للاسف امور لم اتمنى مشاهدتها اليوم

[abo_husen]

المشهد الاول وللاسف حدث من احد الجمهور على المدرجات بعد ضياع تمريرة من عارف الاغا فانبرى احدهم وباعلى صوته قام وشتم الاغا على مسمع الجميع مطالبا اياه بالرحيل عن النادي واصفا اياه بالعالة على الفريق وانه يضيع جهد زملائه عالفاضي فهو على حد رايه المتخلف زيادة عدد وعندما سمعت هذا الهراء اقسم بانني شعرت وكانه يشتمني انا ومن شدة انفعالي قلت له الان اصبح الاغا لاينفع انه اغا الهدافين الذي لطالما افرحنا من منا ينسى اهداف الاغا الجميلة اسال يامن لا يعرف من هو الاغا اسال كبار حراس سورية ومدافعيها البيرقدار و الشكوحي والكوسا والسعيد والكركر وعبد الفتاح واسالو جهاد قصاب وحاتم الغايب وفارس شاهين وطارق جبان وغسان قره علي وغيرهم الكثير عن المرعب الاغا والله عيب عيب ان يشتم احد من يدعي حب حطين الاغا حتى ولو انتهى الدوري ولم يحرزعارف ولا هدف لا سمح الله وانا متاكد باذن الله ان ما يحدث مع الاغا سحابة صيف لا اكثر وسيعود اغا الهدافين الى مستواه المعهود واسكات كل منتقديه بعون الله تعالى

المشهد الثاني ولا يحتاج الى تعليق ما فعله اللاعب علي خليل من اشارات لا اخلاقية وخارجة عن مفهوم الرياضة واعتقد انه يجب محاسبته على فعلته كي يكون عبرةلغيره واظن ان الجميع شاهده بمن فيهم الحكم وفهمكم كفاية

وشكرا لكل من يسعى لاعادة سمعة نادي حطين والقه المعهود وتحيات خاصة من رابطة جماهير بانياس لكل اعضاء نادي حطين لاعبين وجمهور

رئيس رابطة جماهير الحوت في بانياس
غسان علي0988542716
ودمتم


":"016 ":"016

[abo_husen]

على فكرةاليوم حدثت مشاجرة عنيفة عند مخرج بانياس الجنوبي بين مشجعين تشرين ومشجعين من بانياس كرماويين اثناء ذهابهم الى حمص ولولا تدخل العقلاء لحدث مالا يحمد عقباه بين الطرفين

[SALAHDIN]

أول شي أهلا وسهلا فيك وبكل أهالي بانياس

بالنسبة لموضوع شتم عارف فمتل ما قلت هاد عبارة عن شخص واحد ما بيعبر عن رأي الجمهور كله ولا نصه حتى , متل ما في واحد شتمه لأبو فريد , في آلاف شجعوه طوال فترة اللقاء

[ابو الليل]

السلام عليكم

إرضاء الناس غاية لاتدرك

ابو حسين الحبيب :

صحيح ان جمهورنا عاطفي( زيادة شوي ) ولكنه لايدرك ان هذه التصرفات تؤثر على النادي سلبا

وفي احد المشاهد بعد نهاية المباراة
رايت شي عشرين طفل يرشقون الملعب بالحجارة فهرعت إليهم انا وابو البحر وصرنا نرجعهم عن السور ونقول لهم روحوا افرحوا برا لاتجيبوا عقوبة جديدة ويا سيدي حتى في ناس تفوق السابعة عشرة من عمرها رمت كل مابيدها على مضمار الملعب ووالله كان منظرا مخجلاً

واتمنى من إدارة النادي أن تمنع من لايتجاوز السابعة عشرة من عمره من الدخول للملعب لأنهم يشكلون عبئ على النادي ولاتستفيد منهم ماديا لانهم يدخلون بالعبطة

[ahmadk]

يا هادا جمهورنا العجيب شو بدنا نعمل

[ليفربول22]

كلام ابو الليل سليم ممنوع دخول تحت 18 سنة الى الملعب لاننا لانستفيد منهم لانهم يضرون مصلحة النادي وبيدخلوا بالطحشة...
وحتى يلي بيحب يدخل على الملعب لازم يكون معه احد افراد عائلته حتى يضبطه داخل الملعب....

[حمودة الحطيني]

انا مع منع دخول الاطفال للملعب ....


اما من شأن شتم عارف ... اخي هذا رأيه و لا يمكن لنا ان نغير .... و لكن أرني هذا الشخص عندما يسجل عارف هدف ..!!!! يمكن ان تراه يحمله للأغا على كتفه ... هي مجرد لحظة غضب لعدم تسجيل هدف او ضياعه ليس كرها بلاغا ابدا .


اخي جمهورنا عاطفي جدا .. جدا .. جدا . و كذلك جدا ...


فلا تعتب او تلاحظ هكذا امور

[hutteenvalencia]

والله شغلت الجمهور شغلة معقدة وبدا ألف حل لتنحل

[أبو هشام الحطيني]

أنا ضد الشتم و العبارات اللا اخلاقية في الملعب لأي شخص كان و خصوصا" الحكام

لأن هذا ينافي الاخلاق الرياضية و تقبل الخسارة بروح رياضية

أما عن وجود هكذا حثالة فللأسف هم كثر في جمهور النادي و من المستحيل تطهيرهم

[مهند شاويش]

شو بدنا نعمل اذا تلت جمهورنا حويترية وتلت ولاد ما دون ال 15 سنة وتلت مثقف ونص التلت المثقف برا البلد والباقي بيتمنى تطلع اللعبة عالتلفزيون حتى ما يروح عالملعب يقرف والله العظيم عيب بيجيك ولد عمرو 15 سنة لما كان عارف يلعب طابة هادا لسا كان عم يدب دب ولما كان عارف يجيب كل كول يهز الملعب كان هيدا الولد بحضن امو عم يشرب حليب ما في اصل
وبينزل في مسبات مين انت يا ولد يا حويتري لتسب عارف او غيرو من الكبار وشو شايف من مستوى عارف لما كان بعزو هوة والسيد لحتى تشتمن لا حول ولا قوة الا بالله
للأسف الذاكرة عند هالجيل الجديد ذاكرة ضعيفة هيدا جيل الهزائم والنفس المكسورة ما عاشوا معنا ايام عز حطين الله يرحم هديك الايام

[الاذقية حبي وحطين عشقي]

والله جمهورنا مظلوم مثل نادينا ومن محبته الزايدة بتطلع معه شغلات كثيرة
بس جمهونا بيضل احلى جمهور
شو الله جابر هل عالم لتجي عالملعب وتدفع مصاري وتحرق اعصابها الا محبتهن لحطين
هل جمهور هن نفسهم اهل الاذقية فيهم الكويس وفيهم (......) بس ما في حدا يزاود على عشقهم لحطين
والله لو بتشوفوا جماهير الاندية التانية لتفتخروا بجمهورنا



حطينية....حطينية.....حطينية

[ahmad_hutteen]

اخوي منشان يلي شب عارف هو مجرد واحد من بين الآف من جمهور حطين وواحد مابيعبر الا عن نفسه و اخلاقه وتربايته الشوارعية

[ahmad_hutteen]

أرسل أصلا بواسطة ابو الليل

واتمنى من إدارة النادي أن تمنع من لايتجاوز السابعة عشرة من عمره من الدخول للملعب لأنهم يشكلون عبئ على النادي ولاتستفيد منهم ماديا لانهم يدخلون بالعبطة

36_1_11[1 36_1_11[1 36_1_11[1 36_1_11[1
اتمنى ان تصل الرسالة لرئيس النادي

[syriana]

فعل الشتم والتعبير عن الراي (بالسباب والشتائم المقرفة .. كفر , ومو مفردات جنسية ) ليس له اي تبرير ..
الموضوع ليس ان عارف شتم , وحرية تعبير .. الاسلوب مرفوض .. حتى لو مع لاعب ناشء ومع لاعبي الخصم ومع جمهور الخصم ..
كان جمهور حكين ايام جيل (ابو الياس ) حماسيا جدا ...) لكنه جمهور لا تخجل حضوره ..
اليوم .. ما يجيده جمهورنا (لا اعمم ) الشتائم ولسباب والتحطيم والتكسير ... ولا اجد اي مبررات مهما كان الاستفزار او الخلاف بالراي ..
عن جد يا شباب جمهورنا يحتاج الى عمل كبير جدا .. وهو عالة على النادي بهذه الصورة ....

ملاحظة انا كنت مع تغيير عارف ..

[مشجعي حطين بالشام]

بلا جمهور مثقف بلا................زز
يعني مستوى الجمهور الثقافي المتدني جدا يجعل الكثير منهم( وليس الكل ) يتبادر للاختباء وراء اي فنطزة بشكل بليد ومبتذل جدا
ليثبت انه فهماننننننننننننننننننننن

السنة الماضية بقص ايدي اذا مو نفس الشخص كان عم يسب السيد ويطالب برجوع الآغا
وحسب السوق منسوق

والله يا شباب لولا شوي كنت تهورت باللعبة وصار .................

مع اني انا اكتر الناس يلي عارضوا رجعة الآغا
بس بنفس الوقت بعد ما لبس الفنلة الزرقاء
ما بسمح لاي شخص يهينوا

ولو كان صاحبنا بيفهم هو وغيروا

كان عرف انو الباصين يلي لعبهم بالشوط الاول ما بيلعبهم لا عب سوري على الاطلاق

لك وآآآآآآآآآآآآآآآآ××خخخخخخخخخخخخخخخخخخخخخخ

[صلاح الدين شاويش]

إلى صاحب الفكرة الذكية بمنع الدخول إلى الملعب تحت 17 سنة بتعرف أنو 75 بالمية هيك أعمارن

[ابو الليل]

أرسل أصلا بواسطة صلاح الدين شاويش

إلى صاحب الفكرة الذكية بمنع الدخول إلى الملعب تحت 17 سنة بتعرف أنو 75 بالمية هيك أعمارن

اخ صلاح

أنا لم أضع استفتاء على الفكرة ذكية كانت أم غبية هذا أولاً

ثانياً
ياريت يكون ردك لبق اكتر من هيك لاننا نبقى بشر ولنا افكارنا الشخصية وعلينا أن نطرحها لمن يهمه الأمر وبالنهاية مصلحة الحوت فوق كل أعتبار

مع حبي

[skyblue eye]

يعني هون بامنتدى شوف شو صار لما واحد ما عجبو احد الردود


اخي جمهورك هدا البقي منو لاني تعى شوف مثلا مشروع الصليبة الي خرج احسن المشجعين ماضل بيت الاوالو مغترب اذا ما النا مهاجر
بعدين كيف بدون يمنعوا تحت 18سنة وبلعبت تشرين المتعهد عامل الجمهور متل الحيوانات انا طولي 2 متر ووزني 135 كيلو بالزور لدخلت


اخي بالمختصر بدنا كتير

ونصيحة ياريت الرابطة تعمل ندوات ونشرات توجيهية لكسب اكبر عدد ممكن من الذويقة

[hutteenimot]

أرسل أصلا بواسطة مشجعي حطين بالشام

بلا جمهور مثقف بلا................زز
يعني مستوى الجمهور الثقافي المتدني جدا يجعل الكثير منهم( وليس الكل ) يتبادر للاختباء وراء اي فنطزة بشكل بليد ومبتذل جدا
ليثبت انه فهماننننننننننننننننننننن
السنة الماضية بقص ايدي اذا مو نفس الشخص كان عم يسب السيد ويطالب برجوع الآغا
وحسب السوق منسوق
والله يا شباب لولا شوي كنت تهورت باللعبة وصار .................
مع اني انا اكتر الناس يلي عارضوا رجعة الآغا
بس بنفس الوقت بعد ما لبس الفنلة الزرقاء
ما بسمح لاي شخص يهينوا
ولو كان صاحبنا بيفهم هو وغيروا
كان عرف انو الباصين يلي لعبهم بالشوط الاول ما بيلعبهم لا عب سوري على الاطلاق
لك وآآآآآآآآآآآآآآآآ××خخخخخخخخخخخخخخخخخخخخخخ

كلامك سليم اخي .. و بالنسبة لعارف فلازم نعرف انو هاللاعب قدم لحطين اللي ما حدا بتارخ حطين قدمو لهلق. و حتى لو ترك حطين و صار وين ماصار هاللاعب ما بينهان.. و الباصين اللي لعبهم انا علقت عليهم بموضوع تاني و قلت انو الكبار فقط بيلعبوا هيك لعب..

بعدين بالنسبة لموضوع التحت 17 سنة , بحب قول انو نحنا منروح عالملعب من وقت ماكان عمري 8 سنين وبظن انو هالعاطفة الكبيرة للملاعب اللي عندنا كلنا هية اجت من ورا روحتنا عالملعب . بس هالشي ما بيمنع وقوفنا نحنا الجمهور ضد اي حالة لا اخلاقية و متل ما شفنا بلعبة الوحدة كيف الجمهور وقف ضد رمي الاشياء على ارض الملعب . و بنفس الطريقو فيننا نضبط اي طفل بيحاول يطلع براة النطاق المسموح به بالملعب.

[الامير totti]

ونصيحة ياريت الرابطة تعمل ندوات ونشرات توجيهية لكسب اكبر عدد ممكن من الذويقة

هذه الفكرة لابد ان تدرس بالشكل الصحيح