:::... حطين _ الشرطة...::: هنا تعليقات الاعضاء

[BaTiGoAl]

المباراة الأسوأ لحطين هالسنة
يعني ما بعرف شو بدي احكي عشوائية عجيبة انا لاحظت شغلة لما بيركد علي حسونة على لاعب خط الوسط بالهجمة المرتدة ... ما كان حدى يرجع او يفكر يرجع يغطي مركزه !!! وهي وظيفة الوسط المتاخر اولا !!!

نفس الشي كان عم ينطبق على سليم خضرة اللي قدم مباراة جيدة اليوم بس كل ما يتقدم ما حدى يغطي مركزه
اي فعلا كان هجومنا كتير ضعيف بدون كرة ....
والكل حكاها وما كان اليوم يومو للهجوم كلو
علي شعبان ما بعرف كيف بيفكر هالجمهور قال حط المسؤولية عليه بالكول
والله يا ابو خالد فعلا نقطة عتب عالجمهور كبيرة
والحكم كان مجامل ببعض الحالات لدرجة كبيرة
ومرات تانية كان كتير متساهل يعني ما عرف يتحكم بالمباراة مظبوط
متل ما قال صلاح كلنا طلعنا مخضوضين من هالاداء بس ب النهاية
الله كان معنا اليوم والحمد لله عالفوز الف مبروك للجميع

[أبو ناظم]

الف مبروك من كل قلبي للحيتان

[Kh@led]

اول مرة بشوف حكم .. بيجامل فريقنا كتييرررررر.

[LIVERPOOL 22]

اهم شي الحمد الله على نقاط المباراة ..
بس في شغلة اول مرة بحياتي كلشي صرلي بحضر مباريات كرة قدم بالعالم
الجمهور يهتف للاعب وهو عم يشوط الجزاء ضاع التركيز من اللاعب وضاعت الجزاء
وضاع الفريق وضاع الاداء إلا النقاط لم تضيع وانا احمد الله .....

[LIVERPOOL 22]

أرسل أصلا بواسطة Kh@led

اول مرة بشوف حكم .. بيجامل فريقنا كتييرررررر.

هيدي مو مجاملة خلودة الله أعلم على شو عم يرسم الاتحاد الرياضي وانا بلشت خاف
من التحكيم ....

[BaTiGoAl]

يا شباب عنجد هلق بلش الدوري بالنسبة لحطين اذا كان فعليا عينو على مركز متقدم ولا ... رح نتعرض لانتكاسة لا سمح الله
شوفو جدول مبارياتنا القادمة
عفرين × حطين بحلب
حطين × المجد باللاذقية
الاتحاد × حطين بحلب
حطين × الطليعة باللاذقية
حطين × الجيش باللاذقية

مباريات نارية لفريقنا

[مهند شاويش]

كلام حمودة مظبوط وبصراحة كلام ابو حالد واحمد بكداش وخالد واقعي الى درجة كبيرة والوضع ما بطمن ابدا
دعوة للكوتش ياسر من دون مجاملة التلات نقاط ما بتخفي سوء الاداء والضعف البدني الغريب خاصة انو كنا متوقعين بعد هالتوقف يكون المستوى البدني للفريق ممتاز بانتظار تقرير ابو كمال الغالي ليعطينا رأيو

[ahmad_hutteen]

مبروك للنتيجة وهاردلك للاداء

[أبو حطيني المغترب]

شباب قبل كل شيء مبروك الفوز
كوني لم أتابع المباراة ومن خلال تعلقات الأخوة الاعضاء
ألاحظ عدم الرضا وتراجع بالمستوى ...

ماذا يعني؟؟؟؟؟......
نحن ببداية الحلم .... الرجاء أدراك الموضوع كي لا نستيقظ

[حسن مكيس]

أرسل أصلا بواسطة syriana

هذا راي يا عزيزي ..قد اكون مخطئا ..

لكن عاب فريقننا من وجهة نظري بطء لاعبي الهجوم .. وكانت حركتهما بدون كرة سيئة جدا ولطالما مرر لهما كرات ولم يحسنا الحصول عليها(عارف بالتحديد )*
عدة كرات مررت من امانويل كانت بحجاجة الى مهاجم سريع للتعامل معها ..

الكرات العالية كانت دائما من نصيب دفاع الشرطة ..

تبقى هذه وجهة نظري لما شاهدته في الملعب ..

تمااااااااام ابو حميد
بس على مايبدو رجعنا للامراض القديمة وما لازم يحكي الواحد الا ايجابا
حسبنا الله ونعم الوكيل

[bluestar1980]

لكل جواد كبوة وانشا الله يستفيدواا من اخطائن

[أبو هشام الحطيني]

ألف مبروك يا شباب

والله و رجعتولنا البسمة

و شكرا" لكل من شارك بعودة الحوت للقوة اللي تمتع فيها سابقا"

[عاشق الحوت الأزرق حسام]

مبروك للحوت وبالتوفيق في المبارايات القادمة

[NARAMoo]

مبروك عالفوز الحطيني

ولكن على الأداء لا تعليق

البركة بالأعضاء ما خلونااا نكتب شي

[T . AJJAN]

اول شي الف مبروك الفوز للفريق ولنادينا الغالي
اشكر الله واحمده ان النقاط الثلاث اصبحت بجعبتنا خط الهجوم بحاجة للنظر
يعطيك العافية علوشة وابورامز والديب والخضرة
وغياب هشام اثر على الفريق هيدا من وجهة نظري
وعتب على الجمهور انو هيك صار لانو كان شاهد للعيان انو البيازيد بدو يسدد بس مابعرف شو صار وبتمنى بتمنى بتمنى انو مايتكرررررررررررررررررر هيدا الشي

[al3keed]

مبروك والحمدلله




أنا حطيني أه يا نيالي هيهيهيهيههيهيهيهيه

[ابو بشار الحطيني]

اولا مبروك لحوتنا النقاط الثلاثة ...................اداء سيء جدا جدا للحوت ..............و لنكن صادقين مع انفسنا و مع الاخرين ان حوتنا ما زال يحتاج الى الكثير للمنافسة على بطولة الدوري ...................نتمنى ان تكون كبوة جواد للحوت وان يعود الى مستواه الحقيقي.........

[hutteenvalencia]

بالتوفيق للحوت والأداء مش ولابد

[حطيني للموت]

يا شباب الفريق كان كويس بالشوط الأول
يعني بالشوط الأول لعبة طابة كتير حلوة
وراكزة بس كان في شوية استهتار من اللاعبين
و بالشوط التاني كان الأداء سيء و كان في نقل كرات عشوائية
و الحمد لله في النهاية حققنا فوز و ثلاث نقاط مهمة

[الاذقية حبي وحطين عشقي]

الفوز تحقق وهذا اهم شيء
مبروك الثلاث نقاط والمركز الثالث (ولو مؤقتا") طموحنا أكبر