رسالة الى السيد سليم سبع الليل

[مهند شاويش]

بسم الله الرجمن الرحيم

السيد رئيس نادي حطين سليم سبع الليل المحترم تحية طيبة أما بعد

بداية أتوجه لك شخصيا بالشكر الجزيل على جهدك الواضح الذي تبذله ليعود حطين كما كان سابقا حوتا يبتلع الجميع وأعلم انك من الإداريين القلائل الذين يمتلكون فكر التطوير والتجديد والإبداع ومحاولة الوصول بنادي حطين الى بر الأمان من خلال البحث عن استثمارات طويلة الأمد تحفظ نادينا العريق من الهزات ومن تحكم الأشخاص بمصير النادي الذي هو ملك ل 30000 ألف مشجع حطيني قي اللاذقية وحدها (ذكور فقط) .

رسالتي لك سيد سليم تتعلق بفرق القواعد بنادي حطين والنتائج المخجلة التي نحققها واليك بعض الأسئلة أتمنى أن تأخذها برحابة صدر وأن تجيبنا عنها كي نكون كجمهور متابع على معرفة بأدق التفاصيل التي تخص نادينا

1-هل أنت مقتنع كرئيس نادي بنتائج فرق القواعد (أشبال –ناشئين –شباب)؟

2-هل أنت مقتنع بمستوى مدربي هذه الفرق ؟

3-هل يمتلك أي مدرب من هؤلاء المدربين مع احترامي لهم أي شهادة تدريب حتى لو كانت شهادة مدرب ( C ) وهل حقيقة أنهم كانوا لاعبين سابقين خدموا النادي تكفي كي يكونوا مدربين لفرق القواعد في النادي؟

4-ألا تستحق مدرسة حطين الكروية العريقة (أول مدرسة كروية في سوريا) ألا تستحق مدربين أكاديميين يشرفون على تدريب فرق القواعد؟

5-أليس من الظلم إبعاد بشار سرور عن فريق الشباب الذي حقق معه مركز مميز وكان من الممكن أن ينافس هذا الموسم؟

6-بشار سرور ابن نادي حطين ومن أفضل اللاعبين الذين مروا على تاريخ الكرة السورية ولاعب دولي ومدرب أكاديمي وشخصية مميزة أليس هو الأجدر بتدريب فريق الشباب؟؟؟؟؟؟؟

7-أليس من الخطأ التعامل مع الكابتن بشار بنوع من الشخصنة أي أنكم كإدارة ابتعدتم عن الإحترافية بالعمل و عن مصلحة النادي وأخذ الموضوع منحى شخصي والذي يدفع الثمن هو نادي حطين وقواعده؟

8-هل نتيجة 6-1 مع تشرين بالناشئين نتيجة مقبولة أو معقولة ؟

سيد سليم أتمنى أن أرى رد وإجابات على هذه الأسئلة التي هي غيض من فيض كل أعضاء منتدى حطين الذين يعلمون بأن القواعد هي الأساس وهي الهدف

يقول تعالى : بسم الله الرحمن الرحيم (َيا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ) صدق الله العظيم

مهند مروان شاويش

[mido31]

والله ياابن العم هل الحكي مزبوط وياريت الاستاذ سليم سبع الليل بجاوب او احد الاعضاء المتواجدين باللادئية بينقلوا هل المعلومات وبيجاوب عليه بكل صراحة والسلام عليكم............

[Mocking Bird]

نتمنى اجابة السيد رئيس النادي على هالمطالب

[الاذقية حبي وحطين عشقي]

أملنا أنتوا وثقتنا كاملة فيكم (أدارتنا الكريمة)

[مهند شاويش]

منتأمل اجابة من رئيس النادي لانو الموضوع فعلا هم لكل حطيني اصيل

[BaTiGoAl]

والله يا مهند بضم صوتي لصوتك ... ويا ريت نلاقي اجابة لأهم المشاكل اللي عم يوقع فيا حطين حاليا ومن سنين ولحد الان ما انحلت

[ahmad_hutteen]

بضم صوتي الك مهند وبس في سؤال
اين كيفورك مردكيان اين هو وهو الذي خرج خيرة اللاعبين من حطين و له الفضل في ظهور مواهب حطينية و لاعبين كبار على الساحة اتمنى ان اراه ضمن نادي حطين ويستلم قواعد النادي لانو النتائج لاتبشر بالخير ابدا

[مهند شاويش]

للرفع بانتظار الرد من قبل ادارة النادي ........ ونتمنى أن لا يتأخر

[ابو فارس الحطيني المشتاق]

الله يعطيك العافية ابو مروان و انا بضم صوتي لصوتك و بطالب متل كل حطيني اصيل انو يكون الرد سريع و بتصور انو لازم يرد حدا من الادارة لانو المضوع مطروح من 29 / 11 / 2007 و صارلو اربع ايام و ما حدا رد عيب على الادارة يلي حاطين ثقتنا فيها وراح نفضل حاطين هل الثقة فيها

[حطيني وبس]

لاااااااااااااااااااا تعليق

[مهند شاويش]

بعد نتيجة فريق الشباب اليوم اعود واجدد طلبي من رئيس النادي الاجابة على استفساراتنا

[nedved juve11]

وانا بضم صوتي لصوتك ابو مروان ... ونحن ناطرين رد من الادارة عن هالأسئلة اللي بتخص كل واحد حطيني ...

[مهند شاويش]

لا رح كل ولا رح مل وللرفع

[مهند شاويش]

حبيت بس فرجي الكل انو في شي غلط بالنسبة لفرق القواعد عم يصير عنا بالنادي
الموضوع نطرح وتناقش وطلبنا اكتر من مرة عن طريق السيد طلال قواف اجابات لأسئلتنا وطبعا ما كان يرد علينا وهلأ السيد سليم سبع الليل كمان ما عم يرد
خير نشالله

[مهند شاويش]

حدا بيقدر يفسر تجاهل الموضوع الا انو قلة احترام واستهتار فينا كمنتدى بيطرح مشاكل النادي ؟؟؟؟؟
مو اول مرة منسأل وبتم تطنيش اسئلتنا؟؟؟؟!!!!!!!!
ومع هيك ما بضيع حق وراه مطالب ورح ضل قاتل عالحق واحكي الحق

[حطين]

أرسل أصلا بواسطة italiano

وطلبنا اكتر من مرة عن طريق السيد طلال قواف اجابات لأسئلتنا وطبعا ما كان يرد علينا

و ما رح يرد عليكم طمن بالك

[حطين]

انا بعتب عالشباب يلي بيشوفوه بشكل دائم لسبع الليل ,, حدا يتبرع منهم ويعطيه الموضوع مطبوع , ولا شاطرين بس بتمسيح الجوخ ؟؟؟؟؟؟؟؟؟؟؟

[مهند شاويش]

اخوي حطين انا لا رح كل ولا رح مل
وما رح جامل على حساب حطين بس متل ما انت قلت في ناس بتخاف تقول الحق وبعتقد هيدي مشكلة حطين من الأزل والكل شايف وعامل حالو ما شايف بس انا حكيت وضميري مرتاح لابعد الحدود

[الحوت المهاجر]

اخوي مهند ما في رقم فاكس بالنادي ؟؟؟

جرب ابعت موضوعك بالفاكس وحط تلفونك ايميلك ...

[مهند شاويش]

اخوي الحوت فكرتك حلوة ونشالله رح حاول جيب رقم الفاكس وابعتو بس بعتقد هيك بكون عم الغي دور المنتدى اللي هوة ساحة للحوار وعلى كل حال انا متاكد انو رئيس النادي عندو علم بالموضوع تماما وكاملا وبيعرف انو في ناس عم تسأل والتطنيش مقصود