::خسارة غير نظامية لحطين امام الفتوة ::

[Kh@led]

بعد استكمال الدوري السوري , تعرض حطين لخسارة ثالثة امام مضيفه الفتوة بهدفين مقابل هدف سجل هدف حطين الوحيد عارف الاغا .

وقد تخلل المباراة احداث شغب , حيث تعرض مئتان شخص قد رافقا حطين الى دير الزور لاعتداء من قبل بعض جماهير الفتوة الذي بلغ عدد عشرة الاف متفرج , ادى الى نزول جمهورنا الى ارض الملعب , مما ادى الى تاخر انطلاق الشوط الثاني لاكثر من نصف ساعة , و الشيء المثير للسخرية , والنادر الحدوث في الملاعب الخضراء , هو استكمال المباراة بعد اخراج كافة جماهير حطين من ارض الملعب الى خارج الملعب , اي بقي الفريق وحيدا في الملعب , بعزلة عن جمهوره الذي رافقه الى الدير .

على العموم , هذه الاحداث مشابها جدا جدا لما حدث منذ فترة في الملاعب الايطالية , حيث تم ايقاف المباراة التي جمعت الميلان و اتلانتا , وقرر بعدها اعادة المباراة في ارض محايدة ومن دون جمهور,
كما الشيء الغريب هو استكمال المباراة بعد فترة توقف دامت لنصف ساعة , وهو قانون جديد تم نصه من قبل القضاء الشرفاء الذين قادوا المباراة في دير الزور...

يذكر ان المباراة كانت من المقرر ايقامتها في مدينة حلب اثر عقوبة على جمهور الفتوة ,, الا ان الفدية المالية التي دفعها نادي الفتوة , اثرت اتحاد الكرة باعادة المباراة الى المدبح البلدي بدير الزور.

عموما المباراة لن تمر مرور الكرام , وستكون هناك وقفات عديدة مع المختصين , للوقوف على صحة قرار استكمال المباراة , ولن نتخلى عن حقوقها التي اقلها هي اعادة المباراة .

[ابو فارس الحطيني المشتاق]

الله يعطيك العافية اخ خالد هلق بتصور همنا الوحيد انو ما حدا من جمهورنا يكون متأزي من الشوايا و بعدين يا اخ خالد نحنا ما راح نتامل من الاتحاد الرياضي انو يعيد المباراة لانو متل ما اشترا نادي الفتوة الاتحاد الرياضي و خلى اللعبة بارضو و على المدبح البلدي بالدير كمان راح يشتريه و يثبت اللعبة ع جدول الدوري لانو بصراحة و الله حرام الي عم يصير
بس الحمد لله في الله و هو بحاسب الجميع

بحبك يا حطين بحبك

[الحوت المهاجر]

اخي خالد بظن امر اعادة المباراة لازم يكون في حال المباراة لم تستكمل وهيك بتنعاد

اما في حال لعبوا وانتهت بصافرة النهاية فاكيد المباراة رح تكو حسب رايهم صحيحة ويكتفو بعقوبات للجمهور والاندية

[al3keed]

للازم ما نسكت علي صار يا شباب والله كبير


انا حطيني اه يا نيالي يهيهيههيهيهيههيههيهيههي

[H i c h a m]

اخي خالد قانون كرة القدم من الفيفا واضح و صريح ..

اي مباراة بتتكمل لصافرة النهاية ما ممكن تنعاد ..

و هالشي صار بمناسبة بعيدة شوي بمباراة للفريق المصري بتصفيات كأس العالم و وقتها صار شغب و اللعة توقفت اكتر من مرة و ما نعادت ..

[الهولندي]

انشالله ما نتعاقب نحنا اخر شي متل عادة الاتحاد فورا بدق فينا

[T . AJJAN]

مو مشكلة خالد في اخرة

[شمشوم]

السلام عليكم يا شباب انا من الي كانوا في الملعب بالدير والحق لازم يقال الغلط من شب بجمهورنا بعد هدف الفتوة الاول ما تمالك اعصابه وصار بيسب بجمهور الفتوة وهيك علقت لانو الديرية ما سكتوا والحمد لله الشباب العيبة ما فيهم شي والله يعوض علينا وكان في النا عارضة كتير حلوة احلى من الكول وتحية خاصة لعارف الاغا اغا الهدافين

[LIVERPOOL 22]

شو بتتوقع من نادي شعار جمهوره بالزور بالقوة حيفوز الفتوة ...
بس انشاء الله بس يجوا على اللاذقية بدنا نسمعهم شعار جديد لفريقهم وجماهيرهم ...

[NARAMoo]

لاحول ولا قوة الا بالله

الله يرجع الجميع سالم معافى

هي اهم شي حالياااا يا شباب

[الامير totti]

هاردك للحوت الخسارة .. والتعويض ان شاء الله في القادمات ...

بالنسبة للمباراة .. اتوقع ان المباراة ستثبت نتيجتها .. واذا كان هناك عقوبات فالعقوبة تأتي مالية أو اقامة مباريات للفتوة خارج دير الزور ..

وهنا ملاحظة تنظيمية للجهاز الفني .. هل كانت الاجواء مناسبة لاستكمال المباراة بعد توقفها ..

والاعتماد سيكون على تقرير حكم المباراة ... واتمنى ان يكون جهازنا الفني قد دقق بالكتاب الذي صدر ...

[الاذقية حبي وحطين عشقي]

بوجود هيك رياضة واندية وجماهير رح يضل الدوري السوري مسخرة

[LIVERPOOL 22]

أرسل أصلا بواسطة شمشوم

السلام عليكم يا شباب انا من الي كانوا في الملعب بالدير والحق لازم يقال الغلط من شب بجمهورنا بعد هدف الفتوة الاول ما تمالك اعصابه وصار بيسب بجمهور الفتوة وهيك علقت لانو الديرية ما سكتوا والحمد لله الشباب العيبة ما فيهم شي والله يعوض علينا وكان في النا عارضة كتير حلوة احلى من الكول وتحية خاصة لعارف الاغا اغا الهدافين

حبيبي وايمتن وصلت من دير الزور يلي بالشام ما حلهم يوصلوا على اللادئية حاسك تشريني هاااا
لاء والاحلى من هيك احد اعضاءنا المنظومين عرض هذه المشاركة بمنتديات كوررررررة وصار يعتذر
من الجماهير الديرية كمان ولك على شو عم تعتذر ...

[basharo13]

والله مالازم نسكت وكان لازم ما نكمل المبارات ابدا

[hutteen my love]

خالد النتيجة ستثبت

وللأسف أمر انهاء المباراة بيد مراقب المباراة والحكم ( يعني اذا بدو كان أنهاها واذا بدو بكملها)

أما أمر أخراج جمهورنا من المباراة هذا ليس نظامي أبدا وأعتقد أن أتحادنا سيقوم بوضع هذا الخطأ على قوات حفظ النظام

المباراة أنتهت والنتيجة ثبتت

وبأنتظار العقوبات والتي أعتقد أن تكون كبيرة نوعا ما على فريقنا والسبب ( حكم ومراقب مباراة يكملا المباراة بهكذا ظروف يستطيعون بكل سهولة وضع الحق على فريق وجمهور حطين في تقرير المباراة خاصة وأن الجبنة والسمنة واللحمة الديرية غير شكل)

مسخرة الدوري السوري ومهزلة كبيرة .

[alaadine-k]

ابو كمال الدوري مسخرة بس لازم تتحرك الادارة باتجاه اتحاد الكرة وان لايقف كل حطيني يستطيع فعل شيء تجاه ماحصل ولو بعقوبات تطال الفتوة وانا عشت هذه التجربة قبل 4 سنوات بملعب دير الزور واذكر اننا خرجنا بقدرة قادر من الملعب والحجارة كانت كامطر بالدير على رؤوسنا حتى القنابل المضيئة ولعت ...وفكرت حالي بحرب البلقان وقتها

لازم يصير تحرك منذ الغد الى اتحاد الكرة والضغط بكافة الاساليب

[skyblue eye]

لازم كل مين قادر يعمل شي يتحلرك سياسة الاتحاد مفهومة رح يعاقب حطين حتى ما يخسروا الفتوة قانونا والي لازم يتعاقب الحكم الي كمل المهزلة بس لسا في اياب

[حطيني للموت]

لازم الإدارة ما تسكوت وتقدم أعتراض على يلي صار
و النا الله يا شباب

[شمشوم]

يا شطور انا بدرس في جامعة الاتحاد بالرقة وقلبي وعقلي وفكري كلو مع حطين وازا انت تفكر نفسك زكي فانت العكس والي صار مثل ما حكيت انو شب من جمهور حطين استفز جمهور الفتوة والحق يقال المهم لك شوف الصور وانت بتعرف اصلا جمهورنا نزل على الملعب وجمهور الفتوة كان على المدرجات ما حرك ساكن وياريت نكون منصفين يعني يا زكي عيب على كل محب للرياضة ما تكون نفسيته عالية وخلاقه كريمة والاهم شوف التهديد والوعيد الي عم يحكوا عنو الشباب في المنتدى والله عيب مو اخلاقنا هي وان شاء الله بالتوفيق لحطين وتحية مرة اخرى لأغا الهدافين

[شمشوم]

مرة اخرى اعود عليكم بقتراح وهو ان نتقدم في عريضة للاتحاد الرياضي وننتظر الرد والله ولي التوفيق