@@ زيدان يا جبل ما يهزك ريح @@

Saeedoo · #1 (**permalink**) 10/07/06, 01 :38 01:38:27 AM

كلنا استغربنا تصرف زيدان في الملعب ... بعد أن كان من نجوم المباراة
نعم زيدان الدين زيدان ضرب ماتيرانتسي قصدا و لكن من دون سبب

كما يخيل للبعض .. التلفزيون الفرنسي أعاد اللقطة عدة مرات

زيدان كان هادئا اليوم بل لم تغادر وجهه الابتسامة

حتى قبل ضرب اللاعب الإيطالي كان يبتسم له و مد له يده و لكن الإيطالي

ال........ لم يسلم على زيدان فتابع زيزو عودته إلى الخلف

و لكن ماتيرانتسي أسمع زيدان كلاما بالإيطالية التي يفهمها زيدان

ولكن الذي سمعه زيدان جعله يلتف و يعود للاعب الإيطالي

و يضربه عقابا على كلامه و الذي أتوقعه عنصري و قاسي جدا

نعم و الأيام القادمة ستراهن على ذلك ..

أحيي زيدان على عنفوانه العربي و أحيي شجاعته و غيرته ..

بكل الأحوال خروجه لم يؤثر على النتيجة ..

حتى لو لعب الفرنسيين بخمسة لاعبين .. لماذا ؟؟

لأن إيطاليا استمرت في طريقتها التقليدية وهي الدفاع

و نقلا عن قناة CANAL+ فإن اللاعب الإيطالي قال لزيدن

أيها اللقيط العربي

أحمدعيد · #2 (**permalink**) 10/07/06, 03 :14 03:14:33 AM

مع حبي الشديد للبرازيل وسخطي على الفرنسيين لانهم أخرجونا من المونديال
الا أنني كنت أشجع فرنسا لأنها قدمت أداء راقيا جدااا
زيدان ستبقى نجما رغم الجميع وأنت بطل العالم

مهند شاويش · #3 (**permalink**) 10/07/06, 04 :03 04:03:02 AM

شباب لا تقلبولنا اياها عنصرية ولا عب بخبرة زيدان لو انسبت امو بالملعب ما لازم يتصرف هيك
شو فرقت عن لاعبين الشوارع
يعني لعبة نهائية وآخر لعبة الك وعمرك 34 يعني ما جديد على الملاعب
لا تقلولي شهامة وعروبة وحكي فاضي
زيدان كلمة بالعربي ما بيعرف يحكي
كان تصرف ارعن شخصي تصرف شخص ما بقا عندو شي يقدمو وخلونا واقعيين

abu kamal · #4 (**permalink**) 10/07/06, 05 :00 05:00:32 AM

معرفوة بدون يسوا عنصرية
بكرا يقلولك سب الدين وسب العرب وشو بعرفني
خلصونا بقا الكل بيعرف وساختو لزيدان
ولا نسيتو شو عمل بالسعودية بال98 ولا هي ماحدا بيتذكرا
وغيرو وغيراتو بالدوري الإيطالي والإسباني
شبكون لك شباب
فورزا أزوري

Kh@led · #5 (**permalink**) 10/07/06, 05 :13 05:13:46 AM

زيدان مر من هنا

مهند شاويش · #6 (**permalink**) 10/07/06, 05 :18 05:18:13 AM

فرجينا كل العالم لما بدنا نلعب هجوم كيف منلعب (لعبة المانيا)
وفرجينا الكل لما بدنا ناخد اللعبة على الجزاءات (فرنسا)
تعلموا يا فرق العالم ومدربي العالم من الكاتناسيو
اسياد الكون ايطاليا صرنا اربع نجوم

Saeedoo · #7 (**permalink**) 10/07/06, 08 :08 08:08:14 AM

اقتباس:

أرسل أصلا بواسطة italiano

شباب لا تقلبولنا اياها عنصرية ولا عب بخبرة زيدان لو انسبت امو بالملعب ما لازم يتصرف هيك
شو فرقت عن لاعبين الشوارع
يعني لعبة نهائية وآخر لعبة الك وعمرك 34 يعني ما جديد على الملاعب
لا تقلولي شهامة وعروبة وحكي فاضي
زيدان كلمة بالعربي ما بيعرف يحكي
كان تصرف ارعن شخصي تصرف شخص ما بقا عندو شي يقدمو وخلونا واقعيين

حبيبي مهند طبعا" زيدان غلط وماكان لازم يعمل هيك
بس أنت وأنا ما منعرف شو حكاه ويمكن لو كنت محلو يمكن كنت عملت أكتر من هيك
والعروبة والشهامة يامهند ماحكي فاضي ...حكي مليان كتير
خلص الكأس وأخدتوه والله يسامحو لزيدان ...
وشفنا مين بأرض الملعب ماكان عمبيقدم شي ....ومين كان عميقدم كلشي ...!!!؟

Saeedoo · #8 (**permalink**) 10/07/06, 08 :10 08:10:40 AM

اقتباس:

أرسل أصلا بواسطة abukamal

معرفوة بدون يسوا عنصرية
بكرا يقلولك سب الدين وسب العرب وشو بعرفني
خلصونا بقا الكل بيعرف وساختو لزيدان
ولا نسيتو شو عمل بالسعودية بال98 ولا هي ماحدا بيتذكرا
وغيرو وغيراتو بالدوري الإيطالي والإسباني
شبكون لك شباب
فورزا أزوري

حبيبي كل لاعب بيغلط وبيطلع عن طورو ...وكلنا بشر

بس شو هي وساختو و غيرو وغيراتو بالدوري لاسباني والإيطالي ...!!!

بتتذكر ياحبيبي القصة اللي صارت بين جمال كاظم وحسان عباس لما ضربو جمال كاظم بسبب المسبات
ولا هيدي معلش ...؟؟

Saeedoo · #9 (**permalink**) 10/07/06, 10 :43 10:43:26 AM

هدا هو Materazzi....???

http://www.youtube.com/watch?v=7Hbls...arch=materazzi

أحمدعيد · #10 (**permalink**) 10/07/06, 01 :20 01:20:43 PM

يا أخي الشغلة مو شغلة عروبة ولا شأمة بس الشغلة انو الزلمي دمو حامي وما بيرميها واطي
ومتيرازي عرف كيف يستفزوا
وهالشغلة بتصير بأحسن العائلات

Kh@led · #11 (**permalink**) 10/07/06, 01 :25 01:25:06 PM

سعيد ...من سلمك القضية الفرنسية ؟؟؟؟؟

Kh@led · #12 (**permalink**) 10/07/06, 01 :26 01:26:48 PM

اصلا معروف مترازي بتصرفاتو .. بالدوري الايطالي ... و معروف كمان زيدان بضرباتو القاضية

و هي ما اول مرة زيدان بينطرد بهل الشكل ... يعني اللاعبين عندون سوابق ...

نوار مالك مجبور · #13 (**permalink**) 10/07/06, 02 :31 02:31:59 PM

اقتباس:

أرسل أصلا بواسطة italiano

لو انسبت امو بالملعب
وخلونا واقعيين

يا سلاااااااااااااااااااااام على واقيعيتك الزايدة عن اللزوووووووووم
لا حول ولا قوة إلا بالله
أبو النور

juventini · #14 (**permalink**) 10/07/06, 07 :22 07:22:33 PM

خي أبو النور اسآل لعيبة الهجوم بحطين و بكل فريق بتعرفو كام مرة بيسمع امو عم تنسب من لعيبة دفاع الفريق التاني.. ما بدها كتير حداءة يعني.. و إذا كنت لاعب كرة قدم و ضربت كل لاعب شتمك ما رح تلعب خمس دقايق بحياتك كلها..

أبو ميزر · #15 (**permalink**) 10/07/06, 08 :31 08:31:27 PM

الدوري الإيطالي مشحون ضد الإسلام وهو دوري عنصري
ولأول مرة أشعر بأن زيدان عربي

مهند شاويش · #16 (**permalink**) 10/07/06, 09 :49 09:49:38 PM

ابو النور الغالي
عنجد حاسك عم تحكي عن لاعب بيلعب احياء شعبية
والواقعية هون بتجي من الاحتراف اللي عايشو زيدان وانو لاعب متلو شو ما صار ما لازم ينفعل بهالشكل
بعدين زيدان عم يلعب طابة ومن عدم الواقعية بمكان تقلب اللعبة حلبة ثيران

مهند شاويش · #17 (**permalink**) 10/07/06, 09 :53 09:53:48 PM

أخي ابو ميزر
يعني فرنسا اللي مانها عنصرية تجاه قضايا العرب والمسلمين
ما بعرف صاير تفكير الشباب هون شوي غريب
وكأنو ايطاليا وتشجيعنا الها غاظ كتير ناس ومشكلة البعض عدم تقبل الخسارة ورفضا ومحاولة التشويش والتشويه
يا أخي الطليان لا شايف العرب ولا شايف اليهود وما مهتم بكل شي اسمو عربي حاجة تقلي عنصرية وفاشية
بتمنى تفصلوا الرياضة عن السياسة لأنو هادا حكي ما منو نتيجة

نوار مالك مجبور · #18 (**permalink**) 11/07/06, 12 :48 12:48:32 AM

ما مشي الحال
إنشا الله خير
ومبروووووووووك لايطاليا
أبو النور

abu kamal · #19 (**permalink**) 11/07/06, 12 :00 12:00:26 PM

ولله نحنا منكبر الأمور ليش مابعرف ولصالح مين مابعرف

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات