مافيا الفيفا

[مهند شاويش]

بعد ان تحدث مدرب المنتخب التشيكي عن شكوكه حول القرعة الخاصة بالمونديال
عاد الحديث مجددا عن طريق صحيفة تشيكية قالت بأن الكرات داخل الكرة الزجاجية كانت عبارة عن كرات ساخنة واخرى باردة وأن هذه الكرات الباردة قد خصصت لمجموعتي ألمانيا والبرازيل وقد اعترف بلاتر بلسانه بانهم فضلوا وضع البرازيل والمانيا بمجموعتين متباعدتين حتى يتجنب هذان الفريقان ملاقاة بعضهما في ادوار البطولة الأولى ولفتت الصحيفة انظار القراء إلى ان المانيا والبرازيل قد حققتا 9 من 9 في الدور الأول بينما لم يحصل فريق آخر على هذا الرقم
ووضعت مقارنة بسيطة بين مجموعة المانيا ومجموعة الأرجنتين
المانيا لعبت الى جانب بولندا - كوستاريكا- اكوادور فرق هامشية
بينما الارجنتين لعبت مع هولندا- ساحل العاج-صربيا منتنغرو
وتساءلت الصحيفة هل كان منتخب ألمانيا سيتأهل للدور الثاني لو ان مجموعته كانت مجموعة الارجنيتن
كما استفسرت الصحيفة عن سر مجموعة البرازيل في مونديال 2002 و 2006 وهل هي مجرد صدفة أم أن ما يجري في كواليس الفيفا اكبر بكثير من فضائح الدوري الايطالي
وذكرت الصحيفة بأن مجموعة البرازيل في 2002 كانت الصين وكوستاريكا وتركيا
وفي 2006 كرواتيا واليابان وأستراليا

برايي الشخصي هاد الموضوع ليس صدفة على الاطلاق

المصدر محطة kanal1

[abu kamal]

لك من زمان وهنة بفضلوا منتخبات ع حساب منتخبات
حتى هون خيار وفقوس

[SALAHDIN]

لك حتى بالرياضة في فساد

[juventini]

قسماً بالله يا مهند كلامك فيه كتير منطق و قصة الكرات السخنة و الباردة قريت عنها مرة عالإنترنت و فكرتون عم يمزحوا..!! المجموعات السهلة لفرق معينة عم تكون صدفة متكررة.. بس الصدفة لما بتتكرر ما بتعود صدفة.. صح ولا لأ؟

[Digital-Zero]

أرسل أصلا بواسطة juventini

المجموعات السهلة لفرق معينة عم تكون صدفة متكررة.. بس الصدفة لما بتتكرر ما بتعود صدفة.. صح ولا لأ؟

صح ومية صح
ً

[abu kamal]

ولله لازم يحطولون حد ها بلاتر من وقت ماصار رئيس للفيفا عم يطور اللعبة
بس عم ينهبا كمان..........

[نوار مالك مجبور]

أرسل أصلا بواسطة italiano

بعد ان تحدث مدرب المنتخب التشيكي عن شكوكه حول القرعة الخاصة بالمونديال
قد خصصت لمجموعتي ألمانيا والبرازيل انظار القراء إلى ان المانيا والبرازيل قد حققتا 9 من 9 في الدور الأول بينما لم يحصل فريق آخر على هذا الرقم

المصدر محطة kanal1

العمى شبكون يا ناس
أسبانيا حققت 9/9
خلص كلام فاضي لما فازت المانيا على الارجنتين الكل قال خلص المونديال لالمانيا
لانو الألمان اشتروا المونديال
بس آآآآآآآآآآآآآآآآآخ الجهل شو بيعمل بالناس آآآآآآآآآآآآآآىخ
أبو النور

[juventini]

الحكي ما من عنا يا أبو النور.. لو من عنا وقتها معك حق تحكي على جهلنا قد ما بدك.. بس الخبر منقول متل ما هو بالحرف و ما حدا عدل فيه أو زاد عليه.. روق شوي يا خي ما مستاهلة الحكاية..

[نوار مالك مجبور]

لك يا اخي انا لا قاصدك ولا قاصد ياللي نقل او نشر الخبر انا قاصد ياللي كان عم يقول انو ألمانيا
عم تشتري لعب
وجب التوضيح
وانت غالي ما فينا نزعلك
أبو النور

[مهند شاويش]

ابو النور الغالي
الألمان اثبتوا للعالم كلها انو عندون فريق شاب رح يعمل شغل كتير حلو مستقبلا
هاردلك على خروجكون المشرف متل الأرجنتين
المهم بخصوص المافيا يمكن شفت انو الموضوع مركز بشكل اكبر على فريق البرازيل
وهادا مقال ممكن يكون صح وممكن يكون غلط بس برأي كل الشباب هون في شي كتير من الصحة
احلى نيكول كيدمان بالعالم وأحلى ابو النور

[نوار مالك مجبور]

حبيب قلبي كلك زووووء ولا يهمك كل اسبوع سيتم تغيير صور نيكول كيدمان
أبو النور