي كان فيها ولا تأثير لأي احد عليها
ودمت يا فخامة المدير ذخراً لمنتدانا

[فتى المتوسط]

الاخ سيريانا انا معك مية بالمية بس بدي ألف مشجع حطيني تفكيرون عقلاني متلي ومتلك
مستعدين لينسو ولو لسنة واحدة أمر فريق الرجال ويفكرو ببترول الكرة الحطينية الكامن في فريق الشباب
هذا الثروة الباطنية المهمة للنادي
بس على قد لحافك مد رجليك والجمهور (أغلبه للاسف)ما هاممو غير فريق الرجال يعني ياخد فريق الشباب الدوري ونخسر بلعبة تشرين مثلاً بيسبو الادارة وبيتهموها بالفشل

[فتى المتوسط]

بعدين اخ خالد عم تقول المماطلة من ديادورا....
ولاسباب مجهولة!!!
وانا عندي ثقة بكلامك هاد...........
طيب شو علاقة الادارة بذلك؟؟
اذا المشكلة من عند ديادورا؟؟
يرجى التوضيح!

[أبو هشام الحطيني]

أرسل أصلا بواسطة BaTiGoAl

يعني انا بدي اسال سؤال؟
كيف تعتبرو مطالب ومستلزمات الفريق هي عبارة عن اوامر من الكابتن ابو كنان للادارة !
ثم انو ولنفرض ...
انو اي واحد منكم استلم ليبني بناية لازم تكون ممتازة طبعا
بس ما في حديد كتير بدك تدبر حالك !
باي منطق بتمشي هي
الشغلة ما شغة تكبير راس الشغلة مبادئ واساسيات من حق أي مدرب يطالب فيها لياثبت نجاحه ونجاح فريقه اللي بحبه
والا ليش ليدخل حرب بلا سلاح !

والله يا أبو كمال هالمطالب اعتبرها البعض تعجيزية

و للأسف هالشي بيدل على قصر نظر

لا حول ولا قوة الا بالله

[bayaa rena]

أرسل أصلا بواسطة ehab

وبرأيك الحل انو تنكسر الادارة ادام الكابتن بشار وأدام اللعيبة عدم المؤاخذة أخي الكريم الأنتماء دائما للنادي وليس للأدارة أو المدرب أو أي شخص كان أنا حزنت لأن الكابتن بشار ترك الفريق وانا لا أنكر أبدا جهده بتجهيز الفريق ولكن هل هذا معناه اذا لم أكن أنا فلا أحدا غيري ولكن بربك قل لي ما هذا الفريق الذي يملي شروطه على ادارته انا برأيي ان لا ترضخ الادارة لشروط اللاعبين حتى لو كلفنا الأمر الأنسحاب من دوري الشباب ذلك لأن هذا اللاعب الشاب الذي لا ينصاع لقرار ادارته الأن لن ينصاع لها أبدا أنا أقترح عقوبات على اللاعب الذي يعلن ولاؤه لاي شخص غير نادي حطين وتقبل مني كل الأحترام أخي

اخي ايهاب المشكل ماهو مين بيكسر كلمة مين بس هناك عشر مطالب تخص الفريق لم ينفذ منها الا اثنان فقط نتمنى الايعاذ بان الكابتن بشار سرور قبل ان يعمل بالفريق هو بيعرف البير وغطاه وبيعرف انو لو فشل رح يحمل المسؤولية لحالو
وهيك شخص بيهمو مصلحتو وهادا حقو الطبيعي

[lattakia]

ياشباب أنا حابب وضح شغلة .
جواباً لكل الشباب اللي عم يقولوا أنو بشار أستقال مشان مستلزمات الفريق بحب قول أنو إذا رجعنا للغة الأرقام رح نشوف أنو فريق الشباب كلف هذه السنة أكتر من فريق الرجال .