كرسي الاعتراف ( الجزء التاني )

[ابو البحر]

السلام عليكم
اخواني الاعضاء نتابع معكم برنامج كرسي الاعتراف الجزء الثاني
حاليا ابو كمال زيدان قيد الاستجواب يلي بيحب يسأل يتفضل الباب مفتوح لغاية اربعة ايام
بعدين بيسمي ثلاث اعضاء ويتم التصويت عليهم ويلي بينال اربع اصوات بياخد مكانو على الكرسي

[عبد الباسط حجازي]

ماهو اصعب موقف واجهته (لاتقل لي كرسي الاعتراف لأن هذا الجواب مرفوض)
كيف توفق بين دراستك ومسؤليتك (زوج وأب )وعملك بالمحل وموقعك بالمنتدى(اداري)

[الامير totti]

تحية حارة لابو كمال ..الزيدان ...

كيف تقيّم عملك في المنتدى ... وما هي السلبيات التي تواجهك دائما في ردودك ومواضيعك ؟

[أبو هشام الحطيني]

شو بتنصحي عن الريجيم

لأني ناوي اعمل ريجيم و بما أنك خبير بهيك امور بتمنى نستفيد منك

هع



تحية كبيرة لأبو كمال الملك

و ما تواخذنا اذا كان مزحنا تقيل

[ahmad_hutteen]

بس سؤال صغير لابو الكيم
شو رايك فيني سلبيات بدون تجريح و ايجابيات بدون مجاملة

[حسن مكيس]

الله يعطيكم العافية شباب
الله يرضى عليكم بلا اب كمال
بكرا بيرجع الموقع بيتهكر وصار الموقع رجعان زمنيا مرتين
لانو نحس على الكرسي و ما بيلبقلو كمان
هع

[Rana]

أرسل أصلا بواسطة حسن مكيس

الله يعطيكم العافية شباب
الله يرضى عليكم بلا اب كمال
بكرا بيرجع الموقع بيتهكر وصار الموقع رجعان زمنيا مرتين
لانو نحس على الكرسي و ما بيلبقلو كمان
هع

شو بدنا نعمل أب خالد..

بعين الله.. بس بصراحة الحق مش على أبو كمال الحق على أبو البحر يالي مازال مُصر على هالكرسي...

عمومــــــــــــا..

أبو كمال.. فارسنا الهمام والبطل المغوار...

سؤالي..

أولا :شو أكتر شي ممكن يقلق أبو كمال ويخاف منه لدرجة إنه ما يعرف ينام الليل.. من الخوف والتفكير فيه طبعا...؟؟!!

ثانيا:شو أكتر موقف صعب مر بحياتك .. وكيف قدرت تواجهه..........؟؟!!


رح أكتفي بهاد السؤال حاليا... لحتى نشوف النتائج وشو رح يصير بالموقع ( بعيد الشر طبعا لإنه ساعتها أنا يالي رح تنجلط... كمان بعيد الشر عني.... )

[ابو البحر]

شو ابو كمال مشكل فرار يعني

[أبو حطيني المغترب]

أبو كمال العزيز رغم عدم معرفتي بك شخصياً... لكن وللأمانة أنت تستحق الكثير من خلالنا نحن كمحبين للنادي ومتابعين لهاذا المنتدى وذالك من خلال محور مقالاتك التي تثنى لها الشجاعة والتي لا نستولي منها إلا الحقيقة وايضاعنا في منبر الكواليس...
لن أطول بعبارات تضعني في توجيه المجاملات لأن الجميع يدري كما أنت ربما لا تدرى ما تستحق.. المهم والأهم شكرا لك ولك أسئلتي:

- لكل رجل نقاط في شخصيته ضعيفة أما قوية، أبو كمال متى تشعر بقوة الشخصية ومتى تضعف؟..
- إلا ماذا تطمح وأين أنت من هذا الطموح؟.. وماذا تتمنى؟..
- من هو أقرب شخص إلك تلجأ إليه طبعا غير زوجتك الكريمة؟..
- برجوع للنادينا ما هي اسباب الخسارات المتتالية لفريق الشباب وخسارة ناشئينا الكبيرة أمام تشرين وجميعنا على علم بمعرفتك لكواليس لم تكشف بعد؟..
- برأيك ادارة حطين ماذا يعيبها؟..
- شو المركز يلي بتشوف فريقنا به نهاية الذهاب وفيما بعد نهاية الدوري 2007-2008؟..
- أخيرا بما أنك بتحب بطنك متلي!!.. ما هي أحب أكلة لقلبك وشو بتحب أبعتلك من دبي شي بتحبه مع أقرب شخص نازل؟... (أخوية) طلوب فأنت تستحق كل الخير

بيكفي هيك راح اترك شي لغيري

[hutteen my love]

أول شغلة ياعلي متل ماقال أبوخالد الظاهر انا نحس عالكرسي لذلك ولأول مرة رح أستعمل سلطتي ومارح أقعد عالكرسي لأنو بالفعل وشي نحس عليه لذلك أنا برشح رنا لتكون محلي

أخوي أبو حطيني مغترب

أنا أبوكمال الأساسي (زيدان )وليس المزيف ( المحشية) وأنت عم تسأل المحشية لذلك أنا مارح جاوب هع

برجع وبكرر الله يخليكون خلو الموقع ماشي ومابدنا مشاكل لهيك

أنا برشح رنا

[أبو حطيني المغترب]

أرسل أصلا بواسطة hutteen my love

أول شغلة ياعلي متل ماقال أبوخالد الظاهر انا نحس عالكرسي لذلك ولأول مرة رح أستعمل سلطتي ومارح أقعد عالكرسي لأنو بالفعل وشي نحس عليه لذلك أنا برشح رنا لتكون محلي
أخوي أبو حطيني مغترب
أنا أبوكمال الأساسي (زيدان )وليس المزيف ( المحشية) وأنت عم تسأل المحشية لذلك أنا مارح جاوب هع
برجع وبكرر الله يخليكون خلو الموقع ماشي ومابدنا مشاكل لهيك
أنا برشح رنا

معك حق أنا ما انتبهت للأسم بشكل الصحيح وما عرفت فرق فالأثنين أبا كمال

بس ما خسرنا شي فأنت أيضا تحنى لك القبعات

بتمنى تبقى على الكرسي لأن يوجد الكثير من الأسئلة تحضر لك

والمعذرة على الخطأ

حاسس حالي مطعوج

[حسن مكيس]

أول شي يا أبوحطيني مغترب حاشاك من الطعجة بس ابوكمال معو حق يعني ماصدقنا أنو زبط الموقع

على كل حال أنا برأيي نعمل لفة وبنرجع لعند أبوكمال لأنو مارح يفلت هع

بالنسبة للترشيح أبوكمال خالف القواعد وماحط غير عمي رنا و مع هيك أكيد برشح عمي رنا نزولا عند رغبة الجماهير

[نتالي]

وأنا بصوت لرنا

[Rana]

أرسل أصلا بواسطة حسن مكيس

بالنسبة للترشيح أبوكمال خالف القواعد وماحط غير عمي رنا و مع هيك أكيد برشح عمي رنا نزولا عند رغبة الجماهير

أيّ جماهيــــــــــــــــــــــر..


بسيطة عمي... هلأ هاد إللي طلع معك..

وينو أبو البحر...............

أبو البحر قال إنه لازم يتم ترشيح تلاتة من الأعضاء.. ويتم التصويت واختيار عضو منهم..

وبما إنه تمت مخالفة القوانين .. فالترشيح السابق باطل ومرفوض وفقا للمبدأ : ..

مابني على باطل فهو باطل..

والقانون يعلو ولا يعلى عليه.. ...

[حسن مكيس]

منعا لمخالفة القوانين وبما انو انا المطرود عن الكرسي لانو ابو كمال كان فترة انتقالية وما محسوبة
رح رشح تلات اسماء حسب القوانين المرعية
رنا
ليفربوول 22 ( ابو هيثم )
أبو الليل
ورح نعتبر الاصوات الي صوتت لعمي رنا سارية المفعول
بيصير تلات اصوات لعمي رنا

[hutteen my love]

اكيد انا برشح رنااااااااا

[ابو البحر]

وانا كمان برشح رنا

[Rana]

أرسل أصلا بواسطة ابو البحر

وانا كمان برشح رنا

[hutteen my love]

أصبح رنا عالكرسي هع

[hutteen my love]

1- مين أكتر شخص بترتاحيلو بالموقع

2- من شو بتخافي وليش

3- شو رأيك بالحب عبر النت والمسنجر وليش

هي 3أسئلة خفاف نضاف

ملاحظة يتبع هع