الاخ italiano ليش الشباب

[مهند شاويش]

حقيقة زملائي أعضاء منتدىحطين لا أدري ما سأقول ولكنني لن اردد ما قلناه سابقا حول موضوع فريق الشباب وموضوعي اليوم هو طلب توضيح من السيد طلال قواف حول التكلفة المادية بالتفصيل لفريق الشباب هذا الموسم لانه وكما قرأت يتعامل مع عقولنا باستخفاف وكأننا لا نعرف الطيخ من البطيخ فليس من المنطقي أن يكتب بأن تكلفة تجهيز فريق الشباب كلفت ادارة النادي أكثر مما كلف فريق الرجال واليكم تعليقه الغريب في هذا الرابط
أعيدو بشّار إلى فريقه ولا تضيّعوا الوقت
اسأل عن معسكر فرنسا الذي أجراه فريق الشباب وعن الأطقم التي يرميها لاعبو فريق الشباب على الجمهور بعد كل مباراة وعن راتب الكابتن بشار الذي يتجاوز 150 الف ليرة سورية وعن رواتب فريق الشباب ومعدل رواتبهم كما نعلم جميعا هو 25 الف ليرة سورية للاعب الواحد
اسأل عن التجهيزات والامكانيات التي تم توفيرها لفريق الشباب بالتفصيل كي تثبت ادارتنا الموقرة ان فريق الشباب كلف هذا الموسم اكثر من فريق الرجال.
والله عنجد شي بحط العقل بالكف
مهند مروان شاويش

[مهند شاويش]

واللي ما بدو يعذب حالو ويروح عالرابط هيدا تعليق السيد طلال قواف مسؤول الاعلام بالنادي متل ما كتب بالحرف

ياشباب أنا حابب وضح شغلة .
جواباً لكل الشباب اللي عم يقولوا أنو بشار أستقال مشان مستلزمات الفريق بحب قول أنو إذا رجعنا للغة الأرقام رح نشوف أنو فريق الشباب كلف هذه السنة أكتر من فريق الرجال

[hutteen my love]

كلامك منطقي أبومروان

وياريت من السيد طلال الرد بتفصيل أكثر على الموضوع

لأن فريق الشباب أعتقد أنه أحد فرق نادي حطين ولم يستقل عن بقية فرق والعاب نادينا

وأعتقد أذا صرف عليه شهريا مبلغ حوالي 200 ألف ليرة ليس كثيرا قياسا وأسوة بفريق الرجال لأن الأندية الكبيرة أمثال الكرامة والاتحاد تصرف أكثر من هذا وتملك قواعد ممتازة

ونحن بمبلغ 50 ألف شهريا لن نستطع أن نطالب قواعد النادي ببطولات ولا حتى بالمنافسة عليها .

[hutteen my love]

ملاحظة بسيطة : أنه وفي الموسم الفائت كان الفريق يكلف في كل مباراة خارج المحافظة حوالي 70 ألف ليرة سورية بين تكاليف سفر واقامة اللاعبين وأنظرو بالأخير المركز الذي أحتله الفريق

يعني طعمي التم بتستحي العين

[مهند شاويش]

ابو كمال كلامك منطقي وعقلاني وما بينزاد عليك حرف وانا معك بكل ملاحظة قلتا

[rabee74]

بس بدن يا شباب عنا العنب والناطور وهادا ما معقول أبداً

[BaTiGoAl]

ابو كمال ومهند بتفق معكن وبزيد عليكم شغلة ... انو الشباب اهم من الرجال بصراحة عندي لانو
جيل الرجال عرفنا شو مستواه بصراحة وشو المراكز اللي ممكن يحتلا بعد 4-5 سنين من نفس الاداء ونفس المراكز
اما الشباب بعد الموسم الماضي البطولي عطاني امل انو ممكن نشوف مواهب منيحة لقدام بس للاسف انقطع الامل عندي لعدة اسباب جميع الاطراف يتحمل مسؤوليتها

[أبو هشام الحطيني]

يعني شو المشكلة لو كلف فريق الشباب أكتر من فريق الرجال

ما على أساس الادارة جاية تبني فريق المستقبل

ولا العملية تلبيس طرابيش

[الحوت المهاجر]

ما اظن بشار بيستقيل كرمال شغلة وهي مستلزمات الفريق لان لو اضطر لاي مبلغ بظن رح يأمن حاله ويمشي اموره لان الفريق تعب عليه وحضره وكان كلنا امل ان الفريق هالسنة رح يجيب مركز جيد قياسا لانجاز العام الماضي وفترة التحضير هالسنة وهبرة الكابتن ابو كنان والكادر معه والمواهب الرائعة الموجودة بالفريق

اظن في شي اهم واعظم من مستلزمات فريق ؟؟؟؟!!!!!!!!!!!

[مهند شاويش]

حمودة وابو هشام والحوت المهاجر كمان كلامكن سليم ونحنة بجد بانتظار الرد من مسؤول الاعلام بالنادي

[rozy666]

لاعبينا الشباب رواتبهم معدلها 25000؟؟؟؟؟؟؟؟؟؟؟؟؟؟
وراتب الكابتن بشار 150000؟؟؟؟؟؟؟؟؟؟؟؟
لا وكمان لعيبتنا الشباب بيرموا طقم اللعب للجمهور حاسة حالي بنادي اوروبي!!!!!!!
دخيلكم سامحوني بس انا انصدمت لا ومعسكر بفرنسا

[mido31]

اي والله يا ابن العم معك حق شو هل الحكي لبحط العقل بالكف
والله العظيم عيب

[روحي حطين]

الاخ الغالي italiano انا قريت موضوعك عن فريق الشباب وعندي استفسار بسيط انو ليش بدك النادي يدعم فريق الشباب عكتر ماعم نستفيد منن اي اتطلع عفريق الشباب السنة الماضيةاللي طلع تالت الدوري كام لاعب منو على كشوفنا السنة مافي غير الحموي اللي ماشكلو حيشم الملعب واليوسف اللي بعد ما قلولو جهز حالك لتلعب لعبة جبلة قبل المباراة بساعة ليتفاجأ انو ماقالو اسمو بالتشكيلة وطلع من الملعب بعد اللعبة عم يقول ما المهم مين لعب المهم حطين فازمع انو شفت اللي لعب مكانو ماشاء الله شي بيرفع الراس بكل لعبة بيطعمينا كول ويمكن اكتر بس بيلعب وبياخد فرص لانو جبنا بمصاري بقى ليش بدك الادارة تصرف عفريق الشباب والله الادارة هيك حاسبتها منيح

[skyblue eye]

معسكر بفرنسا حاسس حالي بتشلسي شو النفع بس يترفعوا للرجال برفعوا 1 او اتنين

[مهند شاويش]

اخي روحي حطين بفهم كلامك اللي صادر عن الم وقهر عن اللي عم يصير مع فريق الشباب وادارة النادي بتتحمل المسؤولية بشكل كامل وشو ما كان التبرير وين الغلط يكون المدرب قوي وين الغلط المدرب يكون صاحب القرار الاول والاخير وين الغلط تتأمن تجهيزات للفريق بشكل لائق ومحترم بس للأسف ادارة النادي ما عم تقري الواقع صح وانا لازلت منتظر رد السيد طلال على الموضوع اللي سألتو فيه عن تفاصيل تجهيز فريق الشباب ومشكور اخوي عالموضوع بدها شوية صبر

[حطيني وبس]

يا شباب لازم الشباب ياخدوا فرص ويلعبوا
لان ممكن يطلع لاعب منهن عندو فنيات ومهارات
والله يوفق حطين

[حمودة الحطيني]

و الله اذا ما بيديروا بالهم على فريق حطين الشباب .. كارثة و الله و كارثة .



ابو عدنان

[NARAMoo]

ماشاء الله على هالأدارة بتعرف الأحتراف صح

[ahmadk]

شي غريب

[ahmadk]

معسكر فرنسا ؟؟؟؟؟؟؟؟؟؟؟؟؟؟؟؟؟؟؟؟؟؟؟ فرنسا و القنيطرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ والله يا شباب ما عم افهم شي